2 KARAENG-KARAENG 18:22 - KITTA' MATANGKASA'

²² Nampa nasambungi bicaranna anjo perwirana tantara Asyur angkana, “Yareka nukana lamanrannuangko mae ri Batara, Allata'alanu? Ri wattunna naparentakang Hizkia sollanna tu Yehuda siagang tu Yerusalem poro ri dallekannaji bawang tampa' pakkoro'bangnganga akkulle anynyomba, sai iatonji anjo tampa' pakkoro'bangnganga siagang tampa'-tampa' panynyombanga ri Batara naancuru'?

2 KARAENG-KARAENG 18:22 ပူးပေါင်းရင်းမြစ်များ

2 KARAENG-KARAENG 18:23

Kamma-kamma anne lalang arenna karaeng Asyur barania' ambotori angkanaya punna nisareko 2.000 kayu jarang, mattantu tenana taunnu sikamma anjo jaina untu' ambaei anjo jaranga!

2 KARAENG-KARAENG 19:6

nasuromi anjo sikamma tau nisuroa ampabattui pappialinna Yesaya angkana, “Nakana Batara, teaki' mallakki allangngereki anjo kana-kana napabattua anjo ata-atanna karaeng Asyur angkanaya takkulleai Batara allappassangki'.

2 PATTOTTORANG 31:1

Le'baki nagaukang ke'nanga anjo passua'-suarranga, a'lampami sikontu ra'yaka mange ri sikontu kota Yehuda, nampa naancuru' patung-patunna barhalaya, naruntung sikontu patung-patung le'baka nibangung untu' Dewi Asyera, siagang naputta tampa'-tampa' pakkoro'bangnganga siagang tampa'-tampa' panynyombanga mae ri barhalaya. Kamma tomminjo nagaukang ke'nanga ri tampa'-tampa' maraenga ri Yehuda siagang ri daera-daera Benyamin, Efraim, siagang Manasye. Le'baki anjo massing ammotere' ngasemmi ke'nanga mange ri massing kamponna.

2 PATTOTTORANG 32:12

Ia KalenNa angngancuruki tampa'-tampa' panynyombanga siagang tampa'-tampa' pakkoro'bangnganga mae ri Batara, nampa nasuro tu Yehuda siagang tu Yerusalem untu' anynyomba siagang attunu dupa ri se're bawang tampa' pakkoro'bangngang.

YESAYA 36:7

Nampa nakanamo pole anjo perwira tantarana Asyur, “Yareka barang nukana manrannuangko mae ri Karaeng Allata'alanu? Ri wattunna naparentakang Hizkia sollanna sikamma tu Yehuda siagang tau niaka ri Yerusalem, ri dallekanna ngasenji bawang tampa' pakkoro'bangngang ri Yerusalem anggaukangi ibadana, sai apa naancuraka ia tonji anjo tampa' pakkoro'bangnganga siagang tampa'-tampa' panynyombanga ri Batara kalenna?

DANIEL 3:15

Jari, kamma-kamma anne apaka sadia jako su'ju' siagang anynyomba mae ri anjo patunga punna assa'ra musika? Punna taerokako, lakupasambila silalonnako antama' ri pepe' a'rinra-rinraya. Siagang rewata battu kemae lakkulle ampasalamakko battu ri kakoasangku?”

MATIUS 27:43

Na patappaki Allata'ala, siagang Nakanai KalenNa Ana'Na Allata'ala. Jari umbamo niciniki kamma-kamma anne, maka ero' tojenji Allata'ala ampasalamaki.”

1 KORINTUS 2:15

Inai-nai nikoasai ri RohNa Allata'ala, akkulle ngasengi napahang sikontu apa-apaya; mingka kalenna anjo taua manna sitau tania' akkulle ampahangi.

PAOLE 12:11

Nampa lammile Karaeng Allata'alanu se're tampa' untu' lanupake anynyomba mae ri Ia. Anjoreng mako musti a'lampa angngerangi sikontu apa kuparentakanga, iamintu koro'bang nitunua siagang sikamma koro'bang maraengannaya, koro'bang bage sampulona panggappannu siagang koro'bang nupa'janjianga mae ri Batara.

PAOLE 12:14

mingka musti anjorengko ri tampa' Napilea Batara. Anjoreng jako bawang musti ampassareangi koro'bang nitunua siagang anggaukangi anne apa kupassuroanga mae ri kau.

PAOLE 12:5

Ri sikontu daerana suku-suku Israel, ammilei Karaeng Allata'alanu se're tampa' sollanna akkulle bansata battu mange ri dallekanNa siagang anynyomba ri Ia.