2 KARAENG-KARAENG 18:8 - KITTA' MATANGKASA'

⁸ Nabetai tu Filistin, siagang naalleangi tampa' pammantanganna ke'nanga, battu ri desa kaminang ca'dia sa'genna kota kaminang lompoa, kammayami Gaza siagang daera niaka ri tammulilina.

2 KARAENG-KARAENG 18:8 ပူးပေါင်းရင်းမြစ်များ

1 KARAENG-KARAENG 5:4

Mingka kamma-kamma anne Nasarema' Karaeng Allata'alaku kaamangngang ri sikontu daera kakoasangku. Tena musungku, siagang tena bala antujui pa'rasangangku.

2 KARAENG-KARAENG 17:9

siagang nagaukangi apa-apa tenaya Napa'biangi Batara, Allata'alana ke'nanga. Ambangungi ke'nanga tampa'-tampa' panynyombang rewata ri sikontu kotana ke'nanga, baji' ri kota ca'dia kammayatompa ri kota lompoa.

1 PATTOTTORANG 4:41

Ri jammang Hizkia a'jari karaeng Yehuda, anjo turungang battua ri Simeon, nabunduki Gedor. Naancu'-ancuruki ke'nanga sikamma kemana tau ammantanga ri anjo kotaya siagang tu Meunim, nampa nabongka tau ammantanga anjoreng. Nampa ammantang ke'nanga anjoreng lanri jaina parang ruku'na untu' olo'-olo'na ke'nanga.

2 PATTOTTORANG 26:10

Kammayatompa ambangungi menara-menara niaka pattahanganna ri daera paranga, siagang angngekei jai bungung, baji' ri tampa' tinggia kammayatompa ri tampa' rawaya ri bageang ilau'. Lanri naparhatikanna jama-jamang pamarria, jaimi tau napajama untu' appare' koko-koko anggoro' ri daera monconga, siagang najama buttaya ri daera-daera copponga.

2 PATTOTTORANG 28:18

Ia todong anjo wattua nabattu tu Filistin ambunduki kota-kota niaka ri bangkeng bulu' bageang ilauka siagang ri daera bageang timboro'na Yehuda. Naallemi ke'nanga kota-kota Bet-Semes, Ayalon, Gederot, Sokho, Timna, Gomzo, siagang desa-desana, nampa ammantang ke'nanga anjoreng.

YESAYA 14:29

He bansa Filistin, tepo'mi palu-palu eroka nipake untu' ampalu-paluiko. Mingka teako rannui, lanri punna nia' ulara' mate, nia' labattu ulara' maraeng, la'bi sekkeka, untu' ansambeangi, siagang bayao ulara' bo'boka a'jari naga akka'nyi'.

YESAYA 5:2

Nabingkungi buttana, na napela' batu-batunna. Nalamungi anggoro' nipile nambangung balla' tinggi pa'jagang. Angngekei se're kali'bong tampa' pammaccokang anggoro'na, nampa attayang rappo ti'noka, mingka kacci wassele' rappo anggoro'na.

PAOLE 2:23

Butta niaka ri siapa are la'buna ri biring Tamparang Tangngaya nipammantangngi ri tu battua ri pulo Kreta. Le'baki ke'nanga naancuru' tu Awi, iamintu pandudu' uru-uruna anjo pa'rasanganga, nampa napammantangngi ke'nanga anjo daeraya sa'genna mae ri kota Gaza ri patimboro'na.)

YOSUA 15:47

Kammayatompa Asdod siagang Gaza siagang kota-kota ca'di siagang pole desa-desa niaka tassiara' sa'genna mange ri ampi'na pangka binangaya ri pa'baeng-baenna Mesir siagang birinna Tamparang Tangngaya.