2 KARAENG-KARAENG 19:7 - KITTA' MATANGKASA'

⁷ Batara lampakamallaki anjo karaeng Asyur sollanna naparhatikang kabara' anginga sa'genna ammotere' mae ri pa'rasanganna, siagang anjorengi lanibuno.”

2 KARAENG-KARAENG 19:7 ပူးပေါင်းရင်းမြစ်များ

2 KARAENG-KARAENG 19:28

Kuassengi angkanaya larro sikaliko mae ri Nakke, siagang Kulangngere' tommi anjo kana-kana tamponu. Kamma-kamma anne Kusareimi pakkai' ka'murunnu siagang Kupitabaimi sa'mang bawanu, sollannu akkulle Kurenreng ammotere' battu ri oloang nuoloa ri wattunnu battu.”

2 KARAENG-KARAENG 19:33

Lammotereki karaeng Asyur rioloang naoloa ri wattunna battu, natena napantamakki anjo kotaya. INakke, Batara anne akkana kamma.

2 KARAENG-KARAENG 7:6

Nasaba', nia'mo Napappilangngerang Batara mae ri ke'nanga sangkamma sa'ra gamarrung pasukang lompo a'jarang siagang angngerang kareta maju ero' ambunduki ke'nanga. Nakapangi tu Siria angkanaya le'baki karaeng Israel ambayaraki karaeng Het siagang Mesir kammayatompa tantarana untu' ambunduki ke'nanga.

2 PATTOTTORANG 32:21

Nampa akkirimmo malaeka' Batara untu' ambunoi anjo sikamma tantarana siagang perwira-perwirana tu Asyur. Teaimi sipato' siri'-siri'na karaeng Asyur ammotere' mange ri pa'rasanganna. Ri se'reang allo, ri wattunna sitabang nia' lalang ri balla' rewatana, nia'mo siapa are tau battu ri ana' bua kalenna ambunoi siagang pa'dang.

AYUB 15:21

Sa'ra-sa'ra hebaka lanreppeki tolinna; ri wattu amanga battui paellaka ambakkai.

AYUB 4:9

Sanrapang anging puttusu', kammaminjo larroNa Allata'ala ampanraki ke'nanga sa'genna cappu'!

PAMMUJI 11:6

Nahukkungi tu ja'dalaka siagang bala lompo, siagang pepe', batu a'rinra siagang anging appakamutunga.

PAMMUJI 50:3

Battui Allata'alata siagang talammantangai a'mereki, a'jappa rioloi ri pepe' a'lepa'-lepaka, nikulilingi ri angnging sannaka lompona.

PAMMUJI 94:23

Nahukkungi tau ja'dalaka situru' kaja'dallanna, Natongkoki bawana ke'nanga lanri dosana ke'nanga. Karaeng Allata'alata lantongkoki bawana ke'nanga.

YESAYA 11:4

Tu kasi-asia naadeli siagang adele', tau tamakkullea nabantui siagang lambusu'; nahukkungi tau salaya lanri parentana, tau ja'dalaka natumpassangi.

YEREMIA 49:14

Inakke, Yeremia, kukana, “He Edom, anggappama' kabara' battu ri Batara. Le'ba'mi Nasuro battu tunisuroNa mae ri bansa-bansaya untu' ansuroi ke'nanga ampasse'rei tantarana siagang sadia-sadia untu' ambundukiko.

YEREMIA 51:1

Nakana Batara, “LappabattuA' anging pammanraki, ammirika mae ri Babel siagang mae ri pandudu'na.

YEREMIA 51:46

Teako mallakki yareka teako lussakki lanri sikamma kabara'-kabara' nulangngereka. Tunggala' taung tassiaraki kabara' simmara'-maraenga – nia' kabara' kapallakkang ilalang pa'rasangang siagang ri sesena karaeng-karaeng a'bunduka ri se'rea mae ri maraenga.

OBAJA 1:1

Iaminne boto napabattua Na'bi Obaja; napabattui pasanNa Batara Kaminang Tinggia ri passala'na bansa Edom: Nakirimmi battu tunisuroNa Batara mae ri bansa-bansaya, siagang le'ba'mi nilangngere' pasang naeranga kamma anne, “Sadia mako untu' a'bundu'! Umba ki'lampa mange ambunduki bansa Edom.”