2 KARAENG-KARAENG 19:13 - KITTA' MATANGKASA'

¹³ Kemaeji karaeng-karaenna kota Hamat, Arpad, Sefarwaim, Hena, siagang Iwa?”

2 KARAENG-KARAENG 19:13 ပူးပေါင်းရင်းမြစ်များ

2 KARAENG-KARAENG 17:24

Salaku sambenna tu Israel le'bakamo niengka' mange ri anjo butta pammelakkanga, natampakkangi karaeng Asyur tau battua ri Babel, Kuta, Awa, Hamat, siagang Sefarwaim, anjoreng ri kota-kotana Samaria. Ammantang kabusu'mi anjo taua ri anjo kota-kotaya.

2 KARAENG-KARAENG 18:33

Maka le'baki rewatana bansa maraenga ampasalamaki pa'rasanganna battu ri kakoasangku?

2 KARAENG-KARAENG 18:34

Kemaeji rewata-rewatana pa'rasangang Hamat siagang Arpad? Kemaeji rewata-rewata Sefarwaim, Hena, siagang Iwa? Niakka battu ampasalamaki Samaria?

2 PATTOTTORANG 8:3

Naempoi ammotere' daera Hamat siagang Zoba

YESAYA 11:11

Anjo alloa laNapakei pole sikalipa kakoasanNa Batara siagang Naerang umma'Na niaka tassesa battu ri Asyur siagang battu ri Mesir, ri pa'rasangang-pa'rasangang Patros, Sudan siagang Elam, ri Babel, Hamat siagang pulo-pulo bellaya.

YEREMIA 39:5

Mingka niondangi ke'nanga ri tantara Babel nampa najakkala' Zedekia ri lappara'na Yerikho. Nampa nierang Karaeng Zedekia mae ri Karaeng Nebukadnezar ri kota Ribla ri daera Hamat, nampa nitappuki hukkungang mate.

YEREMIA 49:23

Iaminne kananNa Batara ri sesena Damsyik. “Pandudu'na kota Hamat siagang Arpad ranggaselai siagang lussaki lanri allangngereki kabara' kodi. Lussaki siagang ta'ronang-ronangi atinna ke'nanga rapang bombang ri tamparanga.

ZAKHARIA 9:2

Hamat a'baeng-baenga siagang Hadrakh Ia todong ampatangi, kammayatompa kota-kota Tirus siagang Sidon siagang sikontu kacara'dekanna pandudu'na.

PAMMILANGNGANG 13:21

Jari a'lampami anjo ke'nanga mange ri bageang wara' nampa nasalidiki anjo pa'rasanganga appakkaramula battu ri parang lompo Zin ri bageang timboro' sa'genna wara' ri kota Rehob, ri ampi'na agang mangea ri Hamat.

PAMMILANGNGANG 34:8

nampa battu anjoreng mange ri Oloang Hamat, nampa tulusu' mange ri Zedad