2 KARAENG-KARAENG 17:25 - KITTA' MATANGKASA'

²⁵ Ri wattu pakaramula ammantanna ke'nanga anjoreng, tena napakalompoi Batara; lanri kammanami anjo naNapabattumo Batara siapa are jaina singa untu' angkanrei sipa'gang battu ri ke'nanga.

2 KARAENG-KARAENG 17:25 ပူးပေါင်းရင်းမြစ်များ

1 KARAENG-KARAENG 13:24

nampa a'lampamo anjo na'bi battua ri Yehuda. Ri tangngana aganga nibakkaimi ri sikayu singa, namatemo nikokko'. Ammonrammi maya'na ri aganga, siagang ammenteng keledaina ri ampi'na. Nampa ammenteng tommo anjo singaya anjoreng.

1 KARAENG-KARAENG 20:36

Nakanamo anjo na'bia, “Lanri tenana nanugaukangi parentaNa Batara, lanibakkaiko ri singa tena nasallo ammotere'nu battu anrinni.” Kammatojengi. Tena nasallo ammotere'na battu anjoreng, nibakkaimi nanikokko' ri sikayu singa.

2 KARAENG-KARAENG 17:26

Nampa napaumi taua mae ri karaeng Asyur angkanaya anjo tau nibolika ammantang ri kota-kotana Samaria tena najampangi rewatana anjo pa'rasanganga. Lanri kammanami anjo nappabattumo rewataya anjoreng singa untu' angkanrei ke'nanga.

2 KARAENG-KARAENG 17:28

Jari nia'mo sitau Imang Israel, ia le'baka niengka' battu ri Samaria mange ri Asyur, ammotere' siagang ammantang ri Betel. Anjoreng naajaraki ra'yaka angkana antekamma musti batena taua anynyomba ri Batara.

2 KARAENG-KARAENG 17:32

Pantaranganna anjo rewata-rewataya nasomba, nasomba tongi ke'nanga Batara. Napilei battu ri alla'na ke'nanga a'rupa-rupa tau untu' anggaukangi tugasa' imanga siagang untu' ampassareangi koro'banga ri balla'-balla' barhalaya.

2 KARAENG-KARAENG 17:34

Sa'genna anne alloa tuli nagaukanna ke'nanga ada' kabiasanna ke'nanga. Tena nanynyomba ke'nanga ri Batara siagang tena todong naturuki hukkung-hukkunNa siagang parenta-parentaNa Napassareanga mae ri jari-jarina Yakub, Naarenga todong Israel.

2 KARAENG-KARAENG 17:41

Jari anynyombai ke'nanga ri Batara, mingka anynyomba tongi mae ri barhala-barhalana ke'nanga. Manna sa'genna anne alloa tuli nagaukanna jari-jarina ke'nanga anjo gau' kammaya.

2 KARAENG-KARAENG 2:24

Assailemi Elisa na naciniki ke'nanga siagang nasumpai ke'nanga lanri arenNa Batara. Anjo memang wattua nia'mo ruang kayu macang gana assulu' battu lalang ri romanga nampa nakae-kae kalenna patampulo anrua tau battu ri anjo ana'-anaka.

YESAYA 15:9

Ri Dibon a'jari ejai je'ne' binangaya lanri accampuruki cera'. Siagang laNapabattui Allata'ala apa-apa la'bi hebaka pole mae ri tau niaka anjoreng. Nakiringi mange anjoreng pabuno-bunoa untu' ambunoi sikontu tu Moab niaka ija attallasa'.

YEREMIA 10:7

Inai kutadeng taeroka mappilangngeri mae ri Katte, Karaenna sikontu bansaya? Tojeng, siratang sikaliKi' nipakalompo. Battu ri sikontu cara'deka ri alla'na bansa-bansaya siagang battu ri sikontu karaenna ke'nanga, tena manna sitau akkulle nipasangkamma iKatte, o Batara.

YEREMIA 15:3

Inakke, Batara, le'ba'mi Kupattantu angkanaya nia' appa' rupanna hukkungang hebaka lakajariang mae ri ke'nanga: lamatei ke'nanga lalang pa'bundukang, maya'na ke'nanga lanire'resangi ri kongkong, nikanrei ri jangang-jangang, siagang nipaccappuki ri olo'-olo' sekke'.

YEREMIA 5:6

Lanri kammana minjo nalanibuno ke'nanga ri singa battua ri romanga, siagang nikae-kae ri serigala battua ri parang lompoa. A'dete'mi mange-mange macang a'ballanga amboyai lanakanrea ri ampi'na kota-kotana ke'nanga, na sikamma tau assuluka nabakkai ngaseng nakanre. Kajariang ngasengi anjo sikammaya lanri jainamo dosana ke'nanga, siagang a'mole-molemi nabokoi Allata'ala.

YEHEZKIEL 14:15

Nakulle kapang appabattuA' olo'-olo' sekke' untu' angkanrei pandudu'na anjo pa'rasanganga, sa'genna anjo daeraya a'jarimi daerana sannaka bahayana siagang tenamo manna sitau barani angngoloi.

YEHEZKIEL 14:21

Nakana Batara Kaminang Tinggia, “LaKupabattui appaka hukkungang kaminang hebaka mae ri Yerusalem untu' angngancuruki baji' narupataua kammayatompa olo'-oloka. Anjo appaka hukkungang iamintu: bundu', kacipurang, olo'-olo' sekke' siagang garring.

DANIEL 6:26

Le'baki anjo akkirimmi sura' Karaeng Darius mange ri tau battua ri sikontu bansaya, suku bansaya siagang bahasaya ri sikontu linoa, angkana, “Salama' battu ri nakke!

KAIMANGNGANG 26:22

LaKupabattui olo'-olo' sekkeka ri tangnga-tangnganu. Anjo olo'-olo' sekkeka lanakokkoki ana'-ana'nu, lanabunoi olo'-olo' piaranu siagang lanapaccappukko, sa'gennu a'jari sike'de' dudu mamo tassesa, siagang la'jari sinoi sikamma oloanga lalang ri pa'rasangannu.

YUNUS 1:9

Appialimi Yunus angkana, “Inakke tu Ibrani. Anynyomba' ri Batara, Allata'ala ri suruga, ampa'jariai tamparanga siagang bontoa.”

YOSUA 22:25

Ciniki, Napa'niaki anne Binanga Yordan ri tangnga-tangngata lanri untu' ampasisa'laki ikambe siagang ikau tu Ruben siagang tu Gad. Ma'nassa tena tojeng apa-apa passisambungannu siagang Batara.’ Jari apamo lakajariang sallang? Mattantu jari-jarinu sallang lanapammarimi jari-jarina ikambe untu' anggaukangi ibadaya mae ri Batara.