2 KARAENG-KARAENG 18:18 - KITTA' MATANGKASA'

¹⁸ Nampa a'gora ke'nanga angkioki Karaeng Hizkia. Jari nia'mo tallu pagawena Hizkia assulu' ambuntuli ke'nanga. Anjo tallua pagawe iamintu Elyakim ana'na Hilkia kapala ruma tanggana balla' karaenga, Sebna jurutulisi'na pa'rasanganga, siagang Yoah ana'na Asaf jurutulisi'na balla' karaenga.

2 KARAENG-KARAENG 18:18 ပူးပေါင်းရင်းမြစ်များ

2 SAMUEL 20:24

Kapalana tunisuro passaya anjama: Adoram. Bendaharana pa'rasanganga: Yosafat ana'na Ahilud.

2 KARAENG-KARAENG 18:26

Nakanamo Elyakim, Sebna siagang Yoah ri anjo perwiraya, “A'bicaraki' lalang bicara Aram karaeng, kakkulleji napahang ikambe. Teaki' ammakei bicara Ibrani, gassingka napahangi ra'ya' niaka irate anjoreng ri tembo'na kotaya.”

2 KARAENG-KARAENG 18:37

Jari nakekke'mi pakeanna Elyakim, Sebna siagang Yoah a'jari pammatei ri si'nana pa'mai'na, nampa a'lampa mange allaporoki mae ri karaenga anjo apa le'baka napau anjo perwirana tantara Asyur.

2 KARAENG-KARAENG 19:2

Nampa nasuro Elyakim, kapala ruma tanggana balla' karaenga, Sebna jurutulisi'na pa'rasanganga, siagang sikamma imang toayamo, untu' a'lampa mange ri Na'bi Yesaya ana'na Amos. Ammake tommi ke'nanga kaeng karung.

2 PATTOTTORANG 34:8

Ri taung makasampulo assagantuju ammarentana Yosia, le'ba'mi nabarrasa' sa'genna tangkasa' panynyombang barhalaya battu ri Balla'Na Batara siagang sikontu pa'rasanganga, nia'mo tau tallu nasuro mange ampakabajiki Balla'Na Karaeng Allata'ala. Anjo tau tallua iamintu: Safan ana'na Azalya, Maaseya guburnur Yerusalem, siagang Yoah ana'na Yoahas kalase'renna pagawe tinggia.

YESAYA 33:7

Tau gammaraka siagang barania ammarrangi appala' tulung; sikamma tau nisuroa mange a'boya passiamakkang angngarruki napakamma si'na.

YESAYA 36:22

Jari nakekke'mi pakeanna Elyakim, Sebna, siagang Yoah, tanra si'nana pa'mai'na ke'nanga, nampa a'lampa a'laporo' ri karaenga, anjo apa le'baka napau perwira tantarana Asyur.

YESAYA 36:3

Nampa nia'mo tallu tau pagawena Hizkia mange angngagangi sicini' anjo perwira tantarana Asyur. Anjo tallua pagawe iamintu Elyakim ana'na Hilkia kapala ruma tanggana balla' lompoa, Sebna jurutulisi'na pa'rasanganga, siagang Yoah ana'na Asaf, juru tulisi'na balla' lompoa.

YESAYA 37:2

Nampa nasuro Elyakim, kapala balla' lompoa, Sebna juru tulisi'na pa'rasanganga kammayatompa sikamma imang-imang niaka pangka'na untu' a'lampa angngagangi sicini' Na'bi Yesaya, ana'na Amos. Ke'nanga ammake kaeng karung ngaseng tongi.