2 KARAENG-KARAENG 19:21 - KITTA' MATANGKASA'

²¹ Nakana Batara, “Nakakkaliko siagang nacau-cauko kota Yerusalem, Sanherib.

2 KARAENG-KARAENG 19:21 ပူးပေါင်းရင်းမြစ်များ

AYUB 16:4

Ebara' angkana ikau ngaseng antu inakke, nampa inakke a'jari ikau ngaseng, akkulle tonja' a'bicara kamma anjo. Kupitambungiangko bicara; lakupammenggong-menggongi ulungku.

PAMMUJI 109:25

Sikamma tau ancinikia' nahina ngasemma' napamenggong-menggong ulunna.

PAMMUJI 137:8

He Babel, ikau laniancurukko! Mate'nei tau ambalasakai ri kau kaja'dallang nugaukanga mae ri kambe.

PAMMUJI 44:14

Kipa'jarimi ikambe tunicau-cau ri siampi'-ampi' balla'na ikambe nicau-caumi siagang nikakkalimi ikambe ri ke'nanga.

PAMMUJI 9:14

Cinikima' anne, nisessa ri musua; kamaseanga', o, Batara, Kilappassanga' battu ri kamateanga,

YESAYA 1:8

Yerusalem mami ammantang, mingka anjo kotaya nikulilingimi ri musu, tenamo kullena; rapang mami balla' koko ca'di ri koko anggoroka, yareka balla' kepo-kepo ri koko bonteka.

YESAYA 23:10

A'lampamako mange anjamai kokonnu, he pandudu'na Tarsis, saba' tenami papparekang kappala'nu.

YESAYA 23:12

Nakana Batara, “He, kota Sidon! Tenamo nulassannang-sannang pole. Nijallakkammi pandudu'nu. Manna pole nalari ke'nanga mange annompang ri Siprus, tena todong nalaamang ke'nanga.” (

YESAYA 47:1

Nakana Batara, “He Babel, naungko battu ri empoang kala'birannu, siagang ammempo mako rate ri limbu'buka. Tenamo nulale siagang kanang-kanang kamma riolo.

YESAYA 47:5

Nakana Batara ri Babel, “A'merekko, siagang antama' mako ri sassanga. Tenamo nalaniarengko ‘Karaeng bainena sikamma kakaraenganga.’

YEREMIA 14:17

Nasuroa' Batara ampauangi si'naku mae ri umma'Na. Musti akkana' kamma anne, “Boli'ma' tenammariku angngarru', allo bangngi ammatti' je'ne' matangku. Nasaba' loko' sanna'mi bansaku siagang teai sipato' sessana

YEREMIA 18:13

Nakana Batara, “Pakkuta'nangngangi mae ri tunggala' bansaya, angkanaya apaka le'baki kajariang passala' kammaya anne? Le'ba'mi nagaukang umma' Israel apa appakaringi'-ringika!

YEREMIA 31:4

Bansanu laKupa'jari porei sangkamma riolo. Sikalipi pole langngalleko rabana, siagang a'jogekko napakamma rannu.

YEREMIA 46:11

He pandudu'na Mesir, a'lampako mange ri Gilead a'boya pa'balle! Mingka manna nakamma, tena nulanggappa pa'balle akkullea ampamolleko.

PIRAUNG 1:15

Napakatunai Batara sikontu tubaraniku porea. Napagio' kabusuki tantaraya sollanna putta sikontu tau rungkaku. Naonjo'-onjokangi bansaku sa'genna ancuru', rapang tau ammaccoka rappo anggoro'.

PIRAUNG 2:13

O Yerusalem, Kota Sion ningaiku, rapangi tamparang lompoa sanna'na runtunnu. Apami kutadeng lakukana untu' assareko panynyaleori? Nasaba', tena niakkapa tau ballasa' sangkamma ikau. Sitojeng-tojenna tenamo tau akkulle assareko kabajikang.

PIRAUNG 2:15

Sikontu tau allaloa, maccalla ngaseng ri kau, lanri ancuru'nu kabusu'mo. Ammenggong-menggong ulunna ke'nanga, na nakana, “Iakaminjo kota kaminang ga'gaya, kota kalompoanna linoa?”

PIRAUNG 4:21

He bansa Edom siagang Us, ammakkala' mako, rannu mako lalang nukullena! Balaya labattu tongi mae ri kau na lanusolarri kalennu lanri nasa'ringko.

AMOS 5:2

Tu'guru'mi Israel anjo tuloloa ija, talambangungami ammotere'! Irate ri butta kalenna nibalang parekang, tena ambantui ammenteng nai'.

MIKHA 4:8

Na ikau Yerusalem, tampa'Na Allata'ala anjagai umma'Na rapang pakalawaki anjagai lokoang gimbala'na, la'jariko ammotere' ibukotana kakaraengannu kamma riolo.

ZAKHARIA 9:9

He pandudu'na Sion, rannu mako! He pandudu'na Yerusalem, makkio' rannuko! Ciniki! Battui Karaennu angngerang pammetang! Ia Karaeng adele' angngeranga kasalamakkang. Mingka tuna pa'maiki lalang kabattuanna A'dongko' keledai, sikayu keledai rungka.

MATIUS 27:39

Sikamma tau niaka numalo, massing napammenggong ulunna, nahina-hinaimi Isa.