2 KARAENG-KARAENG 16:17 - KITTA' MATANGKASA'

¹⁷ Nampa nabongkara' Ahas kareta-kareta nipareka battu ri tambaga, iamintu kareta-kareta nipake lalang ri Balla'Na Batara, nampa nalakka' sikamma katoang niaka ri anjo kareta-karetaya. Anjo guci lompoa iamintu nipareka battu ri tambaga, ia niaka ri dongko'na anjo sampulo anrua patung sapi tambaga naalle tongi siagang napadongkoki ri dapara' batua.

2 KARAENG-KARAENG 16:17 ပူးပေါင်းရင်းမြစ်များ

2 KARAENG-KARAENG 16:16

Nagaukammi Uria anjo parentana karaenga.

2 KARAENG-KARAENG 16:18

Nampa lanri ero'na naalle pa'mai'na karaeng Asyur, nabongkaraki kantoro'na karaenga ri Balla'Na Batara, siagang natongko' pakke'bu' oloanna karaenga.

2 PATTOTTORANG 28:24

Nampa naalle sikontu pakkakasa' niaka lalang ri Balla'Na Batara naancuru'. Nampa natongko' Balla'Na Batara, siagang ambangung tampa'-tampa' pakkoro'bangngang ri sikontu Yerusalem.

2 PATTOTTORANG 29:19

Le'ba' tommi naalle ikambe ammotere' pakkakasa'-pakkakasa' napakabellaya Karaeng Ahas ri wattunna tanajampangia Batara lalang ammarentana. Le'ba' ngasemmi natangkasi ikambe sikontu anjo pakkakasaka ammotere' untu' Batara, siagang kamma-kamma anne niaki ri dallekanna tampa' pakkoro'bangnganga.”

YEREMIA 52:20

Barang-barang tambaga napareka Salomo untu' Balla'Na Batara, iamintu rua benteng, kareta-kareta, ba' je'ne' siagang sampulo anrua dato' sapi antahangi anjo ba' je'neka, yangasenna sanna' battala'na, sa'genna tena nakkulle nitimbang.