2 KARAENG-KARAENG 17:13 - KITTA' MATANGKASA'

¹³ Akkiringi Batara siapa are tunisuro siagang na'bi-na'biNa mae ri umma' Israel siagang Yehuda untu' ampabattui anne pappakainga' kammaya: “Ammarimako a'gau' ja'dala' siagang turukimi parenta siagang hukkung le'baka Kupassareang mae ri boe-boenu siagang mae ri kau tete ri sikamma anjo atangKu, na'bi-na'bia.”

2 KARAENG-KARAENG 17:13 ပူးပေါင်းရင်းမြစ်များ

1 KARAENG-KARAENG 16:1

Jari a'bicarami Batara mae ri Na'bi Yehu ana'na Hanani, angkana, “Pabattui mae ri Baesa anne pappasangKu, angkanaya,

2 KARAENG-KARAENG 17:23

sa'genna kale'bakkanna tenamo naniparhatikang ke'nanga ri Batara, passangalinna nipela'mi ke'nanga battu ri butta nipassareanga mae ri ke'nanga. A'rupami anjo kajariang kammaya situru' pappakainga' le'baka Napassareang Batara mae ri ke'nanga tete ri ata-atanNa iamintu na'bi-na'bia. Kammami anjo nanierammo tu Israel mange ri butta pammelakkanga ri Asyur, siagang anjoremmi ammantang ke'nanga sa'genna anne alloa.

2 KARAENG-KARAENG 18:6

siagang majarreki mae ri Ia. Tena nale'ba' angngewa ri Batara. Sikontu parentaNa Batara nipassareanga tete ri Musa, nituruki tojeng-tojengi ri Hizkia.

2 KARAENG-KARAENG 21:10

Lanri kammana anjo, tete ri sikamma na'bia, ata-atanNa Batara, Nakanamo Batara,

1 PATTOTTORANG 29:29

Ia riwaya'na Karaeng Daud battu ri pakaramulanna sa'genna kala'busanna le'ba'mi nicata' lalang ri kitta' Na'bi Samuel, Na'bi Natan, siagang Na'bi Gad.

AYUB 11:14

Pelaki dosaya battu lalang ri atinnu siagang pakabellai kaja'dallanga battu ri balla'nu!

AYUB 36:10

Nasuroi ke'nanga ampilangngeri pappasaileNa siagang nabokoi kaja'dallanna ke'nanga.

PAMMUJI 50:7

“Pilangngeri, ikau ummakKu, erokKa' a'bicara, Israel, eroki Kusa'bi mae ri kau ngaseng; iNakke anne Allata'ala, Allata'alanu.

YEREMIA 11:7

Ri wattunna Kuerang boe-boena ke'nanga assulu' battu ri Mesir, Kuterassi Kupakainga' ke'nanga sollanna mannuruki ri Nakke. Manna sa'genna ri kamma-kammaya anne tulusu' Kupakainga'na ummakKu ri anjo passalaka,

YEREMIA 18:11

Nakana Batara ri nakke, “Kamma-kamma anne, pabattui mae ri sikamma tu Yehuda siagang pandudu'na Yerusalem angkanaya kamma-kamma anne apparekKa' rancana untu' ambaliangi ke'nanga, siagang Kupasadiangi ke'nanga hukkungang. Suroi ke'nanga ampamari cara tallasa'na ke'nanga dorakaya kammayatompa napakabajiki panggaukanna ke'nanga.

YEREMIA 25:3

“Lalang ruampulo antallu taung, appakkaramula battu ri taung makasampulona antallu ammarenta Yosia ana' bura'nena Amon ri Yehuda, sa'genna anne alloa le'ba'mi a'bicara Batara mae ri nakke siagang tale'baka' takkaluppa ampabattui mae ri kau ngaseng apa le'baka Napau. Mingka tena nujampangi.

YEREMIA 3:7

Kukana ri pikkirangKu angkana punna le'ba'mo nagaukang ngaseng anjo sikammaya, lammotereki mae ri Nakke. Mingka tammoterai mae ri Nakke, ba'lalo a'lampai mange assundala'. Lanri kammana minjo naKutallaki siagang Kubongkai. Yehuda, sari'battanna Israel, tenaya namajarre' pa'mai'na, nacini' ngasengi anjo sikammaya, mingka tena na'jari malla'. Ba'lalo amminawang tongi a'jari pasundala',

YEREMIA 34:14

Kukana, sikontu ata tu Ibrani le'bakamo allayani annang taung sallona, musti nipakabebasaki ri kala'busanna taung makatujua. Mingka taerokai boe-boenu amparhatikangi yareka ampilangngeri anjo apa Kupaua.

YEREMIA 35:15

Tena ammariKu assuroi battu mae ri kau sikamma atangKu na'bi-na'bia, siagang napakainga' mako ke'nanga sollanna nupakabaji' panggaukannu na nupamari a'gau' ja'dalaka. Napakaingakko ke'nanga sollanna tena nunynyomba mae ri rewata-rewata maraenga siagang tena nupare' atai kalennu mae ri anjo rewata-rewataya, sollannu akkulle ammantang tuli anrinni ri pa'rasangang Kupassareanga mae ri kau siagang mae ri boe-boenu. Mingka taerokako amparhatikangi siagang taerokako mappilangngeri ri Nakke.

YEREMIA 42:19

Nampa kukana pole, “Le'ba'mi Naparentakang Batara sollanna ikau niaka ija tassesa ri Yehuda tena nu'lampa mange ri Mesir. Lanri kammanami anjo nakupakaingakko kamma-kamma anne,

YEHEZKIEL 18:31

Pamari anjo sikontu panggaukang ja'dala' nugaukanga siagang lappassammi a'jari beru atinnu siagang pikkirannu. Angngapa numusti mate?

