2 KARAENG-KARAENG 16:14 - KITTA' MATANGKASA'

¹⁴ Naciniki Ahas angkanaya tampa' pakkoro'bangngang nipareka battu ri tambaga iamintu nisa'laka untu' Batara niaki attampa' ri alla'na Balla'Na Batara siagang anjo tampa' pakkoro'bangngang berua. Lanri kammana anjo napalette'mi anjo tampa' pakkoro'bangngang nipareka battu ri tambaga battu ri dallekang Balla'Na Batara mange ri bageang warakanna anjo tampa' pakkoro'bangngang berua.

2 KARAENG-KARAENG 16:14 ပူးပေါင်းရင်းမြစ်များ

2 KARAENG-KARAENG 16:11

Jari ambangummi Uria se're tampa' pakkoro'bangngang sangkamma anjo contoa siagang ukkurang natarimaya, siagang na'pa'le'baki lalang tenanapa nammotere' Ahas.

2 KARAENG-KARAENG 16:13

Nampa angngerammo passare irate ri anjo tampa' pakkoro'bangnganga, iamintu koro'bang olo'-olo' siagang koro'bang gandung. Appatiri' tommi koro'bang je'ne' anggoro' siagang cera' battu ri koro'bang pappasiamaka nai' ri anjo tampa' pakkoro'bangnganga.

2 KARAENG-KARAENG 16:15

Le'baki anjo nakanamo ri Uria, “Pakei anne tampa' pakkoro'bangngang lompoku untu' attunu koro'bang bari'basa' siagang koro'bang bangngi iamintu napassareanga karaenga siagang ra'yaka, siagang patiriki anjoreng koro'bang anggoro' battua ri ra'yaka. Patiri' tongi nai' ri anjo tampa' pakkoro'bangnganga sikontu cera' battua ri olo'-olo' nipassareanga. Siagang anjo tampa' pakkoro'bangngang nipareka battu ri tambaga, iamintu tampa' pakkoro'bangngang salloa, lappassammi nakupake untu' appala' pangngunju' battu ri roh-roh akkullea nipappalakki pangngunju'.”

2 PATTOTTORANG 1:5

Tampa' pakkoro'bangngang tambaga napareka Bezaleel ana'na Uri, cucunna Hur, nia' tongi ri Gibeon, ri dallekanna KemaNa Batara. Karaeng Salomo siagang sikontu ra'yaka anynyombami ri Batara anjoreng.

2 PATTOTTORANG 29:19

Le'ba' tommi naalle ikambe ammotere' pakkakasa'-pakkakasa' napakabellaya Karaeng Ahas ri wattunna tanajampangia Batara lalang ammarentana. Le'ba' ngasemmi natangkasi ikambe sikontu anjo pakkakasaka ammotere' untu' Batara, siagang kamma-kamma anne niaki ri dallekanna tampa' pakkoro'bangnganga.”

2 PATTOTTORANG 4:1

Assuro pareki Karaeng Salomo se're tampa' pakkoro'bangngang tambaga, la'buna siagang sangkara'na massing-massing 9 metere', siagang tinggina 4,5 metere'.

KALAPPASSANG 27:1

“Apparekko se're tampa' pakkoro'bangngang battua ri kayu akasia. Assulapa appaki pare'na; la'buna siagang sangkara'na massing-massing 2,2 metere' na tinggina 1,3 metere'.

KALAPPASSANG 27:2

Massing panyingkulu' bageang iratena musti niparekangi tanru'-tanru' a'jari se'rea siagang tampa' pakkoro'bangnganga. Yangasenna musti nilapisi siagang tambaga.

KALAPPASSANG 40:29

nampa ri dallekanna pakke'buka napadongko'mi tampa' pakkoro'bangngang untu' koro'bang nitunua. Irate ri anjo tampa' pakkoro'bangnganga napassareammi koro'bang nitunua siagang koro'bang pappatalaya.

KALAPPASSANG 40:6

Boliki tampa' pakkoro'bangngang untu' koro'bang nitunua ri dallekang pakke'bu'na Kemaya.

YEHEZKIEL 43:8

Riolo sikamma karaenna ke'nanga appareki balo'-balo' pakke'bu' siagang benteng-benteng pakke'bu' balla' karaenna ke'nanga ri sa'rinna balo'-balo' pakke'bu'na siagang benteng-benteng pakke'bu' BallakKu, sa'genna se'reji bawang rinring ri alla'na. Nara'massimi areng matangkasakKu ke'nanga, lanri nagaukanna panggaukang appakaringi'-ringika. Lanri kammana anjo naKupanrakimo ke'nanga lalang pangngalarroingKu.

MATIUS 23:35

Jari lanihukkung ngasengko sallang, lanri nubunona tau tenaya salana: Appakkaramula ri nibunona Habel tenaya salana, sa'genna nubunona Zakharia ana'na Berekia lalang ri alla'na Balla'Na Batara siagang tampa' pakkoro'bangnganga.