2 KARAENG-KARAENG 19:19 - KITTA' MATANGKASA'

¹⁹ O Batara, Allata'alana ikambe, Kilappassang laloi ikambe battu ri anjo tu Asyur, sollanna akkulle naasseng sikontu bansaya ri lino angkanaya iKatteji bawang Allata'ala.”

2 KARAENG-KARAENG 19:19 ပူးပေါင်းရင်းမြစ်များ

1 KARAENG-KARAENG 20:28

Nampa nia'mo sitau na'bi battu mae ri Karaeng Ahab siagang angkana, “Iaminne Nakananga Batara: ‘Lanri anjo tu Siria nakanangi ri daera pa'moncongangi bawang jari kakoasangKu na tena ri lappara' rawaya, laKusareko pammetang mae ri anjo tantarana ke'nanga, sannaka ta'liwa'na jaina. Ikau siagang ra'ya'nu lanuassengi angkanaya iNakkemi Batara.’ ”

1 KARAENG-KARAENG 8:43

poro battu ri pammantanganTa ri suruga Kipilangngeri pappala' doanna siagang Kiturukiangi pappala'na. Lanri kammana anjo nasikontu bansaya ri lino angngassengKi' siagang mannuruki ri Katte sangkamma ummatTa Israel. Lanaassengi ke'nanga angkanaya anne balla' kubangunga iami tampa' untu' assambayang mae ri Katte.

1 KARAENG-KARAENG 8:60

Lanri kammana, sikontu bansaya ri lino lanaassemmi angkanaya Iaji bawang Batara, Allata'ala, tena maraenganna.

2 KARAENG-KARAENG 19:15

nampa appala' doang angkana, “O Batara, Allata'alana tu Israel, niaka ri empoang kala'biranNa irate ri patunna malaeka' akka'nyika, tena ruanTa Allata'ala makoasaya mae ri sikontu kakaraenganga ri tompo'na buttaya. IKattemi ampa'jari langika siagang buttaya.

2 KARAENG-KARAENG 5:15

Nampa ammotere'mo siagang sikontu paeranna mange ri Elisa. Nakanamo Naaman ri Elisa, “Kamma-kamma anne kuassemmi angkanaya ri sikontu anne linoa se'reji bawang Allata'ala, iamintu Allata'ala nisombaya ri tu Israel. Lanri kammana anjo kuminasai nakiero' antarimai anne passareku.”

1 PATTOTTORANG 16:8

Sukkurukko mae ri Batara birittakangi kalompoanNa caritakangi apa Nagaukanga ri tangnga-tangngana bansa-bansaya.

2 PATTOTTORANG 32:1

Le'baki nagaukang Karaeng Hizkia sikamma gau' pammatei majarre'na tappa'na mae ri Batara, battumi karaeng Asyur niarenga Sanherib ambunduki tu Yehuda. Nakurungi kota-kota niaka pattahanganna siagang naparentakangi pasukanna sollanna naalle anjo kota-kotaya.

PAMMUJI 83:18

Boli'mi kamma tuli nipakasiri' siagang malla' ke'nanga, boli'mi kamma mate lalang hina ke'nanga.

KALAPPASSANG 7:17

Lanri kammana anjo, kammaminne kananNa Batara, ‘Battu ri apa Kugaukanga sallang, lanuassemmi angkanaya iNakkemi Batara.’ Anne takkanga laKupake antunrungi rateanna je'neka ri binangaya, nampa tappinra je'ne'na a'jari cera'.

YOSUA 4:24

sollanna naasseng ngaseng sikontu taua ri lino antekamma lompona kakoasanNa Batara. Siagang lanri kammana minjo nalanupakala'biri' Karaeng Allata'alanu sa'genna satunggu-tungguna.”

YOSUA 7:9

Lanalangngere'mi tu Kanaan siagang sikontu tau niaka ri anne daeraya anne passalaka. Lanalipungi siagang lanabuno ngasemmi ikambe! Nampa apa laKigaukang untu' angkatutui kalompoanTa?”