2 KARAENG-KARAENG 16:20 - KITTA' MATANGKASA'

²⁰ Matemi siagang nitarawammi Ahas ri pa'jerakkanna sikamma karaenga ri Kota Daud. Nampa nisambeang ri ana'na niarenga Hizkia a'jari karaeng.

2 KARAENG-KARAENG 16:20 ပူးပေါင်းရင်းမြစ်များ

1 KARAENG-KARAENG 2:10

Nampa matemo Daud, na nitarawang ri Kota Daud.

2 KARAENG-KARAENG 18:1

Ri taung makatallu ammarentana Karaeng Hosea, ana'na Ela ri Israel, anjo wattua Hizkia ana'na Ahas a'jari karaeng ri Yehuda.

2 KARAENG-KARAENG 21:18

Matemi siagang nitarawammi Manasye ri koko balla' karaenga, iamintu koko Uza. Nampa ana' bura'nena niarenga Amon ansambeangi a'jari karaeng.

2 KARAENG-KARAENG 21:26

Nitarawangi Amon ri pa'jerakkang niaka ri koko Uza. Nampa Yosia ana'na ansambeangi a'jari karaeng.

2 KARAENG-KARAENG 8:24

Matei siagang nitarawangi ri jera'na karaeng-karaenga ri Kota Daud. Nampa ana'na niarenga Ahazia ansambeangi a'jari karaeng.

2 PATTOTTORANG 28:26

Pau-pau maraengannaya ri passala'na pamarentahanna siagang sikontu apa nagaukanga Ahas, battu ri pakaramulanna sa'genna kala'busanna, niaki nicata' lalang ri kitta' “Pau-pauanna Sikamma Karaeng Yehuda siagang Israel.”

2 PATTOTTORANG 28:27

Matemi Ahas, na nitarawang ri Yerusalem; mingka tena nanjoreng ri jera'na sikamma karaenga. Ana' bura'nena niarenga Hizkia ansambeangi a'jari karaeng.

YESAYA 1:1

Bone nakimbolonga anne kittaka iamintu siapa are pappasang ri passala'na Yehuda siagang Yerusalem; anne pappasanga Napabattui Allata'ala mae ri Na'bi Yesaya, ana'na Amos, ri wattunna Uzia, Yotam, Ahas, siagang Hizkia, ammarenta ri Yehuda.

YESAYA 14:28

Iaminne pasang nipa'la'banga nipau ri taung kamateanna Karaeng Ahas.

HOSEA 1:1

Iaminne pasang Napassareanga Batara mae ri Hosea ana'na Beeri ri wattunna kakaraengang Yehuda niparenta massing-massing ri Karaeng Uzia, Yotam, Ahas, siagang Hizkia, nampa kakaraengang Israel niparenta ri Yerobeam ana'na Yoas.

MIKHA 1:1

Assala'na Mikha iamintu tubattu ri se're kota ca'di niarenga Moresyet. Ri wattu niparentana pa'rasangang Yehuda iamintu sikamma karaeng: Yotam, Ahas, siagang Hizkia; iaminjo wattua nannarima Mikha pasang battu ri Batara ri passala'na Samaria siagang Yerusalem.