2 KARAENG-KARAENG 19:1 - KITTA' MATANGKASA'

¹ Ri wattu nalangngere'na Karaeng Hizkia laporanna anjo tau tallua, nakekke'mi pakeanna siagang ammakemi kaeng karung tanra si'nana pa'mai'na, nampa a'lampa mange ri Balla'Na Batara.

2 KARAENG-KARAENG 19:1 ပူးပေါင်းရင်းမြစ်များ

PA'JARIANG 37:34

Nakekke'mi pakeanna Yakub lanri si'nana nyawana, nampa ammake pakeang kasusaang. Siapa are allonna nakarruki anjo anaka.

1 KARAENG-KARAENG 21:27

Le'baki Elia a'bicara, nakekke'mi pakeanna Ahab siagang ammakemi kaeng karung salaku pammatei ri sesse' lalanna, nampa appuasa. Manna ri wattunna tinro ammake tonji pakeang karung, siagang punna a'jappai tuli susana tanja'na.

1 KARAENG-KARAENG 21:29

“Le'ba'mi nucini' antekamma batena Ahab ampakatunai kalenna ri dallekangKu? Lanri kammana anjo, tena nalaKupabattu balaya ri tallasa'na ija. Ri wattu ana'napi nampa Kupabattu anjo balaya mae ri kaluargana.”

2 KARAENG-KARAENG 18:37

Jari nakekke'mi pakeanna Elyakim, Sebna siagang Yoah a'jari pammatei ri si'nana pa'mai'na, nampa a'lampa mange allaporoki mae ri karaenga anjo apa le'baka napau anjo perwirana tantara Asyur.

2 KARAENG-KARAENG 5:7

Ri wattunna nabaca karaeng Israel anjo suraka, nakekke'-kekke'mi pakeanna napakamma lussa', na nakana, “Ballasa'ma' nakke! Apa saba'na nanapala' karaeng Siria sollanna kupammolle anne taua? Teai inakke Allata'ala, Ia niaka koasaNa untu' ampattallasaki yareka ampamatei rupa taua. Ma'nassa ero'naja anjo karaeng Siria a'boya pa'bettesang mae ri nakke!”

2 KARAENG-KARAENG 6:30

Nalangngere'na karaenga anjo passalaka, nakekke'mi pakeanna napakamma si'na nyawana. Sikamma tau niaka ammenteng ri ampi'na anjo temboka akkullei nacini' angkanaya anjo baju lalanna kaeng karung.

EZRA 9:3

Kulangngere'na anjo kammaya, sanna'mi lussa'na nyawaku, sa'genna kukekke' pakeangku nampa kubi'bu' uukku siagang janggokku nampa ammempo naung, ancuru' kusa'ring pa'maikku.

PAMMUJI 35:13

Ri wattunna garring ke'nanga, si'nai pa'maikku kutangnganrea; appala' doanga', kupadundu ulungku,

YESAYA 37:37

Ammunduru'mi Karaeng Sanherib, karaeng Asyur, nampa ammotere' mange ri Niniwe.

YEREMIA 36:24

Manna pole sanna' napala'na Elnatan, Delaya, siagang Gemarya sollanna tena natunui karaenga anjo kitta' nigulunga, mingka taerokai karaenga ampilangngeri ke'nanga. Baji' nakaraenga kammayatompa sikamma pagawe allangngerekai bonena anjo kittaka tena na'jari malla' yareka assesse' lalang nicini'.

YUNUS 3:5

Tappaki pandudu'na Niniwe ri anjo pasanNa Allata'ala. Sikontu ra'yaka napattantumi untu' appuasa, na sikontu taua, lompo ca'di, ammake kabusu' kaeng karung untu' ampa'nassai angkanaya assesse' lalang kabusuki ri dosana ke'nanga.

YUNUS 3:8

Rupataua siagang olo'-oloka musti ammakei kaeng karung. Salaku tanra assesse' lalang sikontu taua musti appala' doang tojeng-tojengi mae ri Allata'ala. Musti napakabajiki ke'nanga panggaukang ja'dala'na siagang panggaukang dosana.

MATIUS 11:21

“Cilaka mako ikau ngaseng tau niaka ammantang lalang ri Korazim! Kammayatompa ikau ngaseng tau niaka ammantang lalang ri Betsaida, cilaka ngaseng tommako! Ebara' angkana le'ba' tommi nigaukang anjo gau'-gau' appakalannasaka ri tangnga-tangnganu ri Tirus siagang Sidon, ma'nassa sallomi le'ba'na toba' siagang nasassala' kalenna tau niaka anjoreng.

MATIUS 26:65

Nalangngere'na imang lompoa akkana kamma Isa, naallemi nasinre' jubana na nakana, “Nahinai Allata'ala! Tenamo naparallu pole sa'bia. Massing nilangngere'mi bicaranNa anghinai Allata'ala.

PAPPICINI' 11:3

LaKusuroi rua sa'bingKu ammakeang tau kamateanga, na lanapa'la'bang biritta battua ri Allata'ala 1260 allo sallona.”

1 SAMUEL 4:12

Nia' sitau battu ri suku Benyamin lari battu ri tampa' pa'bundukanga mange ri Silo, na battu mange anjoreng ia memang anjo alloa. Untu' a'jari pammatei ri susana, nakekke'-kekke'mi care-carena na naboli' ri ulunna.