2 KARAENG-KARAENG 17:9 - KITTA' MATANGKASA'

⁹ siagang nagaukangi apa-apa tenaya Napa'biangi Batara, Allata'alana ke'nanga. Ambangungi ke'nanga tampa'-tampa' panynyombang rewata ri sikontu kotana ke'nanga, baji' ri kota ca'dia kammayatompa ri kota lompoa.

2 KARAENG-KARAENG 17:9 ပူးပေါင်းရင်းမြစ်များ

2 KARAENG-KARAENG 18:8

Nabetai tu Filistin, siagang naalleangi tampa' pammantanganna ke'nanga, battu ri desa kaminang ca'dia sa'genna kota kaminang lompoa, kammayami Gaza siagang daera niaka ri tammulilina.

AYUB 31:27

Tale'bakai nialle pa'maikku ri ia, yareka kubau limangku untu' ampakalompoi.

PAMMUJI 78:58

Napa'ngarai ke'nanga Allata'ala ri tampa' panynyombang barhalaya, napassereati Allata'ala siagang patung-patunna ke'nanga.

YESAYA 29:15

Cilakai tau eroka ancokkoi rancanana battu ri Batara! Appanggaukang cokko-cokkoi ke'nanga, nampa nakapang angkana tena manna sitau anciniki yareka angngassengi apa nagaukang ke'nanga.

YEHEZKIEL 20:28

Kuerangi ke'nanga mange ri butta le'baka Kupa'janjiang mae ri ke'nanga. Ri wattunna nacini' ke'nanga bulu'-bulu' tinggia siagang poko'-poko' kayu copponga leko'na, assaremi ke'nanga koro'bang anjoreng ri sikamma anjo tampaka. NapakanassuA' ke'nanga lanri assarena ke'nanga koro'bang-koro'bang nitunu siagang anggoro'.

YEHEZKIEL 8:12

Nakana Allata'ala ri nakke, “He tau, nuciniki apa nagaukang cokko-cokkoa sikamma pamimpinna tu Israel? Anynyombai ke'nanga lalang ri kamara' rassia siagang barhala; lanri nakana kalenna ke'nanga Kubokoimi anne pa'rasanganga siagang tenamo naKuciniki panggaukanna ke'nanga.”

HOSEA 12:11

Le'ba'Ma' a'bicara mae ri na'bi-na'bia, siagang jaimi pappiso'na le'ba' Kupicinikiangi ke'nanga. Tete ri ke'nanga Kupaumi sikamma rancanaKu untu' ikau ngaseng, ummakKu,

PAOLE 13:6

Punna nia' sari'battannu, yareka ana' bura'nenu yareka ana' bainenu yareka bainennu nukamaseanga, yareka agang baji'nu anynyonyo' cokko-cokkoko untu' anynyomba mae ri rewata-rewata maraeng tenaya nuassengi siagang tenaya naassengi boe-boenu, rewata-rewata battua ri bansa-bansa ambania siagang bellaya ammantang,

PAOLE 27:15

Tu Lewi: ‘Nitunrai tau appareka patung battu ri batu, kayu yareka bassi-bassiang, nampa nasomba accokko-cokko; Nakabirisi Batara panynyombanga ri barhala!’ Sikontu ra'yaka: ‘Aming’!

PAOLE 29:25

Na pialinna iamintu, ‘Lanri takkaluppana ke'nanga ri parjanjianNa Batara, Allata'alana boe-boena ke'nanga; parjanjiang Napareka siagang ke'nanga ri wattunna nierang ke'nanga assulu' battu ri Mesir.