2 KARAENG-KARAENG 18:14 - KITTA' MATANGKASA'

¹⁴ Jari akkirimmi Hizkia mange ri Sanherib niaka ri Lakhis, kabara' kammaya anne, “Inakke salama'. Lanri kammana anjo, kupalaki ri katte poro kipamari lalomi ambunduki anne ikambe. Sikontu pappalatta lakuturukiangki'.” Appialimi Hizkia angkanaya musti akkiringi Hizkia mae ri ia 10.000 kilogarang pera', siagang 1.000 kilogarang bulaeng.

2 KARAENG-KARAENG 18:14 ပူးပေါင်းရင်းမြစ်များ

1 KARAENG-KARAENG 20:4

Appialimi Ahab angkana, “Paumi mae ri Karaeng Benhadad angkana situjua'. Akkullea' nakammai siagang sikontu apa-apangku.”

2 KARAENG-KARAENG 10:5

Lanri kammana anjo akkirimmi kabara' kapala balla' karaenga siagang kabusu' walikotaya, tau toa-toana tau jaia, kammayatompa pajagana ana' cucunna Ahab, iamintu kabara' mae ri Yehu angkana, “Ikambe ngaseng anne tunduki mae ri katte karaeng, siagang sadiai untu' anggaukangi apa-apa mamo kiparentakanga mae ri kambe. Tena nalangngangka' ikambe manna pole inai la'jari karaeng. Kigaukang mami apa kikanaya baji' ri panggappata.”

2 KARAENG-KARAENG 15:20

Ia carana Menahem anggappai anjo doeka iamintu napassai sikamma tau kalumanynyanga ri Israel assare 50 doe' pera' tunggala' tau. Lanri kammana anjo nabokoimi Pul anjo pa'rasanganga nampa ammotere' mange ri pa'rasanganna.

2 KARAENG-KARAENG 18:7

Lanri kammanami anjo natuli nitulung ri Batara, sa'genna a'jari ngaseng sikontu usahana. Angngewai ri karaeng Asyur, siagang tena naero' tundu' mae ri ia.

2 KARAENG-KARAENG 19:8

Anggappai kabara' anjo panglimana tantara Asyur angkanaya a'lampami karaenna ambokoi Lakhis siagang sitabangi a'bundu' sipa'baliang tau niaka ri kota Libna, tena nabella battu ri anjo tampaka. Jari a'lampami anjo perwiraya mange anjoreng untu' assigappa anjo karaenna.

PANGNGEBARANG 29:25

Mallaka ri panggappana taua, angngerangi kasusaang. Tappakko ri Batara, na nulaamang.

YEREMIA 34:7

ri wattunna sitabang pasukanna karaeng Babel nia' battu ambunduki anjo kotaya. Nabunduki tongi ke'nanga kota Lakhis siagang Aseka, ruaya kota ammakea pattahangngang, attahanga ija ri Yehuda.

LUKAS 14:32

Punna naassengi angkanaya takassakai surudaduna, tantu nia' memammo nasuro mange ri musunna appala' dame ri bellana ija anjo musunna.”