2 KARAENG-KARAENG 19:34 - KITTA' MATANGKASA'

³⁴ LaKualleangi siagang laKula'langi kota Yerusalem lanri kala'birangKu siagang lanri parjanjiangKu siagang atangKu Daud.’ ”

2 KARAENG-KARAENG 19:34 ပူးပေါင်းရင်းမြစ်များ

1 KARAENG-KARAENG 15:4

Mingka lanri Karaeng Daud, nanisaremo Abiam sitau ana' ri Batara, Allata'ala nasombaya Daud, untu' ansambeangi ammarenta ri Yerusalem siagang ampartahangkangi anjo kotaya.

2 KARAENG-KARAENG 20:6

LaKutambai umuru'nu 15 taung pole. Ikau siagang kota Yerusalem laKulappassangko battu ri karaeng Asyur. Anne kotaya laKula'langngi lanri kala'birangKu siagang lanri parjanjiangKu siagang atangKu Daud.”

2 KARAENG-KARAENG 8:19

Mingka taerokai Batara ampanraki Yehuda lanri le'ba'na a'janji mae ri Daud atanna, angkanaya jari-jarina tuli la'jari karaeng.

YESAYA 31:5

Rapang sikayu jangang-jangang takkape'-kape' ka'nyi'na irate ri rumunna untu' anjagai ana'-ana'na, kamma tomminjo iNakke, Batara Kaminang Makoasaya, laKujagai siagang laKuallei kammayatompa Kupasalama' Yerusalem.”

YESAYA 38:6

Ikau siagang kota Yerusalem laKupata'lappasakko battu ri karaeng Asyur. Anne kotaya laKula'langi.” Nampa nasuro Na'bi Yesaya taua akkota rappo ara nampa napasapu mae ri lattanna Hizkia sollanna ammolle ammotere'. Akkuta'nammi Karaeng Hizkia angkana, “Apa pammateina angkanaya laNapammollea' Batara siagang akkulle ija' a'lampa mange ri Balla'Na Batara?”

YESAYA 43:25

Mingka iNakke Allata'ala allu'luki dosanu, Kupammopporangko lanri kammaminjo sipakKu; tena natuli Kuu'rangi dosanu.

YESAYA 48:11

Kugaukangi anjo kammaya untu' KalengKu, saba' taKupa'biangai arengKu nira'massi; tena Kubagei kala'birangKu manna pole ri nai.”

YESAYA 48:9

Kuparrangngi larroKu sollanna nipa'la'bang arengKu. Kutahangi untu' ikau, sollanna tena nipanrakiko.

YESAYA 9:7

Napabattumi Batara hukkunganga mae ri kakaraenganna Israel.

YEREMIA 33:21

Kammatommi anjo le'ba' tommA' anynyikko' parjanjiang siagang atangKu Daud, angkanaya battu ri jari-jarina tuli lania' tassitau a'jari karaeng; siagang le'ba'Ma' anynyikko' parjanjiang siagang imang-imang jari-jarina Lewi angkanaya ia ke'nanga tuli lallayaniA'. Anjo parjanjiang-parjanjianga takkulleai nikaluppai.

YEREMIA 33:26

kammatommi anjo latuli Kuta'galaki parjanjiangKu siagang jari-jarina Yakub, siagang atangKu Daud. Nia' sitau battu ri jari-jarina Daud laKupile untu' ammarenta ri jari-jarina Abraham, Ishak, siagang Yakub. LamangngamaseangA' mae ri ummakKu, siagang Kupa'jari kalumanynyangi ammotere' ke'nanga.”

YEHEZKIEL 36:22

Lanri kammana anjo, pabattui apa Kupaua, iNakke Batara Kaminang Tinggia, mae ri bansa Israel, angkana, ‘Anjo apa Kugaukanga sallang, teai lanri ikau he tu Israel, passangalinna lanri arengKu matangkasaka, ia le'baka nura'massi, manna pole kemae lampanu.

HOSEA 1:7

Mingka bansa Yehuda laKukamaseangi. INakke, Batara, Allata'alana ke'nanga lampasalamaki ke'nanga; mingka teai lanri pa'bundukang, teai todong lanri pa'dang yareka pana yareka jarang siagang pabaena.”

ZAKHARIA 9:8

LaKujagai buttaKu siagang laKutahangi sikamma pasukang-pasukang bansa maraeng niaka ero' allaloi. Tenamo nalaKupa'biang sikamma tumanjallakkanga anjajai ummakKu. Nasaba' Kucini'mi kasessanna ke'nanga.”

EFESUS 1:14

Iaminjo RohNa a'jari pammatei mattantua, angkanaya ma'nassa lanitarimai apa le'baka Napa'janjiang Allata'ala mae ri umma'Na. Iaminne ampakajarreki tappatta angkanaya ma'nassa laNalappassangi umma'Na Allata'ala. Nipujimi Allata'ala lanri kala'biranNa.

EFESUS 1:6

Nipujimi Allata'ala lanri la'biri'na kabajikang pa'mai'Na, le'baka allumpa Napa'nyata mae ri katte ri tete Ana'Na Nakarimangngia.

PAOLE 32:27

Mingka takkulleai tinggi pa'mai' musunna Israel, rapang nibetai bansaKu lanri ke'nanga,’ nasaba' iNakke bawang, iNakke bawang, anggaukangi anjo sikammaya.