2 KARAENG-KARAENG 19:17 - KITTA' MATANGKASA'

¹⁷ Naasseng ngasengi ikambe, o Batara, angkanaya anjo karaeng-karaeng Asyur jaimi bansa siagang pa'rasangang naancuru'.

2 KARAENG-KARAENG 19:17 ပူးပေါင်းရင်းမြစ်များ

2 KARAENG-KARAENG 16:9

Naturukimi karaeng Tiglat-Pileser anjo pappala'na Ahas, nampa nabunduki siagang naempoi Damsyik. Pandudu'na naengkaki a'jari tunitahang mange ri Kir, nampa karaenna iamintu Rezin, nabunoi.

2 KARAENG-KARAENG 17:24

Salaku sambenna tu Israel le'bakamo niengka' mange ri anjo butta pammelakkanga, natampakkangi karaeng Asyur tau battua ri Babel, Kuta, Awa, Hamat, siagang Sefarwaim, anjoreng ri kota-kotana Samaria. Ammantang kabusu'mi anjo taua ri anjo kota-kotaya.

2 KARAENG-KARAENG 17:6

iamintu ri makasalapannamo taung ammarenta Hosea, naempoimi Salmaneser Samaria. Nampa naengka' tu Israel salaku tunitahang mange ri Asyur. Sipa'gang battu ri ke'nanga nitampakkangi ri kota Halah, sipa'gang maraengannaya ri ampi'na Binanga Habor ri daera Gozan, nampa sipa'gang pole ri kota-kota niaka ri pa'rasangang Madai.

2 KARAENG-KARAENG 18:33

Maka le'baki rewatana bansa maraenga ampasalamaki pa'rasanganna battu ri kakoasangku?

2 KARAENG-KARAENG 19:16

O Batara, Kiparhatikang laloi apa kajarianga mae ri kambe kamma-kamma anne. Kipilangngeri anjo sikontu kana-kana appakatunana Sanherib mae ri Katte, Allata'ala mattallasaka!

2 KARAENG-KARAENG 19:18

Manna rewata-rewatana ke'nanga natunu tongi siagang naancuruki, lanri anjo rewata-rewata kammaya tena sikali kakoasanna. Anjo ke'nanga poro patung kayuji siagang batuji, iamintu bate pare'na rupataua.

2 KARAENG-KARAENG 19:37

Ri se'reang allo, sitabanna anynyomba lalang ri balla' panynyombanga ri Rewata Nisrokh, nibunomi siagang pa'dang ri Adramelekh siagang Sarezer ana'-ana' bura'nena tonji. Le'baki anjo larimi ke'nanga mange ri pa'rasangang Ararat. Jari ana' bura'nena maraenga iamintu niarenga Esarhadon ansambeangi a'jari karaeng.

2 KARAENG-KARAENG 9:8

Sikontu kaluargana siagang ana' cucunna Ahab musti mate kabusuki. Sikontu tu bura'nea baji' tau toa kammayatompa tau rungkaya laKupaccappuki.

1 PATTOTTORANG 5:26

Lanri kammana anjo Napagio'mi Allata'ala atinna Karaeng Pul battu ri Asyur, sa'genna mange ke'nanga ambunduki anjo pa'rasanganga. Anjo Karaeng Pul nigallara' tongi Karaeng Tiglat-Pileser. Nampa naerammo suku Ruben, Gad, siagang suku Manasye, niaka ri bageang rayanganna Binanga Yordan, a'jari tunitahang nampa nipela' mange ri butta Halah, Habor, Hara, siagang ri se'reang tampa' ri ampi'na Binanga Gozan. Anjoremmi ke'nanga ammantang tuli sa'genna anne alloa.

YESAYA 5:9

Kulangngereki Batara Kaminang Makoasaya assumpa angkana, “Anne sikamma balla' lompoa siagang ga'gaya lakosong ngasengi tena bonena.

YEREMIA 26:15

Mingka u'rangi, punna nubunoa', ikau ngaseng siagang pandudu'na anne kotaya lantanggongi kasalang pammunoanga ri tau tenaya salana. Nasaba', Batara assuroa' untu' ampabattui anjo pappakaingaka mae ri kau ngaseng.”

DANIEL 2:47

Nakana karaenga ri ia, “Tojeng, Daniel, anjo Allata'alanu kaminang malompo ri alla'na sikontu rewataya. Iami makoasa mae ri sikontu karaenga, siagang assungkeai sikontu rahasiaya. Kuassengi anjo passalaka nasaba' ikau akkulleko ampakasingaraki anne rahasiaya.”

MATIUS 14:33

Su'ju' ngasemmi ana'-ana' gurunNa Isa anynyomba ri Ia. Angkanami ke'nanga, “Ma'nassa tojeng, iKattemi Batara Ana'Na Allata'ala!”

LUKAS 22:59

Kira-kira sijang ribokoanganna, nia'mo pole tau maraengang anjo'joki tojengi nakana, “Memang! Ana' gurunNa Isa anne taua, nasaba' tu battu tongi ri Galilea!”

LAMPA-LAMPANA 4:27

Nasaba' memang, a'rappungammi sipa'bicara Herodes, Pontius Pilatus, sikamma tu tenaya naassengi Batara, siagang tu Israel anrinni ri kotaya. A'rappungammi ke'nanga ero' angngewai Isa, Ana' matangkasatTa, le'baka Kiangka' a'jari Karaeng Mappasalama'.

1 KORINTUS 14:25

La'jari singara'mi sikamma apa taccokkoa lalang ri atinna, sa'genna napakatuna kalenna, nampa anynyomba mae ri Allata'ala. Lamangakumi angkanaya ma'nassa nia' tojengi Allata'ala ri tangnga-tangnganu.