2 KARAENG-KARAENG 17:17 - KITTA' MATANGKASA'

¹⁷ Napassareangi ana'na ke'nanga a'jari koro'bang nitunu mae ri rewataya. Ammakei ke'nanga pangngissengang siagang appalaki pangngunju' battu ri sanro-sanroa ia akkullea sipa'bicara siagang roh-roh tenaya naniciniki. Teai sipato' batena anggaukang ngasengi anjo apa-apa tenaya Nangai Batara,

2 KARAENG-KARAENG 17:17 ပူးပေါင်းရင်းမြစ်များ

1 KARAENG-KARAENG 14:15

laNahukkummi Batara tu Israel sa'genna sanrapang apa-apa ta'ronang-ronanga nianyukkang ri je'ne'. Lanipasuluki ra'ya' Israel ri Batara battu anrinni ri anne pa'rasangang bajika ia le'baka nipassareang ri boe-boena ke'nanga. Lanipatassia'-siaraki ke'nanga anta'leanna Binanga Efrat, lanri napabattuna ke'nanga larroNa Batara, iamintu lanri appare'na ke'nanga patung-patung rewata baine Asyera.

1 KARAENG-KARAENG 21:20

Nacini'na Ahab anjo Elia, nakanamo, “E musu, kale'bakkanna nugappa tonja'!” Appialimi Elia angkana, “Kammatojengi, nasaba' sanna' lompona pattujunta anggaukangi apa ja'dalaka ri dallekanNa Batara,

1 KARAENG-KARAENG 21:25

Tena niakka tau lompo pattujunna anggaukangi kaja'dallanga ri dallekanNa Batara sangkamma nagaukanga Ahab. Yangaseng anjo kaja'dallanga nagaukangi lanri nipangarui ri Izebel, bainenna.

2 KARAENG-KARAENG 16:3

Sangkamma tongi karaeng-karaeng Israel batena appanggaukang ri tallasa'na, ba'lalo napassareangi ana' bura'ne kalenna a'jari koro'bang mae ri rewataya, situru' kabiasang ja'dala'na sikamma tau nibongkaya ri Batara battu ri butta Kanaan ri wattunna napantamakki tu Israel anjo pa'rasanganga.

2 KARAENG-KARAENG 17:11

Attunu tongi ke'nanga dupa ri sikontu tampa' pakkoro'bangnganga untu' rewataya, sangkamma kabiasanna bansa-bansa le'baka Nabongka Batara battu ri butta Kanaan. Anynyombai ke'nanga barhala, manna pole nipisangkai ri Batara. Sikontu anjo panggaukang ja'dala'na ke'nanga ampanaiki larroNa Batara.

2 KARAENG-KARAENG 17:31

tu Awa appareki patung Nibhas siagang Tartak, siagang tu Sefarwaim napassareangi ana' kalenna ke'nanga a'jari koro'bang nitunu mae ri Rewata Adramelekh siagang Anamelekh.

2 KARAENG-KARAENG 21:6

Ana' kalenna napassareang a'jari koro'bang nitunu. Nagaukang tongi Manasye gau'-gau' sanroa, a'jari paciniki, ammakei pangngissengang, siagang appalaki pangngunju' mae ri roh-roh tanicinika. Sanna' dorakana mae ri Batara sa'genna napanai'mo larroNa Batara.

2 PATTOTTORANG 28:3

nampa attunu dupa ri Ka'bung Lappara' Hinom. Ba'lalo ana' bura'ne kalenna napassareang a'jari koro'bang mae ri barhalaya, situru' kabiasang ja'dala'na tau le'bakamo Nabongka Batara battu ri pa'rasangang Kanaan ri wattunna napantamakki tu Israel anjo pa'rasanganga.

2 PATTOTTORANG 33:6

Ana'-ana' kalenna napassareang nipa'jari koro'bang nitunu ri Ka'bung Lappara' Hinom. Nagaukang tongi jama-jamang sanroa, pacinika, pangngissenganga, siagang appalaki pangngunju' mae ri roh-roh tanicinika. Teai sipato' dorakana mae ri Batara, sa'genna napakalarromo Batara.

YESAYA 47:9

Mingka poro sinampe'ji bawang, lalang siallo, nappada kajariang anjo ruaya passala'. Manna ammakeko baca-baca siagang pangngissengang, lanialle tonji bura'nennu siagang ana'nu.

YESAYA 50:1

Nakana Batara ri Israel, “He ummakKu, nukapangi angkana Kubongkako rapang se'rea bura'ne ambongkai bainenna? Punna kamma, kemae sura' talla'na? Nukapangi angkana Kubalukangko, rapang sitau mangge ambalukangi ana'na mae ri tau assingaraka pappiinrang? Tena! Nitahangko siagang nipelakko, lanri dosanu siagang kaja'dallang kalennu!

YESAYA 8:19

Mingka lanisuroko ri taua appala' pangngunju' battu ri sanro-sanroa, ia a'bici'-bicika siagang a'gio'-gioka muncenna. Lanakana anjo taua, “Sai siratangki' appala' pangngunju' battu ri sikamma nyawana tau matea untu' kaparalluanna tau attallasaka?”

