2 KARAENG-KARAENG 2:19 - KITTA' MATANGKASA'

¹⁹ Nia' siapa are tau ri Yerikho battu mange ri Elisa na nakana, “Bapa', sangkamma kicini' kalenta, anne kotaya bajiki, mingka je'ne'na tabajikai siagang nalari cera' baine tiananga punna nainungi.”

2 KARAENG-KARAENG 2:19 ပူးပေါင်းရင်းမြစ်များ

1 KARAENG-KARAENG 16:34

Lalang ri wattu pamarentahanna Ahab, nibangummi ammotere' kota Yerikho ri Hiel, iamintu tu battu ri Betel. Mingka sangkamma apa le'baka Napau la'bi riolo Batara tete ri Yosua ana'na Nun, taenami rua ana'na Hiel: Abiram ana' toana matei ri wattu napadongko'na pundasina kotaya, siagang Segub ana' bungkona matei ri wattu napasanna Hiel pakke'bu'-pakke'bu' lompona anjo kotaya.

1 KARAENG-KARAENG 18:13

Apaka tenapa kilangngereki angkanaya ri wattunna nabuno Izebel na'bi-na'biNa Karaeng Allata'ala, nia' le'ba' kucokko 100 tau battu ri ke'nanga – 50 tau lalang se're kali'bong ri batua – siagang kusarei ke'nanga kanre siagang je'ne' inung?

1 KARAENG-KARAENG 18:7

Ri tangngana aganga assibuntulu'mi Obaja siagang Elia. Naassennamo Elia, su'ju'mi untu' ampakala'biriki nampa akkuta'nang angkana, “Ikatte tojengka anne bapa' Elia?”

2 KARAENG-KARAENG 2:18

Nampa ammotere' ke'nanga mange ri Elisa niaka attayang ri Yerikho. Nakanamo Elisa ri ke'nanga, “Sai le'ba' mako kupauang angkanaya tea' mako a'lampai?”

2 KARAENG-KARAENG 2:20

Nakanamo Elisa, “Angngalleko mangko' beru, nampa nubonei ce'la.” Jari naerammi ke'nanga anjo apa napalaka Elisa.

KALAPPASSANG 15:23

Nampa battumo ke'nanga ri se'reang tampa' niarenga Mara, mingka paiki anjoreng je'neka, sa'genna takkullea niinung. Lanri kammana minjo naniaremmo anjo tampaka Mara, battuanna pai'.

KALAPPASSANG 23:26

Tena tubaine ri pa'rasangannu lanalari cera' yareka tamanang. LaKusareko umuru' la'bu.

KALAPPASSANG 7:19

Nakana Batara ri Musa, “Suroi Harun angngallei takkanna nampa nupajonjo mae ri tompo'na sikontu binangaya, sikamma solonganga siagang sikamma kollanga ri Mesir. La'jari ceraki je'ne'na, siagang lania' cera' ri sikontu pa'rasanganga, ba'lalo manna lalang ri sikamma dorong kayua siagang sikamma katoang batua.”

HOSEA 9:14

Apami musti kupala' ri Katte untu' sikamma anjo taua? Pa'jari tamanang ngasengi sikamma tubai'-bainena ke'nanga! Pa'jari ke'nanga takkullea ampasusui ana' lolona ke'nanga!

PAMMILANGNGANG 12:11

angkanami mae ri Musa, “Tulungi ikambe Tuang, teaki' lappassangi ikambe nisessa lanri dosa nagaukanga ikambe lalang kadongokanna ikambe.

PAOLE 28:11

Lanisareko ana' majai. La'jari jai olo'-olo' piaranu siagang lalla'bi-la'bi wassele' kattoannu ri pa'rasangang Napa'janjianga Batara mae ri boe-boenu untu' Napassareang mae ri kau.

1 TIMOTIUS 5:17

Sikamma pamimping anggaukang bajikai jama-jamanna siratangi a'lappi rua batena nipakala'biri', la'biangampa ia rajenga akkato'ba siagang angngajara'.

YOSUA 6:17

Sikontu kotaya siagang sikontu bonena musti niancuru' taba sikali salaku passare mae ri Batara. Poro iajinjo bawang Rahab, iamintu anjo baine pagau' bawanga siagang sikamma bija pammanakanna akkulle nilappassang attallasa', lanri le'ba'na nabantu mata-matata.

YOSUA 6:26

Anjo wattua napasuluki Yosua pappisangka kammaya anne, “Inai-nai ero' angngusahakangi untu' ambangungi ammotere' anne kota Yerikho, lanitabai ri pattunraNa Batara. Inai-nai lantannangngi batu pondasi, latappelaki ana' toana; na inai-nai ampatabai sikamma pakke'bu' lompona, latappelaki ana' bungkona.”