2 KARAENG-KARAENG 19:35 - KITTA' MATANGKASA'

³⁵ Ia memang anjo bangngia nabattumo Malaeka'Na Batara ri pakkemaanna tu Asyur siagang nabuno tantarana nia' 185.000 jaina. Ammukona bari'basa' tassimbungi mange-mange maya'na ke'nanga.

2 KARAENG-KARAENG 19:35 ပူးပေါင်းရင်းမြစ်များ

2 SAMUEL 24:16

Anjo malaeka'Na Batara angngeranga bala kamateang anrapi'mi mange ri tampa' panggilingang gandunna Arauna, tu Yebus. Ri wattunna Nacini' Batara angkanaya sadiami anjo malaekaka untu' amputtai Yerusalem, Napinrami Batara kaputusanNa, siagang ammari anghukkungi anjo bansaya. Nakana ri anjo malaekaka, “Ganna'mi! Ammari mako!”

2 KARAENG-KARAENG 19:7

Batara lampakamallaki anjo karaeng Asyur sollanna naparhatikang kabara' anginga sa'genna ammotere' mae ri pa'rasanganna, siagang anjorengi lanibuno.”

1 PATTOTTORANG 21:12

Natujui anne pa'rasanganga bala kacipurang tallun taung sallona, yareka pitilari-lariki' niondang ri musua ri kere-keremae tallum bulang sallona, yareka sikontu anne pa'rasanganga tallungalloi nitujui ri pa'danNa Batara iamintu nibattui ri garring ri kere-keremae, kammayatompa battui malaeka'Na angngerang kamateang ri kere-keremae. Kitappukimi ri kamma-kammaya anne apa musti kupabattu mae ri Batara.”

1 PATTOTTORANG 21:16

Naciniki Daud anjo malaekaka allayang ri alla'na langika siagang buttaya. Nia' pa'dang lalang limanna, nasadia anjo malaekaka angngancuruki Yerusalem. Na anjo wattua, Daud siagang sikamma pamimping-pamimping ra'yaka, ammakemi care-care karung a'jari pammatei angkanaya assesse'lalammi ke'nanga, nasu'ju' ke'nanga naung ri buttaya.

2 PATTOTTORANG 20:24

Ri wattunna battu mange anjoreng tantara Yehuda ri menara pa'jaganga ri parang lompoa siagang naparhatikang tampa'na musua, nacini'mi ke'nanga maya'-maya'na musua tassiara' mange-mange ri buttaya. Tenamo manna sitau anjo tantara musua attallasa'.

PAMMUJI 76:10

Ri wattunTa ammenteng ero' angngadeli untu' ampasalamaki tau nijallakkanga ri lino.

PAMMUJI 90:10

Wattu tallasa'na ikambe poro tujupulo taunji bawang, punna gassing ikambe, sagantujupulo taung. Mingka kasukkarrang siagang kapa'risang bawang nagappa ikambe; le'baki attallasa' poro sinampe', allanynya'mi ikambe.

PAMMUJI 91:6

ri bala battua ri wattu sassanga, yareka kaancurang antujuako ri tangngana alloa.

KALAPPASSANG 12:23

Ri wattunna Nainroi Batara anne pa'rasanganga untu' ambunoi tu Mesirka, laNaciniki Batara anjo cera' niaka ri ruaya benteng pakke'bu'nu siagang irateanganna pakke'bu' balla'nu; jari laNalaloiji bawang balla'nu siagang tena Napa'biangi Malaeka' Kamateanga antama' ri balla'nu untu' ambunoko.

KALAPPASSANG 9:15

Ebara' angkana erokKa' anghukkungko siagang ra'ya'nu iamintu Kupitujuiko garring, mattantu sallo mako tena ngaseng.

KALAPPASSANG 9:16

Mingka Kulappassang ngasengko attallasa', sollanna akkulle Kupappicinikang kakoasangKu mae ri kau, sa'genna a'jari masahoro' arengKu ri sikontu linoa.

YESAYA 10:33

Batara Kaminang Makoasaya laNaruntungi anjo ke'nanga, rapang tangke kayu nite'baka battu ri poko'na. Kaminang porea siagang kaminang tinggia ri ke'nanga lanipolongi siagang laniruntungi.

YESAYA 17:14

Ri wattu karuenna appakamalla' lompoi ke'nanga, mingka ri bari'basa'na tenami ke'nanga. Iaminjo rapanna sarenna sikamma tau arrampasakai apa-apanta.

YESAYA 37:36

Anjo bangngia battumi malaeka'Na Batara ri kemana tu Asyur na nabuno 185.000 jaina tantarana. Ammukona bari'basa' tassia'-siara'mi anjo maya'na ke'nanga.

DANIEL 5:30

Anjo memang bangngia nibuno memammi anjo Belsyazar karaeng Babel.

HOSEA 1:7

Mingka bansa Yehuda laKukamaseangi. INakke, Batara, Allata'alana ke'nanga lampasalamaki ke'nanga; mingka teai lanri pa'bundukang, teai todong lanri pa'dang yareka pana yareka jarang siagang pabaena.”

LAMPA-LAMPANA 12:23

Mingka anjo wattua battumi malaeka'Na Batara antempaka'rangi Herodes, lanri tenana nahargai Allata'ala. Nikanremi Herodes ri gallang-gallang nampa mate.