2 KARAENG-KARAENG 17:28 - KITTA' MATANGKASA'

²⁸ Jari nia'mo sitau Imang Israel, ia le'baka niengka' battu ri Samaria mange ri Asyur, ammotere' siagang ammantang ri Betel. Anjoreng naajaraki ra'yaka angkana antekamma musti batena taua anynyomba ri Batara.

2 KARAENG-KARAENG 17:28 ပူးပေါင်းရင်းမြစ်များ

2 KARAENG-KARAENG 17:27

Lanri kammana anjo naparentakammi karaeng Asyur sollanna nikiring ammotere' mange ri Samaria sitau imang battu ri kalase'renna anjo tau le'baka nitahang siagang nipela' mange ri Asyur. Nakana karaenga, “Suroi ammotere' siagang ammantang anjoreng sollanna akkulle naajara' taua anjoreng ri passala'na hukkung-hukkunna rewatana anjo pa'rasanganga.”

2 KARAENG-KARAENG 17:29

Mingka anjo tau ammantanga ri Samaria tuli napare'na barhala-barhala kalenna ke'nanga siagang naboliki lalang ri balla'-balla' nabangunga tu Israel le'baka ammantang anjoreng riolo. Tunggala' golongang massing napapparekangi kalenna barhala ri kota massing napammantangia ke'nanga:

YESAYA 29:13

Nakana Batara, “Anjo taua nasombA' siagang bawana, mingka atinna lalang bellai ri Nakke. Agamana ke'nanga poro atorang napare'ji rupataua, untu' niapele'ji bawang.

YUNUS 1:9

Appialimi Yunus angkana, “Inakke tu Ibrani. Anynyomba' ri Batara, Allata'ala ri suruga, ampa'jariai tamparanga siagang bontoa.”

MATIUS 15:14

Tea' mako jampangi anjo tu Farisia. Anjo ke'nanga sangnging pamimping-pamimping buta. Na punna tau buta ammimping tau buta, tena tatu'guru'na rua-rua naung ri solonganga.”

YOHANES 4:22

Ikau ngaseng tu Samariaya, apa-apa tenaya nuassengi nualle nusomba. Mingka ikatte tu Yahudia, anynyombaki' mae ri Allata'ala niassenga, nasaba' battu lalangi ri tu Yahudia lammumba kasalamakkanga.