2 KARAENG-KARAENG 18:3 - KITTA' MATANGKASA'

³ Nagaukangi Hizkia apa Nangaia Batara sangkamma nagaukanga Daud boe-boena.

2 KARAENG-KARAENG 18:3 ပူးပေါင်းရင်းမြစ်များ

1 KARAENG-KARAENG 11:38

Punna ikau, sangkamma atangKu Daud, mannuruki tojeng-tojengko ri hukkung-hukkungKu, siagang nupakasannang atingKu, iamintu nugaukangi sikontu apa Kuparentakanga ri kau, tuli laKururungangko. LaKupa'jariko karaeng Israel. LaKutanggongi angkanaya turungannu la'jari karaeng ansambeangko, kamma le'baka Kugaukang mae ri Daud.

1 KARAENG-KARAENG 11:4

sa'genna ri wattu toana akkullemi ninyonyo' ri ke'nanga anynyomba ri rewata-rewata maraenga. Daud, manggena Salomo, majarreki mae ri Batara, Allata'alana. Mingka Salomo tena nasangkamma manggena.

1 KARAENG-KARAENG 15:11

Sangkamma Daud, boe-boena, Asa napakasannangi atinNa Batara.

1 KARAENG-KARAENG 15:5

Kammaminjo Nagaukang Batara lanri nipakasannangi atinNa ri Daud. Tena nale'ba' Daud ambalang parekangi parenta-parentaNa Batara, pantaranganna ri parkarana Uria, anjo tau battua ri Het.

1 KARAENG-KARAENG 3:14

Na punna ikau, sangkamma Daud manggenu riolo, nuturukiA' siagang nupinawangi hukkung-hukkungKu, laKusareko umuru' sallo.”

2 KARAENG-KARAENG 12:3

Iaji bawang sayanna, lanri tenana naputtai tampa' panynyombanga mae ri rewataya, sa'genna tuli assarena ra'yaka koro'bang siagang attunu dupa anjoreng ri tampaka.

2 KARAENG-KARAENG 14:3

Anjo Amazia nagaukangi apa napakassannanga pa'mai'Na Batara, mingka tenapa nasangkamma Daud boe-boena. Sangkamma todong manggena,

2 KARAENG-KARAENG 20:3

“O Batara, Kiu'rangi laloi angkanaya le'ba'mi kupare' ata kalengku mae ri Katte, majarreka' siagang tulusuki pa'maikku mae ri Katte. Tuli kuusahai anggaukangi apa Kikaerokia.” Nampa angngarru' Hizkia sanna' si'nana nasa'ring nyawana.

2 KARAENG-KARAENG 22:2

Yosia nagaukangi apa Nangaia Batara. Naturuki panggaukanna boena iamintu Karaeng Daud, siagang naturuki tojeng-tojengi sikontu hukkunNa Allata'ala.

2 PATTOTTORANG 29:2

Nagaukangi Hizkia panggaukang Nangaia Batara sangkamma todong nagaukanga Daud boe-boena.

AYUB 33:27

Na lanakanamo ri dallekanna tau jaia, ‘Lompoi dosaku, lanri ja'dalaka kukana baji', mingka tena Nahukkunga' Allata'ala.’

PAMMUJI 119:128

Lanri kamma nakuttallasa'mo situru' sikontu pitunjutTa; panggaukang ammengkaya kukabirisi.

KALAPPASSANG 15:26

Nakana Batara, “Mannuruki tojeng-tojeng mako mae ri Nakke, siagang gaukangi apa Kukanaya baji'; turuki sikamma parentaKu. Punna nugaukang anjo kammaya, tena nulaKuhukkung sangkamma garring le'baka Kupabattu mae ri tu Mesirka. INakkemi Batara ampamolleako.”

YESAYA 38:3

“O, Batara, Kiu'rangi laloi angkanaya inakke anne le'ba'ma' allayaniKi' siagang pa'mai' tamamminraku, kammayatompa situlusu'na atingku. Tuli kuusahaimi mannuruki ri erotTa.” Nampa angngarru' pacce Hizkia.

ROMA 7:12

Anjo hukkung-hukkung agamaya battu ri Allata'ala assala'na, siagang sikamma anjo apa nipassuroanga lalang ri hukkung agamaya, battu ri Allata'ala assala'na, jari adeleki siagang bajiki.

EFESUS 6:1

Ikau ana'-anaka! Salaku ana'-ana' gurunNa Almasi, parallui nupilangngeri tau toanu, nasaba' iaminjo siratanga nugaukang.

PAOLE 10:12

“Kamma-kamma anne sari'battangku ngaseng, parhatikang lalomi apa Natuntuka Karaeng Allata'alanu battu ri kau, angkanaya: Pakala'biriki Karaeng Allata'alanu siagang gaukang laloi sikontu Naparentakanga. Mangngamaseangko mae ri Ia, siagang gaukang laloi ibadanu mae ri Ia ilalang sikontu batangkalennu siagang nyawanu.

PAOLE 6:18

Gaukangi apa Nakanaya baji' siagang adele' Batara, na nusalewangang. Butta coppong Napa'janjianga Batara mae ri boe-boenu, lanupatangi,