2 KARAENG-KARAENG 19:26 - KITTA' MATANGKASA'

²⁶ Sikamma tau ammantanga anjoreng tena kullena; ta'bangkai siagang mallaki ke'nanga. Rapangi ke'nanga ruku' niaka ri paranga yareka ruku' attimboa rate ri pattongko'na ballaka, a'jari kalotoroka punna niiri' ri anging bambang battu raya.

2 KARAENG-KARAENG 19:26 ပူးပေါင်းရင်းမြစ်များ

PA'JARIANG 41:23

Nampa attimbo pole tuju bulere' gandung sannaka ngaseng roso'na siagang opaya rapponna napakamma anging parang.

PA'JARIANG 41:6

Se're tangke napattimboi anjo bulereka. Nampa attimbomo pole tuju bulere' gandung maraeng, sannaka ngaseng roso'na, siagang opai napakamma anging parang.

PAMMUJI 102:11

saba' le'ba'ma' Kiangka' nampa Kipasambila' lalang pangngalarroi a'rinra-rinraTa.

PAMMUJI 127:1

Kelong battu ri Salomo. Punna teai Batara ambangung balla', sia-siaji tukang-tukanga anjama. Punna teai Batara anjagaiki', sia-siaji sikamma pangawalaka a'jaga.

PAMMUJI 92:7

Tau dongoka takkulleai napahang, tau toloa takkulleai napahang.

YESAYA 13:8

Lanibattui ke'nanga ri kamallakkang lompo, nammulingkara' sanrapang baine pa'risika nasa'ring lamana'. Lamassing sicinikimi ke'nanga lalang malla', ejai rupanna napakamma siri'-siri'.

YEREMIA 37:10

Ebara' angkana nubetai sikontu tantarana Babel sa'genna ia ammantanga iamami sannaka loko'na lalang ri kema-kemana ke'nanga, mingka lambangungi ke'nanga nampa natunu anne kotaya sa'genna la'busu'.’ ”

YEREMIA 51:30

Ammarimi tantara Babel a'bundu', siagang ammantammi ri sikamma pattahangnganga. Tenami kabaranianna ke'nanga siagang tenamo pakkullena. Sikamma pakke'bu' lompona kotaya le'ba' ngasemmi nirumbang, siagang sikamma ballaka le'ba'mi nitunu.

YEREMIA 51:32

Tampa' pa'limbangnganga niallemi ri musua, siagang sikamma tampa' pattahangnganga nitunumi. Silingu-linguimi tantara Babel.

PAMMILANGNGANG 11:23

Appialimi Batara angkana, “Apaka nukana nia' sanggana kakoasangKu? Lanuciniki angkanaya anjo apa Kupaua ma'nassa lakajariang tojengi yareka tena!”

PAMMILANGNGANG 14:9

Teako angngewai mae ri Batara, siagang teako mallakki mae ri tau niaka ammantang anjoreng ri pa'rasanganga, nasaba' gampang sikali lanibeta. Anjo alla'langiai ke'nanga a'lampami ambokoi ke'nanga, siagang Batara anrurungangki'. Jari teako mallakki.”

MATIUS 10:27

Apa-apa Kupabattua ri kau lalang ri sassanga, musti nupabattu poleangi lalang ri singara'na alloa. Siagang apa-apa nipa'bicikanga ri tolinnu, pa'la'bangi sa'genna ri kere-keremae!

1 PETRUS 1:24

Nia' tattulisi' lalang ri Kittaka angkanaya, “Sikontu rupataua sanrapangi ruku', sikontu kalompoanna sanrapangi bunga ruku'. Punna kalumeng rukuka, ru'rusu' tommi bunganna;