2 KARAENG-KARAENG 18:5 - KITTA' MATANGKASA'

⁵ Ri alla'na sikamma karaeng Yehuda, baji' rioloangannaya kammayatompa ribokoanganna Hizkia, tenamo sangkammanna. Ia tappaki ri Batara, Allata'alana Israel,

2 KARAENG-KARAENG 18:5 ပူးပေါင်းရင်းမြစ်များ

2 KARAENG-KARAENG 18:19

Kalase'renna anjo perwira tantarana Asyur angkana ri ke'nanga, “Pabattuangi Karaeng Hizkia anne kananna karaeng Asyur angkanaya, ‘Angngapa nanukana kalennu kassa'?

2 KARAENG-KARAENG 19:10

Kammami anne bonena anjo suraka, “Teako eroki niballe-ballei ri anjo janjinNa Allata'alanu iamintu nupattoanga angkanaya tena nulatu'guru' antama ri limangku.

2 KARAENG-KARAENG 23:25

Tena le'bakai nia' karaeng sangkamma Yosia, attojeng-tojenga ri pa'mai'na anynyomba mae ri Batara, siagang napa'nyatami anjo lalang ri carana attallasa' siagang appanggaukang, situru' sikontu hukkung niaka tattulisi' lalang ri kitta'na Musa. Manna ri tenanamo Yosia, tena tommo karaeng sangkammanna.

2 PATTOTTORANG 14:11

Nampa appala' doang Asa ri Karaeng Allata'alana, nakana, “O Batara, iKatteji bawang akkulle ambantui tau lammaya andallekangi tau kassaka. Kitulung laloi ikambe kamma-kamma anne, o Karaeng Allata'alana ikambe! Ri Katteji bawang tanjeng ikambe, siagang lanri arenTa bawang nassulu' anne ikambe untu' angngewai anne pasukang sannaka lompona. O Batara, iKatteji bawang Allata'alana ikambe. TeaKi' pa'biangngi KalenTa nibeta ri se'reang rupatau.”

2 PATTOTTORANG 20:20

Ammukona bari'basa' dudu, assulu'mi ra'yaka nampa a'lampa mange ri daera parang lompoa ri ampi'na Tekoa. Ri wattunna ero' appakkaramula ke'nanga a'lampa, appasammi Karaeng Yosafat ri ke'nanga angkana, “He ra'ya' Yehuda siagang Yerusalem! Tappakko mae ri Karaeng Allata'alanu, sollannu akkulle attahang. Tarimai pappakainga'na na'bi-na'binu, sollannu akkulle ammeta.”

2 PATTOTTORANG 20:35

Ri se'reang wattu Yosafat karaeng Yehuda appareki passisambungang passari'battangngang siagang Ahazia karaeng Israel, jaia kaja'dallang nagaukang.

AYUB 13:15

Tena kujampangi lanri tappu' minasama'! Punna ero' Allata'ala ambunoa', kupassareang mami kalengku, mingka kupattojengi panggaukangku ri dallekanNa.

PAMMUJI 13:5

TeaKi' lappassangi musungku angkana angkanaya nabetama' ke'nanga. TeaKi' lappassangi ke'nanga anggoraia'.

PAMMUJI 84:12

Saba' Karaeng Allata'ala pa'la'langanta siagang Karaeng Malompo, assidakkiaki' pangngamaseang siagang kalompoang. Tale'bakai Natolla' apa bajika mae ri tau tenaya callanna ri tallasa'na.

YESAYA 36:7

Nampa nakanamo pole anjo perwira tantarana Asyur, “Yareka barang nukana manrannuangko mae ri Karaeng Allata'alanu? Ri wattunna naparentakang Hizkia sollanna sikamma tu Yehuda siagang tau niaka ri Yerusalem, ri dallekanna ngasenji bawang tampa' pakkoro'bangngang ri Yerusalem anggaukangi ibadana, sai apa naancuraka ia tonji anjo tampa' pakkoro'bangnganga siagang tampa'-tampa' panynyombanga ri Batara kalenna?

YESAYA 38:3

“O, Batara, Kiu'rangi laloi angkanaya inakke anne le'ba'ma' allayaniKi' siagang pa'mai' tamamminraku, kammayatompa situlusu'na atingku. Tuli kuusahaimi mannuruki ri erotTa.” Nampa angngarru' pacce Hizkia.

MATIUS 27:43

Na patappaki Allata'ala, siagang Nakanai KalenNa Ana'Na Allata'ala. Jari umbamo niciniki kamma-kamma anne, maka ero' tojenji Allata'ala ampasalamaki.”

EFESUS 1:12

Boli'mi kamma naikatte, uru-uru manrannuanga mae ri Almasi, mammuji-muji mae ri Allata'ala lanri mala'biri'Na!