2 KARAENG-KARAENG 16:5 - KITTA' MATANGKASA'

^5-6 Anjo wattua nakoasai karaeng Edom ammotere' kota Elat siagang nabongkai tu Yehuda niaka ammantang anjoreng. Nampa battu tu Edom ammantang anjoreng ri anjo kotaya sa'genna anne alloa. Ia tomminjo wattua nabattu Rezin karaeng Siria siagang Pekah karaeng Israel ambunduki tu Yerusalem nampa nakurung, mingka takkulleai nabeta Ahas.

2 KARAENG-KARAENG 16:5 ပူးပေါင်းရင်းမြစ်များ

1 KARAENG-KARAENG 11:36

Mingka se're suku laKulappassangi ri ia, sollanna tuli nia' sitau battu ri turunganna atangKu Daud ammarenta untu' iNakke ri Yerusalem, kota le'baka Kupile a'jari tampa' passambayangang mae ri Nakke.

1 KARAENG-KARAENG 15:4

Mingka lanri Karaeng Daud, nanisaremo Abiam sitau ana' ri Batara, Allata'ala nasombaya Daud, untu' ansambeangi ammarenta ri Yerusalem siagang ampartahangkangi anjo kotaya.

YESAYA 7:14

Kamma-kamma anne, KalenNa Batara lassare tanra mae ri kau: Nia' sallang sitau tulolo latianang siagang allassukang sitau ana' bura'ne, lanaarenga Imanuel.

YESAYA 8:6

“Anne bansaya natollaki je'ne' ci'nong battua ri pangka Binangana Syiloah, na sannang ri Karaeng Rezin siagang Karaeng Pekah.

YEHEZKIEL 16:57

siagang tenapa nakaassengang kaja'dallannu? Kamma-kamma anne sangkamma le'ba' jako siagang ia; ikau nikakkali mako ri tu Edom, tu Filistin siagang sikamma siampi'nu birisika mae ri kau.