2 KARAENG-KARAENG 17:21 - KITTA' MATANGKASA'

²¹ Le'ba'na Nasa'la' Batara tu Israel battu ri tu Yehuda, naangka'mi tu Israel Yerobeam ana'na Nebat a'jari karaenna ke'nanga. Nampa naerammo Yerobeam anjo bansaya ambokoi Batara siagang anggaukangi dosa-dosa lompoa.

2 KARAENG-KARAENG 17:21 ပူးပေါင်းရင်းမြစ်များ

PA'JARIANG 20:9

Le'baki anjo nakio'mi Abimelekh anjo Abraham nampa nakuta'nang angkana, “Apa anne le'baka nugaukang mae ri kambe? Apa salangku mae ri kau, sa'genna nupamae anne balaya ri kalengku siagang ri kakaraengangku? Tena sikali nusiratang la'gau' kamma anjo mae ri nakke.

1 KARAENG-KARAENG 11:11

Nakana Batara, “Nasaba' lalang sadara'nu nanudakkai parjanjiannu siagang iNakke, siagang tena numannuruki ri parenta-parentaKu, jari laKurampasaki kakaraenganga battu ri kau, nampa Kupassareang mae ri sitau pagawenu.

1 KARAENG-KARAENG 11:31

Nampa nakanamo ri Yerobeam, “Allei sampulo polong untu' kalennu, nasaba' Nakana Batara, Allata'alana Israel ri kau, ‘LaKurampasaki anne kakaraenganga battu ri Salomo, nampa Kupassareang sampulo suku mae ri kau.

1 KARAENG-KARAENG 13:34

Passabakkang iaminjo panggaukang ja'dala'na nacilakamo siagang ancuru' taba sikali turunganna.

1 KARAENG-KARAENG 14:16

Lanibokoi Israel ri Batara lanri dorakanamo Yerobeam siagang a'jaria passabakkang nadoraka todong tu Israel.”

1 KARAENG-KARAENG 14:8

Le'ba' mako Kusare kakaraengang le'baka Kurampasa' battu ri turunganna Daud. Mingka tena nusangkamma atangKu Daud. Ia tena tojeng pamminrana ri Nakke siagang mannuruki ri parentaKu. Ia bawang nagaukang apa Kusitujuia.

2 KARAENG-KARAENG 17:22

Naturuki ke'nanga panggaukanna Yerobeam siagang tuli nagaukangi sikontu dosa nagaukanga Yerobeam,

2 KARAENG-KARAENG 3:3

Mingka, sangkamma Yerobeam ana'na Nebat ammarentaya rioloannaya, naerang tongi tu Israel mae ri dosaya siagang tena nammari anggaukangi anjo passalaka.

2 PATTOTTORANG 11:11

Najarreki anjo kota-kota ammakea tembo' pattahangngang siagang ammoliki sitau komandang pasukang ri anjo tunggala' kotaya. Anjo kota-kotaya massing napassangkaki siagang parsadiaang kanre-kanreang, minynya' zaitun siagang anggoro',

2 PATTOTTORANG 11:15

Angngangkaki Yerobeam imang-imang untu' kalenna, untu' allayani tampa'-tampa' panynyombang barhalaya siagang untu' anynyomba ri jing-jing kammayatompa patung-patung sapi napareka kalenna.

PAMMUJI 25:11

O, Batara, Kipammopporanga' situru' janjinTa, saba' lompoi kasalangku.

KALAPPASSANG 32:21

Nakanamo ri Harun, “Apa nagaukang ke'nanga mae ri kau sa'genna nulappassang ke'nanga doraka lompo?”

YESAYA 7:17

LaNapabattui Batara karaeng Asyur, nampa ikau siagang sikontu kaluarganu, kammayatompa ra'ya'nu, lanakasiaki allo-allo kasessang la'bi hebakkangngang nale'baka nukasia' baku' le'ba'na ta'bage kakaraengang Israel siagang Yehuda.

YOHANES 19:11

Appialimi Isa Nakana, “Punna taNasareako' Allata'ala anjo koasanu, tena sikali koasanu mae ri Nakke. Lanri kammana, lompoangangi dosana tau ampassareangai KalengKu mae ri kau, kala ikau.”

1 SAMUEL 2:17

Kammaminjo antekamma doraka lompona anjo ruaya ana'na Eli ri dallekanNa Batara, lanri nabawang-bawanganna passare koro'banga untu' Batara.

1 SAMUEL 2:24

Teako appakammai pole anjo na'. Teai sipato' kodina anjo nabicaraya umma'Na Batara ri passala' panggaukannu.