2 KARAENG-KARAENG 18:31 - KITTA' MATANGKASA'

³¹ Teako pilangngeri Hizkia. Inakke, karaeng Asyur ansuroko sollannu assulu' battu ri kotaya siagang nupassareang kalennu. Sinampe' akkullei nukanre rappo anggoro' battua ri koko kalennu, siagang nukasia' rappo ara battua ri poko' ara kalennu, kammayatompa angnginung je'ne' battu ri bungung kalennu,

2 KARAENG-KARAENG 18:31 ပူးပေါင်းရင်းမြစ်များ

PA'JARIANG 33:11

Kupalaki, nakitarima anne passare kueranga. Baji' pa'mai'mi Allata'ala mae ri nakke na Nasarema' sikontu apa kuparalluanga.” Tuli napala' dudumi Yakub ri daenna, nakala'busanna ero'mi Esau antarimai anjo passarena.

1 KARAENG-KARAENG 4:20

Ra'ya' Yehuda siagang ra'ya' Israel sanrapangi kassika ri biring tamparang jaina. Anggannaki ke'nanga ri kanre siagang ri inungang kammayatompa sannangi katallassanna ke'nanga.

1 KARAENG-KARAENG 5:5

Le'ba'mi a'janji Batara mae ri manggeku Daud angkana, ‘Ana' bura'nenu laKuangkaka' a'jari karaeng ansambeangko, iami lambangung tampa' passambayangang mae ri Nakke.’ Lanri kammana anjo, Karaeng Hiram mala'birika, inakke Salomo, le'ba'mi kutappuki untu' ambangungi anjo bangunanga.

2 KARAENG-KARAENG 18:30

Teako pilangngeri panynyonyo'na untu' manrannuang ri Batara. Teako kapangngi angkanaya laNapasalamakko Batara yareka laNarompai tantara Asyur untu' angngallei kotanu.

PANGNGEBARANG 18:16

Hadiaya anynyungkei oloang siagang angngantaraki mange ri tau malompoa.

PANGNGEBARANG 27:18

Inai ammarakai poko' rappo-rappoang, lanakanrei rapponna. Laningai palayanga punna napakalompo karaenna.

YEREMIA 14:3

Sikamma palayanna tau kalumanynyanga nisuroi a'boya je'ne' ri kere-keremae; a'lampai ke'nanga mange ri sikamma bungunga mingka la'busu' ngasemmi je'neka. Tena bonena bongkia naeranga ke'nanga ammotere'. Lussa'mi natappu' minasa ke'nanga siri'-siriki ke'nanga na natongko' rupanna.

ZAKHARIA 3:10

Punna battu sallang anjo alloa, tunggala' taua lanakioki siampi' balla'na untu' battu siagang ampisa'ringi kasiamakkanga siagang salewanganga ri tangnga-tangngana koko anggoro'nu siagang poko'-poko' aranu.”