YEREMIA 19:5

Appaentengi ke'nanga tampa' pakkoro'bangngang untu' Rewata Baal, untu' ampassareangi ana'-ana'na ke'nanga a'jari koro'bang nitunu, padahala' tale'bakai Kusuro ke'nanga anggaukangi anjo kammaya, ba'lalo anjo kammaya tale'bakai ammumba lalang ri pikirangKu.

YEREMIA 25:7

Mingka KalenNa Batara angkana, angkanaya tena numappilangngeri mae ri Ia. Ba'lalo nupanaiki larroNa lanri anjo barhala-barhalanu. Ikau ngaseng kalennu ampabattui hukkunganNa mae ri kalennu.

YEREMIA 27:9

Teako pilangngeri na'bi-na'bia yareka manna pole inai ampisangkaiko tundu' mae ri karaeng Babel, manna pole nanakana kalenna le'baki annarima pitunju' battu ri so'na, roh-roh alusu', yareka lanri ammakei kagassingang pangngassengang.

YEREMIA 7:31

Se're tampa' pakkoro'bangngang niarenga Tofet le'ba'mi nabangung ke'nanga ri Ka'bung Lappara' Hinom untu' napake ampassareangi ana'-ana'na ke'nanga a'jari koro'bang nitunu. Padahala' iNakke tena le'bakai Kusuro anggaukangi anjo kammaya, ba'lalo tena le'bakai ammumba anjo pikkirang kammaya lalang ri pikkirangKu.

YEHEZKIEL 16:21

Maka musti nualle tongi ana'-anakKu nampa nukoro'bangkang ke'nanga mae ri barhala-barhalaya?

YEHEZKIEL 20:26

Kulappassangi ke'nanga anra'massi kalenna siagang koro'bang-koro'banna ke'nanga, ba'lalo ana' bungasa' bura'nena ke'nanga nakoro'bangkangi. Kammami anjo carana ke'nanga Kuhukkung sollanna naasseng ke'nanga angkanaya iNakkemi Batara.

YEHEZKIEL 20:31

Ba'lalo sa'genna anne alloa nura'massi kalennu lanri angngerannu passare siagang nutunui ana'-ana'nu salaku koro'bang mae ri barhala-barhalaya. Nampa barani ijako appala' pangngunju' battu ri Nakke? Lanri iNakke, Allata'ala mattallasaka, Batara Kaminang Tinggia, tena nalaKupa'biangko appala' pangngunju' battu ri Nakke.

YEHEZKIEL 23:37

Nagaukangi ke'nanga a'gau' bawanga siagang ammunoa; a'gau' bawangi ke'nanga siagang barhala-barhalaya siagang nabunoi ana'-anakKu nalassukanga ke'nanga. Anjo ana'-anaka le'baki napassareang mae ri barhala-barhalana ke'nanga.

YEHEZKIEL 23:39

Ri allo nabunona ana'-anakKu siagang napassareanna mae ri barhala-barhalaya, anjo tau ruaya massari'battang battui mange ri BallakKu nampa nara'massi!

KAIMANGNGANG 18:21

Teako passareangngi kalase'renna ana'nu untu' nikoro'bangkang lalang ri panynyombanga mae ri Rewata Molokh, lanri anjo panggaukang kammaya nahinai arenNa Allata'ala, Bataranu.

KAIMANGNGANG 19:26

Teako angnganrei cera'. Teako ammakei pangngassengang baca-baca.

KAIMANGNGANG 19:31

Teako a'lampai appala' tangara' mae ri sanro appareka passisambungang siagang roh-rohna tau matea. Punna nugaukangi kammaya anjo, a'jari ra'masakko. INakke Karaeng Allata'alanu.

MIKHA 5:12

LaKuancuruki patung-patunnu siagang tembo'-tembo' karama'nu; tenamo nulanynyomba ri barang-barang nupareka kalennu.

LAMPA-LAMPANA 16:16

Ri se'reang allo a'lampa maki' mange ri tampa' passambayanganga. Ri tangngana aganga assibuntulu' maki' sitau baine ata. Anjo bainea nisosoki ri setang, sa'genna akkullei natappu la'bi riolo apa lakajarianga sallang. Lanri akkullena natappu dalle'na taua, jai sikalimi doe' napanggappangi pingga'-pinggawana anjo bainea.

ROMA 7:14

Niassemmi angkanaya anjo hukkung-hukkung agama Yahudia battu ri Allata'ala assala'na; mingka inakke anne lammai batangkalengku. Le'ba'ma' nibalukang untu' a'jari ata mae ri dosa-dosaya.

GALATIA 5:26

Takkulleaki' a'jari tampo, yareka sipa'ri'-pa'risi pa'mai', kammayatompa assikimbu'-kimburui.

PAOLE 32:16

Manynyombai ri patung ke'nanga, nakkimburumo Batara, nai' larroNa lanri anjo kaja'dallanga.

PAOLE 4:25

Kammayatompa punna sallo mako ammantang ri anjo pa'rasanganga siagang ammana'-mana' mako anjoreng, teako dorakai lanri appare'nu patung untu' kalennu, manna pole antekammaya tanja'na.