2 KARAENG-KARAENG 17:27 - KITTA' MATANGKASA'

²⁷ Lanri kammana anjo naparentakammi karaeng Asyur sollanna nikiring ammotere' mange ri Samaria sitau imang battu ri kalase'renna anjo tau le'baka nitahang siagang nipela' mange ri Asyur. Nakana karaenga, “Suroi ammotere' siagang ammantang anjoreng sollanna akkulle naajara' taua anjoreng ri passala'na hukkung-hukkunna rewatana anjo pa'rasanganga.”

2 KARAENG-KARAENG 17:27 ပူးပေါင်းရင်းမြစ်များ

1 KARAENG-KARAENG 12:31

Appaenteng tommi Yerobeam tampa'-tampa' passambayangang maraeng ri coppo'-coppo' monconga, siagang angngangka'mi imang-imang battu ri pantaranganna kaluarga Lewi.

1 KARAENG-KARAENG 13:2

Lanri parentaNa Batara, akkio'mi anjo na'bia mae ri anjo tampa' pakkoro'bangnganga angkana, “He tampa' pakkoro'bangngang, he tampa' pakkoro'bangngang! Kammai anne kananNa Batara, ‘Nia' sitau ana' laniareng Yosia lanilassukang lalang ri kaluargana Daud. Irateannu, he kau tampa' pakkoro'bangnganga, lanabuno sikontu imang-imang niaka tugasa' ri tampa'-tampa' passambayangang mae ri rewataya, siagang pole tau le'baka assare koro'bang irateannu. Na irateannu tommi lanitunu buku-bukunna rupataua.’ ”

2 KARAENG-KARAENG 17:26

Nampa napaumi taua mae ri karaeng Asyur angkanaya anjo tau nibolika ammantang ri kota-kotana Samaria tena najampangi rewatana anjo pa'rasanganga. Lanri kammanami anjo nappabattumo rewataya anjoreng singa untu' angkanrei ke'nanga.

2 KARAENG-KARAENG 17:28

Jari nia'mo sitau Imang Israel, ia le'baka niengka' battu ri Samaria mange ri Asyur, ammotere' siagang ammantang ri Betel. Anjoreng naajaraki ra'yaka angkana antekamma musti batena taua anynyomba ri Batara.

2 PATTOTTORANG 11:15

Angngangkaki Yerobeam imang-imang untu' kalenna, untu' allayani tampa'-tampa' panynyombang barhalaya siagang untu' anynyomba ri jing-jing kammayatompa patung-patung sapi napareka kalenna.

EZRA 7:25

Sari'battang Ezra, pa'matu-matui kacara'dekang Napassareanga Allata'ala mae ri kau, siagang angngangkakko siapa are pamimping siagang haking-haking untu' ammarenta ri sikontu taua ri propinsi Efrat bageang ilau', ia attallasaka situru' HukkunNa Allata'alanu. Parallui nupangngajarrang anjo hukkunga mae ri sikontu tau tenayapa naassengi.

HAKING-HAKING 17:13

Nakanamo Mikha, “Kamma-kamma anne tappa'ma' angkanaya laNasarea' kabajikang Batara, lanri nia'mo sitau tu Lewi a'jari Imangku.”