2 KARAENG-KARAENG 19:12 - KITTA' MATANGKASA'

¹² Ri wattunna naancuru' boe-boeku iamintu kota Gozan, Haran, siagang Rezef, kammayatompa nabuno tu Eden niaka ammantang ri Telasar, tena manna se're battu ri rewata-rewatana ke'nanga akkulle ampasalamaki ke'nanga.

2 KARAENG-KARAENG 19:12 ပူးပေါင်းရင်းမြစ်များ

PA'JARIANG 11:31

A'lampai Terah ambokoi kota Ur ri Babilonia siagang Abram ana'na, Lot cucunna, siagang Sarai mintunna iamintu bainenna Abram. Eroki a'lampa mange ri Kanaan. Mingka ri wattunna battu ri Haran, ammantammi ke'nanga anjoreng.

PA'JARIANG 11:32

Nampa anjoremmo Terah ammoterang, ri wattunna 205 taung umuru'na.

PA'JARIANG 2:8

Le'baki anjo appare'mi Allata'ala koko ri Eden, irayanganna anjo tampaka, nampa Napamantang anjoreng anjo tau le'baka Napare'.

PA'JARIANG 29:4

Akkuta'nammi Yakub ri sikamma anjo pakalawakia angkana, “E, gang, battu kere ngasengko antu mae?” Appialimi ke'nanga angkana, “Battu ri Haran”.

2 KARAENG-KARAENG 17:6

iamintu ri makasalapannamo taung ammarenta Hosea, naempoimi Salmaneser Samaria. Nampa naengka' tu Israel salaku tunitahang mange ri Asyur. Sipa'gang battu ri ke'nanga nitampakkangi ri kota Halah, sipa'gang maraengannaya ri ampi'na Binanga Habor ri daera Gozan, nampa sipa'gang pole ri kota-kota niaka ri pa'rasangang Madai.

2 KARAENG-KARAENG 19:11

Le'ba'mi nulangngere' angkanaya sikontu pa'rasangang le'baka nabunduki karaeng-karaeng Asyur, niancuru' tabasikali kabusuki. Teako kapangngi angkanaya lakkulleko ta'lappasa!

1 PATTOTTORANG 5:26

Lanri kammana anjo Napagio'mi Allata'ala atinna Karaeng Pul battu ri Asyur, sa'genna mange ke'nanga ambunduki anjo pa'rasanganga. Anjo Karaeng Pul nigallara' tongi Karaeng Tiglat-Pileser. Nampa naerammo suku Ruben, Gad, siagang suku Manasye, niaka ri bageang rayanganna Binanga Yordan, a'jari tunitahang nampa nipela' mange ri butta Halah, Habor, Hara, siagang ri se'reang tampa' ri ampi'na Binanga Gozan. Anjoremmi ke'nanga ammantang tuli sa'genna anne alloa.

YESAYA 37:12

Ri wattunna naancuru' boe-boeku kota Gozan, Haran, siagang Rezef, kammayatompa nabuno sikamma tu Eden niaka ammantang ri Telasar, tena manna se're rewatana ke'nanga ampasalamaki ke'nanga.

YEHEZKIEL 27:23

Kota-kota Haran, Kane, Eden, sikamma padanggang battua ri Syeba, kota-kota Asyur siagang Kilmad, yangasenna a'danggangi siagang ikau.

LAMPA-LAMPANA 7:4

Jari a'lette'mi Abraham battu ri pa'rasangang Kasdim mange ri Haran. Ri wattunna matemo manggena Abraham, nipalette'mi Abraham ri Allata'ala mae anrinni, ri pa'rasangang nupammantangia ngaseng kamma-kamma anne.