2 KARAENG-KARAENG 18:11 - KITTA' MATANGKASA'

¹¹ Nampa naengka' karaeng Asyur tu Israel salaku tunitahang mange ri Asyur; sipa'gang battu ri ke'nanga nipamantangi ri kota Halah, sipa'gang ri ampi'na Binanga Habor ri daera Gozan, na sipa'gang pole ri kota-kota niaka ri pa'rasangang Madai.

2 KARAENG-KARAENG 18:11 ပူးပေါင်းရင်းမြစ်များ

2 KARAENG-KARAENG 15:29

Ri wattu ammarentana Pekah, naallei karaeng Asyur iamintu niarenga Tiglat-Pileser kota-kota Iyon, Abel-Bet-Maakha, Yanoah, Kedes, Hazor, daera Gilead, Galilea siagang Naftali. Pandudu'na niengkaki mange ri Asyur a'jari tunitahang.

2 KARAENG-KARAENG 17:6

iamintu ri makasalapannamo taung ammarenta Hosea, naempoimi Salmaneser Samaria. Nampa naengka' tu Israel salaku tunitahang mange ri Asyur. Sipa'gang battu ri ke'nanga nitampakkangi ri kota Halah, sipa'gang maraengannaya ri ampi'na Binanga Habor ri daera Gozan, nampa sipa'gang pole ri kota-kota niaka ri pa'rasangang Madai.

2 KARAENG-KARAENG 19:11

Le'ba'mi nulangngere' angkanaya sikontu pa'rasangang le'baka nabunduki karaeng-karaeng Asyur, niancuru' tabasikali kabusuki. Teako kapangngi angkanaya lakkulleko ta'lappasa!

2 KARAENG-KARAENG 21:8

Na punna naturuki umma' Israel sikontu parentaKu siagang hukkung-hukkung napassareanga Musa atangKu mae ri ke'nanga, tena nalaKulappassang ke'nanga nibongka battu ri pa'rasangang le'baka Kupassareang mae ri boe-boena ke'nanga.”

2 KARAENG-KARAENG 23:27

Nakana Batara, “Apa le'baka Kugaukang mae ri tu Israel, laKugaukang tongi mae ri tu Yehuda. LaKupelaki tu Yehuda battu ri pa'rasangang le'baka Kupassareang mae ri ke'nanga. LaKutollaki Yerusalem, iamintu kotaKu le'baka Kupilei, kammayatompa anne BallakKu, le'baka Kupau angkanaya la'jari tampa' panynyombangi mae ri KalengKu.”

1 PATTOTTORANG 5:26

Lanri kammana anjo Napagio'mi Allata'ala atinna Karaeng Pul battu ri Asyur, sa'genna mange ke'nanga ambunduki anjo pa'rasanganga. Anjo Karaeng Pul nigallara' tongi Karaeng Tiglat-Pileser. Nampa naerammo suku Ruben, Gad, siagang suku Manasye, niaka ri bageang rayanganna Binanga Yordan, a'jari tunitahang nampa nipela' mange ri butta Halah, Habor, Hara, siagang ri se'reang tampa' ri ampi'na Binanga Gozan. Anjoremmi ke'nanga ammantang tuli sa'genna anne alloa.

NEHEMIA 9:30

Attaung-taungKi' sa'bara' ampakaingaki; tete ri sikamma na'bia, nama'bicara RohTa ri ke'nanga. Mingka natongkoki tolinna ummatTa, jari Kipassareammi ke'nanga mae ri bansa-bansa sikamma pa'rasangang.

YESAYA 10:11

Samaria siagang sikontu barhalana le'ba'mi kupanraki. Kamma tomminjo lakugaukang mae ri Yerusalem kammayatompa mae ri sikamma barhala niaka nisomba anjoreng.”

YESAYA 10:5

Nakana Batara, “Cilakai Asyur! Asyur laKupake a'jari cambo' siagang palu-palu untu' antunrungi tau natabaya pangngalarroingKu.

YESAYA 36:2

Le'baki anjo nasuromi perwira tinggi tantarana battu ri Lakhis mange ri Yerusalem nirurungang ri tantara jai, untu' antuntuki sollanna mangaku nibeta Karaeng Hizkia. Battui ke'nanga ri anjo kotaya, angngallemi tampa' ri koko niarenga Koko Pasassa, ri ampi'na solongang allo'loranga je'ne' battua ri kollang bageang rateang.

YESAYA 37:12

Ri wattunna naancuru' boe-boeku kota Gozan, Haran, siagang Rezef, kammayatompa nabuno sikamma tu Eden niaka ammantang ri Telasar, tena manna se're rewatana ke'nanga ampasalamaki ke'nanga.

YESAYA 7:8

lanri anjo Siria tena nakassakkangngang na ibukotana iamintu Damsyik, kammayatompa anjo Damsyik tena nakassakkangngang na Karaeng Rezin. Nampa lalanna annampulo allima taung, lata'bage-bagei Israel sa'genna takkulleami attahang a'jari se're bansa.

YESAYA 8:4

Saba' ri tenanapa nalompo-lompo antu anaka nakkulle angkana ‘Bapa'’ siagang ‘Amma'’, sikontu kakalumanynyangnganna Damsyik siagang sikontu barang narampasaka tu Samaria lanilalingi ri karaeng Asyur.”

HOSEA 9:3

Ikau ngaseng, he bansa Israel, tena nulammantang tuli ri butta Napassareanga Batara mae ri kau. Musti ammoterekko mange ri Mesir, siagang musti angnganreko kanre harang ri Asyur.

AMOS 2:6

Nakana Batara, “Tu Israel a'mole-molei doraka, lanri kammana anjo ma'nassa laKuhukkungi ke'nanga. Tau lambusu' tenaya nakkulle ambayaraki inranna, nabalukangi ke'nanga a'jari ata. Kammatommi anjo panggaukanna mae ri tu kasi-asia tenaya nakkulle ambayaraki inranna, manna pole naanjo inranna anggarang sipammalli sandala'ji bawang.

AMOS 5:6

Ammotere' mako mae ri Batara, na nulattallasa'. Punna tammoterako mae ri Ia, labattui kontu pepe' a'le'lereka siagang antunui sa'genna cappu' sikontu tu Israel. Ri Betel tena manna sitau akkulle ambunoi anjo pepeka.

LAMPA-LAMPANA 7:43

Mingka balla'-balla'na rewata Molokh nuerang mange-mange siagang patunna bintoeng rewatanu, iamintu Refan; iaminjo patung nupareka, ero' nusomba. Iaminjo saba'na nalaKupelakko sa'gennu bella mange ri ba'leanna pa'rasangang Babel.’