2 KARAENG-KARAENG 17:24 - KITTA' MATANGKASA'

²⁴ Salaku sambenna tu Israel le'bakamo niengka' mange ri anjo butta pammelakkanga, natampakkangi karaeng Asyur tau battua ri Babel, Kuta, Awa, Hamat, siagang Sefarwaim, anjoreng ri kota-kotana Samaria. Ammantang kabusu'mi anjo taua ri anjo kota-kotaya.

2 KARAENG-KARAENG 17:24 ပူးပေါင်းရင်းမြစ်များ

1 KARAENG-KARAENG 8:65

Ri Balla'Na Batara anjo, Salomo siagang sikontu umma' Israel appare'mi passua'-suarrang untu' ampakalompoi Allo Lompona Pa'ballakang Leko'-lekoka, lalang tuju allo sallona. Teai sipato' jaina anjo tau a'rappunganga anjoreng. Battui ke'nanga ri daera agang mangea ri Hamat bellana ri bageang wara', sa'genna mange ri pa'baeng-baenna Mesir bageang timboro'.

2 KARAENG-KARAENG 17:6

iamintu ri makasalapannamo taung ammarenta Hosea, naempoimi Salmaneser Samaria. Nampa naengka' tu Israel salaku tunitahang mange ri Asyur. Sipa'gang battu ri ke'nanga nitampakkangi ri kota Halah, sipa'gang maraengannaya ri ampi'na Binanga Habor ri daera Gozan, nampa sipa'gang pole ri kota-kota niaka ri pa'rasangang Madai.

2 KARAENG-KARAENG 18:31

Teako pilangngeri Hizkia. Inakke, karaeng Asyur ansuroko sollannu assulu' battu ri kotaya siagang nupassareang kalennu. Sinampe' akkullei nukanre rappo anggoro' battua ri koko kalennu, siagang nukasia' rappo ara battua ri poko' ara kalennu, kammayatompa angnginung je'ne' battu ri bungung kalennu,

2 KARAENG-KARAENG 18:34

Kemaeji rewata-rewatana pa'rasangang Hamat siagang Arpad? Kemaeji rewata-rewata Sefarwaim, Hena, siagang Iwa? Niakka battu ampasalamaki Samaria?

2 KARAENG-KARAENG 19:13

Kemaeji karaeng-karaenna kota Hamat, Arpad, Sefarwaim, Hena, siagang Iwa?”

2 PATTOTTORANG 33:11

Lanri kammana anjo Napabattumi Batara sikamma panglima tantarana Asyur untu' ambunduki tu Yehuda. Nijakkala'mi Manasye siagang pakkai', nampa nisikko' siagang nierang mange ri Babel.

YESAYA 10:9

Kualle passai kota-kota Kalno siagang Karkemis, Hamat siagang Arpad. Kualle tongi kota-kota Samaria siagang Damsyik.

YESAYA 11:11

Anjo alloa laNapakei pole sikalipa kakoasanNa Batara siagang Naerang umma'Na niaka tassesa battu ri Asyur siagang battu ri Mesir, ri pa'rasangang-pa'rasangang Patros, Sudan siagang Elam, ri Babel, Hamat siagang pulo-pulo bellaya.

YESAYA 36:19

Kemaei rewata-rewatana pa'rasangang Hamat siagang Arpad? Kemae rewata-rewatana Sefarwaim? Niakka battu ampasalamaki Samaria?

YESAYA 37:13

Kemae ngasengi karaeng kota Hamat, Arpad, Sefarwaim, Hena, siagang Iwa?”

YESAYA 37:18

Naasseng ngasengi ikambe, o Batara, angkanaya anjo sikamma karaeng Asyur jaimi bansa le'ba' napanraki siagang naancuru' sikamma pa'rasanganna ke'nanga.

YEREMIA 21:2

“Appalakko pitunju' battu ri Batara untu' ikatte, nasaba' nikurummi kotata ri Nebukadnezar karaeng Babel siagang pasukanna. Gassingka lappa'niaki gau' malompo Batara untu' ikatte, na Napassa Nebukadnezar ampamonoki ammotere' pasukanna.”

YEREMIA 50:1

Iaminne pasanNa Batara mae ri nakke ri sesena Babel siagang pandudu'na,

MATIUS 10:5

Le'baki anjo Nasuromi Isa anjo sampuloa anrua tu nisuroNa. Na Napasang angkana, “Teako a'lampai mange ri pantaranganna daerana tu Yahudia. Tea tongko mangei ri kota-kotana tu Samariaya.