2 KARAENG-KARAENG 17:6 - KITTA' MATANGKASA'

⁶ iamintu ri makasalapannamo taung ammarenta Hosea, naempoimi Salmaneser Samaria. Nampa naengka' tu Israel salaku tunitahang mange ri Asyur. Sipa'gang battu ri ke'nanga nitampakkangi ri kota Halah, sipa'gang maraengannaya ri ampi'na Binanga Habor ri daera Gozan, nampa sipa'gang pole ri kota-kota niaka ri pa'rasangang Madai.

2 KARAENG-KARAENG 17:6 ပူးပေါင်းရင်းမြစ်များ

PA'JARIANG 10:2

Sikamma ana'na Yafet iamintu: Gomer, Magog, Madai, Yawan, Tubal, Mesekh, siagang Tiras.

1 KARAENG-KARAENG 8:46

Punna doraka ummatTa mae ri Katte – sikontutojenna tena manna sitau tadoraka – nampa Kibalang parekang ke'nanga nibeta ri musua lanri larroTa, siagang nierang a'jari tunitahang mange ri se'reang pa'rasangang bellaya yareka ambania,

2 KARAENG-KARAENG 15:29

Ri wattu ammarentana Pekah, naallei karaeng Asyur iamintu niarenga Tiglat-Pileser kota-kota Iyon, Abel-Bet-Maakha, Yanoah, Kedes, Hazor, daera Gilead, Galilea siagang Naftali. Pandudu'na niengkaki mange ri Asyur a'jari tunitahang.

2 KARAENG-KARAENG 17:23

sa'genna kale'bakkanna tenamo naniparhatikang ke'nanga ri Batara, passangalinna nipela'mi ke'nanga battu ri butta nipassareanga mae ri ke'nanga. A'rupami anjo kajariang kammaya situru' pappakainga' le'baka Napassareang Batara mae ri ke'nanga tete ri ata-atanNa iamintu na'bi-na'bia. Kammami anjo nanierammo tu Israel mange ri butta pammelakkanga ri Asyur, siagang anjoremmi ammantang ke'nanga sa'genna anne alloa.

2 KARAENG-KARAENG 18:34

Kemaeji rewata-rewatana pa'rasangang Hamat siagang Arpad? Kemaeji rewata-rewata Sefarwaim, Hena, siagang Iwa? Niakka battu ampasalamaki Samaria?

2 KARAENG-KARAENG 19:12

Ri wattunna naancuru' boe-boeku iamintu kota Gozan, Haran, siagang Rezef, kammayatompa nabuno tu Eden niaka ammantang ri Telasar, tena manna se're battu ri rewata-rewatana ke'nanga akkulle ampasalamaki ke'nanga.

2 KARAENG-KARAENG 21:13

LaKuhukkungi Yerusalem sangkamma batena Kuhukkung Samaria siagang Ahab karaeng Israel kammayatompa jari-jarina. LaKubarrasaki sa'genna tangkasa' sanrapang panne le'baka nibissai nampa nipatinompang.

1 PATTOTTORANG 5:26

Lanri kammana anjo Napagio'mi Allata'ala atinna Karaeng Pul battu ri Asyur, sa'genna mange ke'nanga ambunduki anjo pa'rasanganga. Anjo Karaeng Pul nigallara' tongi Karaeng Tiglat-Pileser. Nampa naerammo suku Ruben, Gad, siagang suku Manasye, niaka ri bageang rayanganna Binanga Yordan, a'jari tunitahang nampa nipela' mange ri butta Halah, Habor, Hara, siagang ri se'reang tampa' ri ampi'na Binanga Gozan. Anjoremmi ke'nanga ammantang tuli sa'genna anne alloa.

EZRA 6:2

Mingka tena nanjoreng ri Babel nigappa catatanna anjo passalaka, passangalinna ri kota Ahmeta ri daera Media. Anjo catatanga nitulisiki ri se'reang gulungang. Na ia bonena, iamintu,

NEHEMIA 9:32

O, Allata'ala, Allata'alana ikambe magassinga! Allata'ala malompoa siagang hebaka! MajarrekKi' anta'galaki sikontu parjanjianTa; Kirupai siagang Kigaukangi janji-janjinTa. Battu ri jammang sikamma karaeng Asyur anjallakkangi ikambe sa'genna kamma-kamma anne jaimi pa'risi' nakasia' ikambe. Sikamma karaenna ikambe, imang, na'bi siagang tutoa-toaya, kammayatompa boena ikambe siagang ra'yaka pa'risi' ngaseng. Teaki' kaluppai anjo pa'risika! Teaki' pelakki ri pangngu'ranginTa!

YESAYA 10:9

Kualle passai kota-kota Kalno siagang Karkemis, Hamat siagang Arpad. Kualle tongi kota-kota Samaria siagang Damsyik.

YESAYA 13:17

Nakana Batara, “LaKupagioki bansa Madai untu' ambunduki Babel. Takkulleai ke'nanga nibuccu' siagang pera' yareka bulaeng.

YESAYA 17:4

Nakana Batara, “Nia' wattunna sallang, nalalanynya' kalompoanna siagang kacopponganna tu Israel.

