2 KARAENG-KARAENG 15:5 - KITTA' MATANGKASA'

⁵ Nipa'jari garring salami ri Batara, na sa'genna mate, tena le'bakai a'jari baji' anjo garrinna. Nisa'laki ammantang ri se'reang balla' siagang tena nakkulle nagaukang sikamma tugasa'na. Jari ana' bura'nena niarenga Yotam amwakkeli ammarenta ri ra'yaka.

2 KARAENG-KARAENG 15:5 ပူးပေါင်းရင်းမြစ်များ

2 SAMUEL 3:29

Lappassammi Yoab siagang sikontu kaluargana nihukkung lanri anjo panggaukanna. Dasi-dasi na lalang ri kaluargana Yoab siagang jari-jarina tuli nia'na tau garring sala, yareka bura'ne tenaya kagassinganna, yareka kakurangangi ri kanre-kanreang!”

2 SAMUEL 8:15

Kammaminjo batena Daud ammarenta ri sikontu Israel siagang najagai sollanna nigau' adele' siagang baji' ra'yaka.

1 KARAENG-KARAENG 3:28

Nalangngere'na bansa Israel anjo kaputusang le'baka natantukang lalang ri anjo parkaraya, lannasa'mi siagang angngali'mi ke'nanga ri ia. Nasaba' a'nassami angkanaya nisaremi pangngassengang mabaji' ri Allata'ala untu' a'gau' adele'.

1 KARAENG-KARAENG 3:9

Lanri kammana anjo Batara, poro Kisare laloa' pangngassengang mabaji', ia kuparalluanga untu' ammarenta ri anne ummatTa siagang adele', siagang untu' akkulle angngassengi angkanaya kerea baji' siagang kerea kodi. Punna tena nakamma, antekamma olona akkulle kuparenta anne ummatTa lompo kammaya?”

2 KARAENG-KARAENG 15:32

Ri taung makarua ammarentana Karaeng Pekah ana'na Remalya ri Israel, ia tomminjo wattua na'jari Karaeng Yotam ana'na Usia ri Yehuda.

2 KARAENG-KARAENG 15:6

Pau-pau maraengannaya ri passala'na Karaeng Uzia niaki nicata' lalang ri kitta' “Riwaya'na sikamma karaeng Yehuda.”

2 KARAENG-KARAENG 5:27

Lanri nutarimana anjo passarea, lanutarima tongi anjo garrinna Naaman. Ba'lalo sa'genna satunggu-tungguna sikamma jari-jarinu lanagappai anjo garringa!” Ri wattunna assulu' Gehazi battu anjoreng, anggappami garring sala, iamintu a'jari kebo' sikalimi bukkulenna.

2 KARAENG-KARAENG 7:3

Anjo alloa nia' appa' tau garring sala ri pantaranganna pakke'bu' lompona Samaria. Sipa'bicarai para ia ke'nanga angkana, “Apa matu-matunta ammantang anrinni antayangi kamateanga?

1 PATTOTTORANG 5:17

Anne pattottoranga nipareki ri jammang Yotam a'jari karaeng Yehuda, siagang Yerobeam a'jari karaeng ri Israel.

AYUB 34:19

Tena Nangngalle mae ri sikamma karaenga, yareka Naparioloangngang tau kalumanynyanga na tu kasi-asia. Lanri yangasenna para bate pare'Naji.

PAMMUJI 72:1

Battu ri Salomo. O, Allata'ala, Kipangngajarrangi hukkunTa mae ri karaenga, Kipassareangi kaadelanTa mae ri ana' bura'nena karaenga.

HOSEA 1:1

Iaminne pasang Napassareanga Batara mae ri Hosea ana'na Beeri ri wattunna kakaraengang Yehuda niparenta massing-massing ri Karaeng Uzia, Yotam, Ahas, siagang Hizkia, nampa kakaraengang Israel niparenta ri Yerobeam ana'na Yoas.

KAIMANGNGANG 13:46

Lalang garrinna anjo taua nibilang ra'masaki, siagang musti pantarannai pakkemaanga ammantang, bellai battu ri tau maraenga.

MIKHA 1:1

Assala'na Mikha iamintu tubattu ri se're kota ca'di niarenga Moresyet. Ri wattu niparentana pa'rasangang Yehuda iamintu sikamma karaeng: Yotam, Ahas, siagang Hizkia; iaminjo wattua nannarima Mikha pasang battu ri Batara ri passala'na Samaria siagang Yerusalem.

PAMMILANGNGANG 12:10

Ri wattunna a'lampa anjo rammanga ambokoi KemaNa Batara, a'jari garring salami Miryam nicini'; kebo'mi bukkulenna sangkamma kapasa'. Ri wattunna assaile Harun mae ri Miryam, na nacini' angkanaya nitabami ri garring kammaya anjo,

PAMMILANGNGANG 12:14

Appialimi Batara angkana, “Ebara' angkana nipi'rui rupanna ri manggena, sai a'jari siriki sa'genna tuju alloa? Pakabellai battu ri pakkemaanga lalang tuju allo sallona; nampa punna le'ba'mo anjo akkullemi ammotere' antama.”

PAOLE 24:8

Punna nia' tau garring sala ri tangnga-tangnganu, gaukangi siagang baji' apa naparentakanga imang-imang Lewi mae ri kau; turuki sikamma apa napijo'jokiangko.