YEHEZKIEL 3:19

Punna nupakaingaki anjo tau ja'dalaka na tena naero' ampamari a'gau' ja'dala', lamatei salaku tau doraka, mingka ikau kalennu lasalamakko.

DANIEL 9:10

Tena nappilangngeri ikambe mae ri kananTa, o Karaeng Allata'alana ikambe; ri wattunna Kisuro ikambe tallasa' situru' hukkung-hukkung Kipassareanga mae ri kambe tete ri anjo atanTa na'bi-na'bia.

HOSEA 11:2

Mingka pila' Kukioki anjo anakKu pila' napakabellai kalenna battu ri Nakke. Angngerangi koro'bang siagang attunui dupa untu' Rewata Baal siagang rewata-rewata maraengannaya.

HOSEA 12:10

Mingka iNakke, Karaeng Allata'alanu, le'baka angngerang ngasengko assulu' battu ri Mesir, laKupammantangko pole ri kema-kemaya sangkamma riolo, ri wattungKu battu mae ri kau ri parang lompoa.

HOSEA 12:11

Le'ba'Ma' a'bicara mae ri na'bi-na'bia, siagang jaimi pappiso'na le'ba' Kupicinikiangi ke'nanga. Tete ri ke'nanga Kupaumi sikamma rancanaKu untu' ikau ngaseng, ummakKu,

HOSEA 14:1

Samaria musti nihukkungi lanri angngewana ri Nakke. Lamatei ra'ya'na lalang pa'bundukanga; ana'-ana' lolona lanilissaraki, siagang bai'-baine tiananga lanipuei battanna.”

HOSEA 4:15

He ikau ngaseng tu Israel, tena namajarre' pa'mai'nu mae ri Nakke! Mingka, Kurannuangi Yehuda natenaja nagaukang tongi kasalang kammaya! Teako mangei anggaukangi ibadanu ri Gilgal yareka ri Betel. Teako assumpai anjoreng lanri arenNa Batara mattallasaka.

LAMPA-LAMPANA 20:21

Baji' namae ri tu Yahudia, yareka mae ri bansa-bansa maraenga, tuli kupakainga' ngasemmi sollanna massing toba', battu ri dosa-dosana ke'nanga nabattu mae ri Allata'ala siagang tappa' mae ri Isa.

PAOLE 31:21

siagang jai bala lompo lantujui ke'nanga. Mingka anne kelonga tuli lanikelongangi siagang tuli lanipakei salaku sa'bi mae ri ke'nanga. Ba'lalo manna ri kamma-kammaya anne, lalang tenanapa naKuerangi ke'nanga mange ri anjo pa'rasangang Kupa'janjianga, Kuassemmi nawa-nawanna ke'nanga.”

PAOLE 4:26

Tapporo langika siagang linoa a'jari sa'bi anne alloa angkanaya punna tena numannuruki mae ri nakke, tasalloami nu'lanynya' battu ri butta nupammantangngia ri ba'leanna anjo Binanga Yordan. Tasalloako lammantang anjoreng, lanri laniancuru' taba sikaliko.

PAOLE 8:19

Teako takkaluppai ri Karaeng Allata'alanu siagang teako ta'gilingi mae ri rewata-rewata maraenga untu' anynyomba siagang ampakalompoi ke'nanga. Anne alloa kupakaingakko angkanaya punna tena tanugaukanna tonja kammaya, ma'nassa tena todong tanipanrakkinnu ri Batara.

YOSUA 23:16

Punna nudakkai parjanjiang le'baka Naparentakang Karaeng Allata'alanu mae ri kau sollanna nuturuki, siagang a'lampako anggaukangi ibadaya kammayatompa anynyomba mae ri rewata-rewataya, tena talarroNa Batara, siagang tena taNahukkunnu ngaseng. Lalang wattu sinampe' duduji naNapa'lanynya' ngasengko battu anrinni ri pa'rasangang bajika anne, Napassareanga Batara mae ri kau.”

2 PETRUS 3:9

Tena nasallo Batara nampa Napassareang apa Napa'janjianga, manna pole nania' tau sala pahang kamma anjo. Mingka sa'baraki mae ri kau, nasaba' taNapa'biangako nia' panra' manna pole sitau. Eroki sollanna toba' ngaseng taua battu ri dosa-dosaya.

HAKING-HAKING 6:10

Le'ba' mako Kupauang angkana iNakkemi Karaeng Allata'alanu. Siagang takukellako anynyomba ri rewata-rewatana bansa Amori, nupammantangia pa'rasanganna kamma-kamma anne. Mingka tena nuturuki parentaKu.’ ”

HAKING-HAKING 6:8

Nasuromi Batara se're na'bi battu mae ri ke'nanga. Nakanamo anjo na'bia, “Kammaminne kananNa Batara, Allata'alana tu Israel; ‘Le'ba' mako Kulappassang battu ri nipare' atanu ri butta Mesir.

1 SAMUEL 9:9

Appialimi Saul angkana, “Baji'mi! Umba ki'lampa.” Jari a'lampami ke'nanga mange ri kotaya, ri tampa'na anjo atanNa Allata'ala. Ri wattu angngambi'na ke'nanga ri bonto angngoloa mange ri anjo kotaya, assibuntulu'mi ke'nanga siagang siapa are tulolo, eroka anynye'ro' je'ne' ri bungunga. Akkuta'nammi ke'nanga mae ri anjo tuloloa angkana, “Apaka nia' pacini' anrinni ri kotaya?” (Anjo wattua se'rea na'bi nikanai pacini'; jari punna nia' tau ero' akkuta'nang se'reang apa-apa mae ri Allata'ala, kammaminne kananna, “Umba ki'lampa mange ri pacinika.”)