2 KARAENG-KARAENG 2:15 - KITTA' MATANGKASA'

¹⁵ Anjo limampuloa na'bi naciniki anjo apa kajarianga, nampa nakana ke'nanga, “A'lette'mi koasana Elia mae ri Elisa!” Battumi ke'nanga mange ri Elisa nampa su'ju' ke'nanga ri dallekanna

2 KARAENG-KARAENG 2:15 ပူးပေါင်းရင်းမြစ်များ

1 KARAENG-KARAENG 19:16

Gaukang tommi anjo kammaya mae ri Yehu ana'na Nimsi, sollanna a'jari karaeng Israel. Kammayatompa Elisa ana'na Safat battu ri Abel-Mehola, sollanna a'jari na'bi ansambeangko.

1 KARAENG-KARAENG 20:35

Lanri parentaNa Batara, nia'mo sitau na'bi battu ri pa'rappunganna anjo na'bia ansuro ba'ji anjo aganna. Mingka taerokai anjo aganna.

2 KARAENG-KARAENG 2:19

Nia' siapa are tau ri Yerikho battu mange ri Elisa na nakana, “Bapa', sangkamma kicini' kalenta, anne kotaya bajiki, mingka je'ne'na tabajikai siagang nalari cera' baine tiananga punna nainungi.”

2 KARAENG-KARAENG 2:7

siagang nia' limampulo na'bi ampinawangi ke'nanga. Nampa ammantammo Elia siagang Elisa ri biring binangaya, nampa anjo limampuloa na'bi ammentengi tena siapa bellana battu ri anjo tampaka.

2 KARAENG-KARAENG 4:37

Su'ju'mi anjo bainea ri dallekanna Elisa nampa naerang ana'na assulu'.

2 KARAENG-KARAENG 5:22

Appialimi Gehazi angkana, “Kipammopporanga' Bapa', nisuroa' ampauangki' angkanaya silalonna nia' rua na'bi lolo battu ri daera Monconna Efraim. Napalaki bapakku sollanna assareki' 3.000 doe' pera' siagang ruampasang pakeang ga'ga untu' anjo ruaya na'bi.”

2 KARAENG-KARAENG 9:1

Anjo wattua akkioki Elisa kalase'renna anjo na'bi-na'bi naajaraka nampa nakana ri ia: “Apparuruko untu' a'lampa mange ri Ramot ri pa'rasangang Gilead, siagang erangi anne botolo' niaka minynya' zaitunna.

YESAYA 11:2

KoasaNa Batara langngului, ampa'jari baji' akkalaki siagang cara'deki, porei angngalle kaputusang nampa nagaukang; angngassengi ero'Na Allata'ala siagang mappilangngeri ri Ia.

YESAYA 59:21

LapparekKa' parjanjiang siagang ikau ngaseng: Kusareko koasangKu siagang ajarangKu sa'genna satunggu-tungguna. Pangngajarrangi mae ri ana'-ana'nu sollanna akkulle todong ke'nanga ampangngajarrangi situlusu'na mange ri jari-jarina kamma-kamma anne sa'genna satunggu-tungguna.”

AMOS 7:14

Appialimi Amos angkana, “Inakke teaiya' na'bi lanri pangka'. Sikontutojenna inakke pakalawakia' siagang pakattili' rappo ara.

PAMMILANGNGANG 27:20

Passareangi sipa'gang mae ri ia kakoasannu, sollanna mannuruki umma' Israel mae ri ia.

LAMPA-LAMPANA 1:8

Mingka punna battumo RohNa Allata'ala mange ri kau, langgappa mako koasa. Na la'jari mako sa'bingKu ri Yerusalem, ri sikontu Yudea, ri Samaria, sa'genna ri cappa'na linoa.”

2 KORINTUS 12:9

Mingka appialimi Batara angkana, “MangngarimangngiA' mae ri kau, naganna'mo anjo mae ri kau; nasaba' punna lammai nukasia' kalennu, iaminjo wattua napila' magassing koasaKu.” Lanri kammanami anjo nakula'bi sannang angkalompoang pa'maiki apa-apa kukalammanga; nasaba' punna lammai kusa'ring kalengku, iaminjo wattua nakukasia' pannulunNa siagang kakoasanNa Almasi mae ri nakke.

YOSUA 3:7

Nakana Batara mae ri Yosua, “Appakkaramula anne alloa laKupa'jariko tau malompo sa'genna sikontu umma' Israel lanapakalompoko siagang nasadari angkanaya iNakke anrurungangko sangkamma Kururunganna Musa.

YOSUA 4:14

Anjo alloa Nagaukangi Batara sikamma gau' malompoa sa'genna anjo bansa Israel napakalompomi Yosua salaku tau malompo. Nipakalompomi Yosua ri ke'nanga lalang sikontu tallasa'na, sangkamma nipakalompona Musa ri ke'nanga.

1 PETRUS 4:14

Upakko punna nihinako lanri tappa'nu mae ri Almasi. Punna kamma anjo, battuanna nia'mi ri kau Roh Mala'birika, iamintu RohNa Allata'ala.

1 SAMUEL 10:5

Le'baki anjo musti a'lampamako mange ri bontoNa Allata'ala ri Gibea, tampa' kemana tu Filistin. Ri pakke'bu' antamaya ri kotaya, lasibuntulukko siagang sipa'rappungang na'bi sitabanga naung battu ri bonto pakkoro'bangnganga. A'joge'-jogeki siagang akkiok-kioki ke'nanga, akkarena gambusu', rabana, suling siagang kacapi.