2 KARAENG-KARAENG 18:12 - KITTA' MATANGKASA'

¹² Tu'guruki Samaria lanri tena namannuruki tu Israel ri Batara, Allata'alana ke'nanga. Nasassali ke'nanga parjanjiang le'baka Napare' Batara siagang ke'nanga, kammayatompa nadakkai sikontu parenta napabattua atanNa, Musa. Taerokai ke'nanga mappilangngeri siagang taerokai mannuruki.

2 KARAENG-KARAENG 18:12 ပူးပေါင်းရင်းမြစ်များ

1 KARAENG-KARAENG 9:6

Mingka punna ikau yareka turungannu nubokoiA' siagang tena numannuruki ri hukkung-hukkungKu siagang parenta-parentaKu, kammayatompa anynyombako ri rewata-rewata maraenga,

2 KARAENG-KARAENG 21:8

Na punna naturuki umma' Israel sikontu parentaKu siagang hukkung-hukkung napassareanga Musa atangKu mae ri ke'nanga, tena nalaKulappassang ke'nanga nibongka battu ri pa'rasangang le'baka Kupassareang mae ri boe-boena ke'nanga.”

NEHEMIA 9:17

Tamannurukiai ke'nanga, nakaluppai sikontu kabajikanTa, tenai ri pangngu'ranginna sikamma gau' mappakalannasatTa. Tampomi ke'nanga ammile sitau pamimping, untu' angngerangi ke'nanga ri Mesir, ammotere' a'jari ata. Mingka iKatte Allata'ala mangngai mappammopporang, sarro sa'bara', lammoro' pa'mai', sukku' pangngamaseang. Teai sipato' heba'na pangngamaseanTa; tena naKibokoi ke'nanga.

PAMMUJI 107:17

Nia' dongo' siagang sessa lanri dosa-dosana ke'nanga, siagang nisessai lanri kasalanna ke'nanga.

PAMMUJI 78:10

Nadakkai parjanjianna ke'nanga siagang Allata'ala, taerokai mannuruki ri hukkunNa.

PAMMUJI 81:12

Mingka ummakKu taerokai mappilangngeri ri Nakke, taeroka Israel mannuruki ri Nakke.

YESAYA 1:19

Punna erokko mannuruki mae ri Nakke, lanukasia' ngasengi apa bajika, iamintu wassele'na pa'rasangannu.

YEREMIA 7:23

Poro Kuparentakanji bawang ke'nanga sollanna mannuruki ri Nakke, sollanna iNakke a'jari Allata'alana ke'nanga, siagang ke'nanga a'jari ummakKu. Kusuroi ke'nanga attallasa' situru' parenta-parentaKu sollanna mate'ne ke'nanga.

YEHEZKIEL 11:12

Na nuassemmo angkanaya iNakke Batara siagang Kuhukkungko lanri le'ba'na nudakkai paratorang-paratorangKu siagang nubalang parekangi parenta-parentaKu lanri nuturukinna hukkung-hukkung bansa maraenga ri tammulilinu.”

DANIEL 9:5

Dorakami ikambe, a'gau' ja'dala'mi ikambe, siagang nagaukammi ikambe kasalanga. Pabali-balimi ikambe siagang nadakkai ikambe parentaTa, kammayatompa ammengkai ikambe battu ri paratorang-paratoranTa.

AMOS 2:6

Nakana Batara, “Tu Israel a'mole-molei doraka, lanri kammana anjo ma'nassa laKuhukkungi ke'nanga. Tau lambusu' tenaya nakkulle ambayaraki inranna, nabalukangi ke'nanga a'jari ata. Kammatommi anjo panggaukanna mae ri tu kasi-asia tenaya nakkulle ambayaraki inranna, manna pole naanjo inranna anggarang sipammalli sandala'ji bawang.

MIKHA 3:4

Lanarapiki wattunna nulappala' tulung ngaseng mae ri Batara, mingka taerokai appiali. Tena nalaNapilangngeri sikamma pappala' doannu, lanri le'ba'na nugaukang kaja'dallanga.

PAMMILANGNGANG 12:7

Mingka tena nakamma anjo mae ri atangKu Musa. Iami tau majarre' pa'maika ri alla'na ummakKu.

PAOLE 11:28

Mingka lanitunraiko punna tena numannuruki mae ri parenta-parentaNa Karaeng Allata'alanu, passangalinna ta'gilingko untu' anynyomba ri rewata-rewata maraenga ia tenaya nale'ba' nusomba.

PAOLE 31:16

Nakana Batara mae ri Musa, “A'reppese'mi a'jala'nu. Punna a'boko mako, lamamminrami nyawana bansa Israel mae ri Nakke siagang takkaluppami ri parjanjiang Kupareka siagang ke'nanga. LanabokoiA' ke'nanga untu' a'lampa mange anynyomba ri rewata-rewata nisombaya ri pa'rasangang tenayamo nasallo nanupantamakki.

PAOLE 31:17

Punna kajariang anjo kammaya, la'bettese'mi larroKu mae ri ke'nanga. LaKubokoi ke'nanga siagang laKupanraki. Jai bala lompo lantujui ke'nanga; nampami sadara' ke'nanga angkanaya nakajariang ngaseng anjo kammaya lanri iNakke, Allata'alana ke'nanga, tenamo naKururungangi ke'nanga.

PAOLE 34:5

Nampa matemo Musa, anjo atanNa Batara, ri butta Moab, sangkamma le'baka Napau riolo Batara.

PAOLE 8:20

Punna tena numannuruki mae ri Karaeng Allata'alanu, tena taniancuru'nu todong sangkamma bansa-bansa maraenga, ia Naancuruka ri dallekanna matannu.”

2 TESALONIKA 1:8

kammayatompa pepe' a'rinra-rinraya. Manaungi untu' anghukkungi tau tenaya naero' anjampangi Allata'ala, siagang tau tenaya naero' mappilangngeri ri Kabara' Bajika ri passala'na Isa Almasi Batarata.

2 TIMOTIUS 2:24

Inai-nai anjama-jama untu' Batara tasiratangai a'besere'; musti sombereki mae ri yangasenna taua, siagang akkullei naajara' taua siagang baji' na sa'bara'.

YOSUA 1:1

Ri matenamo Musa, iamintu atanNa Batara, a'bicarami Batara mae ri wakkele'na Musa, iamintu Yosua ana'na Nun.

1 PETRUS 2:8

Siagang “Iami anjo batua napattatto'roi taua, batu ampatu'gurukai ke'nanga.” Tatto'roi ke'nanga lanri tatappakai mae ri kananNa Allata'ala. Kammami anjo le'baka Napattantuangi Allata'ala untu' ke'nanga.

1 PETRUS 4:17

Narapi'mi wattunna laNaadeli Allata'ala linoa. Na Umma' KalenNa Allata'ala laniadeli la'bi riolo. Jari punna lappakkaramula angngadeli Allata'ala ri katte, antekammami kajarianna sikamma tau tenaya natappa' ri anjo Kabara' Baji' battua ri Allata'ala?