2 KARAENG-KARAENG 17:14 - KITTA' MATANGKASA'

¹⁴ Mingka taerokai tu Israel siagang tu Yehuda mappilangngeri. Kapala batui ke'nanga sangkamma boe-boena ke'nanga tenaya natappa' mae ri Batara, Allata'alana ke'nanga.

2 KARAENG-KARAENG 17:14 ပူးပေါင်းရင်းမြစ်များ

2 PATTOTTORANG 24:19

Assuromi Batara na'bi-na'bi untu' ampakaingaki ke'nanga sollanna ammotere' anynyomba mae ri Batara; mingka taerokai ra'yaka mappilangngeri.

2 PATTOTTORANG 36:13

Le'ba'mi nipassa Zedekia ri Karaeng Nebukadnezar untu' assumpa lalang arenNa Allata'ala angkanaya talaminrayai pa'mai'na mae ri Nebukadnezar. Mingka ribokoanganna angngewai Zedekia mae ri Nebukadnezar. Kapala batui Zedekia mae ri Batara, Allata'alana Israel. Taerokai ambokoi dosa-dosana siagang taerokai ammotere' mae ri Batara.

NEHEMIA 9:29

Kipakaingaki ke'nanga sollanna naturuki pangngajaratTa, mingka borroi ke'nanga na natolla' hukkunTa. Nama'nassana, punna nigaukang hukkunTa, mattantu lanikatutui katallassanga. Kapala batui na terasa' nyawa ke'nanga, taeroka mappilangngeri, taeroka mannuruki.

PAMMUJI 106:24

Nampa natolla' ke'nanga anjo pa'rasangang ga'gaya lanri tena natappa' ri janjinNa Allata'ala.

PAMMUJI 78:22

saba' tena natappa' ke'nanga mae ri Allata'ala, mae ri koasaNa akkullea ampasalamaki ke'nanga.

PAMMUJI 78:32

Mingka manna nakamma tuli dorakana umma'Na, taerokai tappa' ke'nanga ri sikamma gau' appakalannasa'Na.

PAMMUJI 78:8

sollanna tena sangkamma ke'nanga boe-boena nangaia angngewa siagang doraka; ana'-ana' ta'lengga-lenggaya tappa'na, siagang tenaya namajarre' mae ri Allata'ala.

KALAPPASSANG 16:28

Nakanamo Batara mae ri Musa, “Siapapi sallonu taeroka mannuruki ri sikamma parentaKu?

KALAPPASSANG 32:9

Kuassengi angkanaya anjo bansaya sanna' kapala batuna.

KALAPPASSANG 33:3

Lamangeko ri butta kalumanynyanga siagang copponga. Mingka iNakke KalengKu tena Kula'lampa siagang ikau ngaseng, sollanna tena naKuancurukko ri tangngana aganga, lanri ikau bansa kapala batu ngasengko.”

PANGNGEBARANG 29:1

Inai tulusu' tappilangngeria nipakainga', lapanraki ri se'reang wattu, na takkullea nipakabaji' poleang.

YESAYA 48:4

Kuassengi angkanaya ikau sanna' terasa'na pa'mai'nu, terasaki ulunnu siagang kapala batuko.

YEREMIA 3:7

Kukana ri pikkirangKu angkana punna le'ba'mo nagaukang ngaseng anjo sikammaya, lammotereki mae ri Nakke. Mingka tammoterai mae ri Nakke, ba'lalo a'lampai mange assundala'. Lanri kammana minjo naKutallaki siagang Kubongkai. Yehuda, sari'battanna Israel, tenaya namajarre' pa'mai'na, nacini' ngasengi anjo sikammaya, mingka tena na'jari malla'. Ba'lalo amminawang tongi a'jari pasundala',

YEREMIA 34:14

Kukana, sikontu ata tu Ibrani le'bakamo allayani annang taung sallona, musti nipakabebasaki ri kala'busanna taung makatujua. Mingka taerokai boe-boenu amparhatikangi yareka ampilangngeri anjo apa Kupaua.

YEREMIA 7:26

Mingka tena ero' mappilangngeri siagang anjampangi. Ba'lalo pila' a'jari la'bi kapala batuko siagang la'bi ja'dalakko naboe-boenu.”

YEHEZKIEL 12:2

“He tau, ikau niakko ammantang ri tangnga-tangngana tau nangaia angngewa. Nia' matanna ke'nanga, mingka tena naccini'; nia' tolinna mingka tena nallangngere', lanri nangaina ke'nanga angngewa.

YEHEZKIEL 2:3

“He tau, ikau Kusuroko mange ri tu Israel angngewaya ri Nakke. Anjo ke'nanga angngewai sangkamma boe-boena ke'nanga.

YEHEZKIEL 3:19

Punna nupakaingaki anjo tau ja'dalaka na tena naero' ampamari a'gau' ja'dala', lamatei salaku tau doraka, mingka ikau kalennu lasalamakko.

DANIEL 5:20

Mingka ri wattunna a'jari tampo, kapala batu siagang palla', nigulummi battu ri kakaraenganna sa'genna tappela'mo kala'biranna.

HOSEA 11:2

Mingka pila' Kukioki anjo anakKu pila' napakabellai kalenna battu ri Nakke. Angngerangi koro'bang siagang attunui dupa untu' Rewata Baal siagang rewata-rewata maraengannaya.

LAMPA-LAMPANA 7:51

Teai sipato' kapala batunu ngaseng, siagang teai sipato' sukkara'nu mannuruki ri Allata'ala! Teai sipato' tongolo'na tolinnu mae ri kana-kananNa Allata'ala! Sangkamma le'ba' ngasengko siagang boe-boenu; tuli erokko angngewa ri RohNa Allata'ala!

PAOLE 1:32

Mingka manna pole akkana kammama', tena tongija nuero' tappa' mae ri Karaeng, Allata'alanu,

PAOLE 31:27

Kuassengi angkanaya teai sipato' kapala batuna ke'nanga siagang nangai angngewaya. Manna lalang attallasakku nangai ke'nanga angngewa ri Batara; sarroangampa sallang, punna matema'!

PAOLE 9:13

Nakana pole Batara ri nakke, ‘Kuassengi angkana teai sipato' kapala batuna anjo bansaya.

IBRANI 3:12

Sikamma sari'battangku, tutu laloko, gassingka niakko kalase'rennu sanna' ja'dala'na pa'mai'na siagang tena natappa', sa'genna a'boko siagang napakabella kalenna battu ri Allata'ala assarea katallassang!