2 KARAENG-KARAENG 17:7 - KITTA' MATANGKASA'

⁷ Tu'guruki Samaria lanri dorakai tu Israel mae ri Batara, Allata'alana ke'nanga, ia le'baka ampasalamaki ke'nanga battu ri kakoasanna karaeng Mesir, siagang angngerangai ke'nanga assulu' battu ri anjo pa'rasanganga. Anynyombai ke'nanga ri rewata-rewata maraengannaya,

2 KARAENG-KARAENG 17:7 ပူးပေါင်းရင်းမြစ်များ

1 KARAENG-KARAENG 11:4

sa'genna ri wattu toana akkullemi ninyonyo' ri ke'nanga anynyomba ri rewata-rewata maraenga. Daud, manggena Salomo, majarreki mae ri Batara, Allata'alana. Mingka Salomo tena nasangkamma manggena.

1 KARAENG-KARAENG 15:3

Sangkamma manggena, Abiam jai dosa nagaukang. Tena natulusu' majarre' pa'mai'na mae ri Karaeng Allata'alana, tasangkammayai siagang Daud, boe-boena.

2 KARAENG-KARAENG 16:2

Anjo wattua 20 taung umuru'na siagang ammarentai ri Yerusalem 16 taung sallona. Tena naturuki panggaukang baji'na Karaeng Daud boe-boena, passangalinna nagaukangi apa tenaya Nangai Batara, Allata'alana.

2 KARAENG-KARAENG 17:35

Le'ba'mi appare' parjanjiang Batara siagang umma' Israel kamma anne: “Teako anynyombai mae ri rewata-rewata maraenga; teako su'juki anynyomba ri ke'nanga yareka nulayani ke'nanga, yareka assare koro'bang mae ri ke'nanga.

1 PATTOTTORANG 5:25

Amminrai bansa Israel mae ri Allata'ala nasombaya boe-boena ke'nanga. Nabokoi ke'nanga Allata'ala nampa anynyomba mae ri barhalana bansa-bansa le'bakamo nibongka ri Allata'ala battu ri butta Kanaan.

2 PATTOTTORANG 36:5

Wattunna a'jari Karaeng Yoyakim ri Yehuda, 25 taung umuru'na, siagang 11 taung sallona ammarenta ri Yerusalem. Dorakai panggaukanna mae ri Karaeng Allata'alana.

NEHEMIA 9:26

Mingka apparicui ummatTa na tamannurukia, nabawang-bawangngangi hukkunTa siagang paratoranTa, nabunoi na'bi-na'bi ampakaingakai ke'nanga, assuroai ke'nanga ammotere' ri Katte, Allata'alana. O, Batara, a'mole-mole tongKi' nihina ri ke'nanga.

PAMMUJI 78:12

Ri dallekanna boe-boena ke'nanga, a'gau' appakalannasaki Allata'ala ri pa'rasangang Mesir, ri lappara' Zoan.

KALAPPASSANG 20:2

“INakkemi Karaeng Allata'alanu, angngerangako assulu' battu ri Mesir, tampa'nu nipare' ata.

YESAYA 57:5

Anynyombako ri rewata-rewata kacopponganga siagang nupassareang kalennu anturukiangi hawa napasunu irawanganna poko'-poko' kayu karama'nu. Nutarawangi sikamma ana'nu lalang ri binangaya, ri alla'-alla'na batua.

YEREMIA 10:5

Anjo patung-patung barhalaya rapangi tau-tau ri koko bonteka. Takkulleai ke'nanga a'bicara, takkulleai a'dakka, siagang musti niangkaki. Teako mallakki mae ri ke'nanga, nasaba' takkulleai ke'nanga a'gau' ja'dala' mae ri kau; manna a'gau' bajika tanakullei ke'nanga.”

YEHEZKIEL 39:24

Kugaukangi mae ri ke'nanga simbattala' siagang kara'massang siagang kaja'dallanna ke'nanga, nampa Kubokoi ke'nanga.”

HOSEA 12:14

Appabattui Batara sitau na'bi untu' angngerangi tu Israel assulu' battu ri tampa' nipare' atana ke'nanga, iamintu butta Mesir, kammayatompa untu' anjagai ke'nanga.

HOSEA 4:12

Appalakko pangngunju' battu ri sipolonga kayu! Se'reang takkang ampauangko apa eroka nuasseng! Rapangko sitau baine niaka bura'nenna na'jari pasundala'; nubokoiA' nampa nupassareang kalennu mae ri rewata-rewata maraenga.

HOSEA 4:13

Ri tampa'-tampa' panynyombang barhalaya ri coppo'-coppo' buluka siagang monconga, anjoreng ngaseng mako assare koro'bang siagang attunu dupa irawanganna poko'-poko' kayu lompoa siagang copponga leko'na lanri dinging-dinginna anjo tampaka. Mingka apa kale'bakkanna? Sikamma tulolonnu a'jari pasundala'mi siagang sikamma mintunnu bainea a'gau' bawammi!

PAOLE 31:29

Kuassengi angkanaya punna matema', anjo taua la'jari ja'dalaki siagang lanatollaki apa le'baka kupangngajarrang mae ri ke'nanga. Nampa lanituju sallang ke'nanga ri bala, lanri napakanassuna Batara lanri nagaukanna ke'nanga apa Napappisangkanga Batara.”

YOSUA 23:16

Punna nudakkai parjanjiang le'baka Naparentakang Karaeng Allata'alanu mae ri kau sollanna nuturuki, siagang a'lampako anggaukangi ibadaya kammayatompa anynyomba mae ri rewata-rewataya, tena talarroNa Batara, siagang tena taNahukkunnu ngaseng. Lalang wattu sinampe' duduji naNapa'lanynya' ngasengko battu anrinni ri pa'rasangang bajika anne, Napassareanga Batara mae ri kau.”

HAKING-HAKING 6:10

Le'ba' mako Kupauang angkana iNakkemi Karaeng Allata'alanu. Siagang takukellako anynyomba ri rewata-rewatana bansa Amori, nupammantangia pa'rasanganna kamma-kamma anne. Mingka tena nuturuki parentaKu.’ ”