2 KARAENG-KARAENG 19:25 - KITTA' MATANGKASA'

²⁵ Tenapaka nale'ba' nulangngere' angkanaya yangasenna anjo kajariang kammaya iNakke le'ba' anrancanakangi battu riolo memang? Nampa kamma-kamma anne iNakke anggaukangi. INakkemi assareko koasa untu' angngancuruki kota-kota niaka pattahanganna sa'genna a'jari kamma loro.

2 KARAENG-KARAENG 19:25 ပူးပေါင်းရင်းမြစ်များ

PAMMUJI 33:11

Mingka rancanaNa Batara tuli attahanna, majarreki apa le'baka Narancang sila'busu'na jammanga.

PAMMUJI 76:10

Ri wattunTa ammenteng ero' angngadeli untu' ampasalamaki tau nijallakkanga ri lino.

YESAYA 10:15

Mingka Nakana Batara, “Maka akkullei napattampoang kalenna pangkuluka mae ri tau ampakei ammangkulu'? Maka la'bi paralluangangi garagajia na tau ampagaragajiai? Teai palu-palua angngangkaki taua, passangalinna tauaji angngangkaki palu-palua.”

YESAYA 45:7

INakke ampa'jari singaraka siagang sassanga, iNakke ampabattui barakkaka siagang balaya. INakkemi Batara anggaukang ngasengi anjo sikammaya.

YESAYA 45:8

Kupaturungi pammetanga battu ri langika rapang bosi, nasungkei kalenna buttaya untu' antarimai, nampa napattimbo kasalamakkanga siagang kabebasanga; iNakkemi Batara ampa'jari ngasengi anjo sikammaya.”

YESAYA 54:16

INakke ampa'jari tukang bassia angkapeki pepeka untu' ande'deki parekang sanjataya. INakke todong ampa'jari tantaraya ammakea sanjata untu' a'bundu' siagang ammuno.

MIKHA 1:6

Lanri kammanami anjo na Nakana Batara, “LaKupa'jari Samaria tambungang loro ri paranga, siagang tampa'na taua a'lamung poko' anggoro'. Rumbanganna anjo kotaya laKubuangi antama ri ka'bunga, siagang laKubongkara' kabusuki pondasina.