YESAYA 21:2

Anggappa' pangngunju', nakucini' sikamma passala' lakajarianga, sannaka appakamalla'na; iamintu nikanaya sipa' a'bali' ballang siagang pammanrakia. Maju mako, pasukanna Elam, a'bakka mako! He, pasukanna Madai, kurummi! LaNapa'le'ba'mi Allata'ala sikontu kapa'risang passabakkang nagaukanga Babel.

YESAYA 36:17

sa'gennu kupalette' mange ri pa'rasangang eroka sangkamma pa'rasangang kalennu. Anjoreng nia' koko anggoro' jaia wassele'na untu' ikau, siagang koko gandung assarea wassele' labu' untu' a'jari kanrenu.

YESAYA 36:19

Kemaei rewata-rewatana pa'rasangang Hamat siagang Arpad? Kemae rewata-rewatana Sefarwaim? Niakka battu ampasalamaki Samaria?

YESAYA 37:18

Naasseng ngasengi ikambe, o Batara, angkanaya anjo sikamma karaeng Asyur jaimi bansa le'ba' napanraki siagang naancuru' sikamma pa'rasanganna ke'nanga.

YESAYA 8:4

Saba' ri tenanapa nalompo-lompo antu anaka nakkulle angkana ‘Bapa'’ siagang ‘Amma'’, sikontu kakalumanynyangnganna Damsyik siagang sikontu barang narampasaka tu Samaria lanilalingi ri karaeng Asyur.”

YEREMIA 50:17

Nakana Batara, “Tu Israel rapangi pa'rappungang gimbala' niondanga siagang nipasimbung-simbunga ri singa. Uru-uruna nibunduki ke'nanga ri karaeng Asyur, nampa Nebukadnezar Karaeng Babel angngallei buku-bukunna ke'nanga.

DANIEL 5:28

nibage, iamintu angkanaya nibagei kakaraenganta nampa nipassareang mae ri tu Media siagang Persia.”

HOSEA 1:4

Nakanamo Batara ri nakke, “Arengi anjo ana'nu Yizreel, nasaba' tasalloami nalaKuhukkung Karaeng Israel, lanri pammunoang nagaukanga Yehu, boe-boena, ri Yizreel. LaKupa'le'baki pamarentahanna jari-jarina Yehu.

HOSEA 1:6

Nampa allassukang bainengku ana' makaruana ikambe, iamintu sitau ana' baine. Nakana Batara ri nakke, “Hosea, arengi anjo ana'nu ‘Tenaya Nikamaseangi’, lanri tenamo nalaKukamaseang bansa Israel siagang tena sikalimo nalaKupammopporang ke'nanga.

HOSEA 1:9

Nakana Batara ri nakke, “Arengi anjo ana'nu ‘Teai UmmakKu’, nasaba' tu Israel teai ummakKu, siagang iNakke teaiA' Allata'alana ke'nanga.”

HOSEA 8:8

Rapang uring reppeka, kammami anjo tu Israel tenamo anggaranna, siagang a'jarimi bansa biasa sangkamma bansa-bansa maraenga.

HOSEA 9:3

Ikau ngaseng, he bansa Israel, tena nulammantang tuli ri butta Napassareanga Batara mae ri kau. Musti ammoterekko mange ri Mesir, siagang musti angnganreko kanre harang ri Asyur.

KAIMANGNGANG 26:38

Lamateko ri pammelakkanga, niancuru' pa'rasangannu ri musu-musunnu.

AMOS 5:27

Punna Kupelakko mange ri se'reang pa'rasangang la'bi bellaya battu ri Damsyik. INakke Batara niarenga Allata'ala Kaminang Koasaya, anne akkana.”

AMOS 7:17

Nakana Batara angkanaya la'jari pasundalaki bainennu ri agang-agang kotaya, siagang sikamma ana'nu lanibunoi lalang pa'bundukang. Buttanu lanipa'bage-bageangi mae ri tau maraenga, nampa ikau kalennu lamateko ri pa'rasanganna tau tenaya natappa' ri Batara. Pandudu'na Israel ma'nassa laniengkaki mange ri pammelakkanga, bella battu ri pa'rasangang kalenna.”

PAOLE 28:36

Punna tena numannuruki ri Batara Allata'alanu, ikau siagang karaennu laNaerangko Batara mange ri pa'rasanganna bansa maraeng tenaya nanuassengi, siagang tena todong nanaassengi boe-boenu. Anjoreng lanupare' atai kalennu mae ri rewata-rewata nipareka battu ri kayu siagang batu.

PAOLE 28:64

LaNapasisa'la'-sa'lakko Batara ri alla'na bansa-bansaya ri sikontu linoa. Anjoreng lanynyombako mae ri rewata-rewata nipareka battu ri batu siagang kayu, rewata-rewata tenaya nanuassengi siagang tenaya todong nanaassengi boe-boenu.

PAOLE 30:18

mattantu lanipanrakiko. U'rangi! Kupauang mako anjo passalaka anne alloa. Tena nalala'bu umuru'nu ri pa'rasangang ba'leanna Binanga Yordan, tenayamo nasallo nanupammantangngi.