2 KARAENG-KARAENG 2:13 - KITTA' MATANGKASA'

¹³ Nampa narappung jubana Elia tu'guruka. Le'baki anjo ammotere'mi nampa ammenteng ri birinna Binanga Yordan,

2 KARAENG-KARAENG 2:13 ပူးပေါင်းရင်းမြစ်များ

1 KARAENG-KARAENG 19:19

Jari a'lampami Elia na nagappa Elisa sitabang anjama appa'jeko. Nia' sampulo anrua ayoka sapi ri dallekanna, na Elisa kale-kalenna appa'jeko ri ayoka ri boko dudua. Ammalona Elia ri ampi'na Elisa, nasungkemi jubana Elia nampa napataba ri salangganna Elisa.

1 KARAENG-KARAENG 9:26

Untu' tantarana ri tamparanga, appareki Salomo kappala'-kappala' ri Ezion-Geber, ri ampi'na Elot ri biring Tamparang Teluk Akaba, daera Edom.

2 KARAENG-KARAENG 2:12

Naciniki Elisa anjo kammaya nampa akkio' angkana, “Elia, bapakku! Bapakku! Pajagana Israel malompoa! Tenami bapakku!” Jari lanynya'mi Elia battu ri paccini'na Elisa. Si'nami nyawana Elisa na nakekke' jubana a'jari rua.

2 KARAENG-KARAENG 2:14

nampa napatunrung anjo jubana Elia ri tompo'na je'neka nanakana, “Kemae Batara, anjo Allata'alana Elia?” Le'baki napatunrung anjo jubaya ri tompo'na je'neka, ta'bage ruami anjo je'neka nampa a'jappa anta'leang.

2 KARAENG-KARAENG 2:8

Nala'gasimi jubana Elia, nampa nagulung siagang napatunrung ri tompo'na je'neka ri anjo binangaya. Nata'bage ruamo anjo je'neka, sa'genna akkullemo Elia siagang Elisa a'jappa ri dapara'na kalotoroka anjo binangaya.

IBRANI 11:37

Nia' nisambilai batu sa'genna mate, nia' nisamballe siagang garagaji, kammayatompa nibuno siagang pa'dang. Mange-mangei a'lampa ke'nanga ammakeang kukkulu' gimbala' yareka kukkulu' bembe; kasi-asi tallasa'na ke'nanga, nigau' takamma-kammai siagang nisessai.

1 SAMUEL 28:14

Akkuta'nammi Saul angkana, “Antekamma tanja'na?” Appialimi angkana, “Sitau bura'ne toa. Ammumbai ammake juba.” Jari naassemmi Saul angkana Samuel anjo, sa'genna su'ju'mi naung ampakala'biriki.