2 KARAENG-KARAENG 18:10 - KITTA' MATANGKASA'

¹⁰ Ri wattunna narapi'mo tallun taung nikurung, tu'guru'mi Samaria. Ri taung makaannang ammarentana Hizkia siagang ri taung makasalapang ammarentana Hosea ri Israel nakajariang anjo passalaka.

2 KARAENG-KARAENG 18:10 ပူးပေါင်းရင်းမြစ်များ

2 KARAENG-KARAENG 17:6

iamintu ri makasalapannamo taung ammarenta Hosea, naempoimi Salmaneser Samaria. Nampa naengka' tu Israel salaku tunitahang mange ri Asyur. Sipa'gang battu ri ke'nanga nitampakkangi ri kota Halah, sipa'gang maraengannaya ri ampi'na Binanga Habor ri daera Gozan, nampa sipa'gang pole ri kota-kota niaka ri pa'rasangang Madai.

YESAYA 10:9

Kualle passai kota-kota Kalno siagang Karkemis, Hamat siagang Arpad. Kualle tongi kota-kota Samaria siagang Damsyik.

AMOS 3:11

Lanri kammana anjo lanikurungi pa'rasanganna ke'nanga ri musu, lania'moroki pattahanganna, siagang laniellaki sikamma balla' karaenna ke'nanga.

AMOS 6:7

Lanri kammana anjo, ikau ngasemmi uru-uru laniengka' mange ri butta pammelakkanga. Passua'-suarrannu siagang pangnganreang-pangnganreannu lakala'busammi.

MIKHA 6:16

Yangasenna anjo kammaya kajariangi lanri nuturukinna panggaukang-panggaukang ja'dala'na Karaeng Omri siagang ana'na, iamintu Karaeng Ahab. Nupinawangi cara-carana ke'nanga. Lanri kammana anjo laKuancuru' ngasengko, siagang lanicau-cauko kammayatompa lanihinako ri sikontu bansaya.”

MIKHA 7:13

Mingka buttaya la'jari kalotoroki lanri kaja'dallanna pandudu'na.

PAMMILANGNGANG 32:41

Yair, battu ri suku Manasye, nabundukimi siagang naempoimi siapa are desa, nampa naareng anjo desa-desaya: “Desa-desa Yair”.