2 KARAENG-KARAENG 15:38 - KITTA' MATANGKASA'

³⁸ Matei siagang nitarawangi ri pa'jerakkanna sikamma karaenga ri Kota Daud. Nampa ana'na niarenga Ahas ansambeangi a'jari karaeng.

2 KARAENG-KARAENG 15:38 ပူးပေါင်းရင်းမြစ်များ

2 SAMUEL 7:12

Sallang, punna narapi' a'jala'nu, na nunitarawang ri jera'na boe-boenu, nia' sitau battu ri ana' bura'nenu laKuangka' a'jari karaeng. Iami lambangungA' balla'. LaKupakajarreki kakaraenganna siagang nia' sitau jari-jarina lammarenta satunggu-tungguna salaku karaeng.

1 KARAENG-KARAENG 1:2

Jari nakanamo sikamma pagawena, “O Karaeng, bajikangngang nipa'boyangki se're tulolo untu' angngagangki' ammantang siagang amparakaiki'. Lanaagangki' sikatinroang sollanna kammu' kisa'ring.”

1 KARAENG-KARAENG 14:20

Ruampulo anrua taung sallona ammarenta Yerobeam salaku karaeng, nampa mate na nitarawang. Ana'na niarenga Nadab ansambeangi a'jari karaeng.

1 KARAENG-KARAENG 14:31

Nampa matemo Rehabeam siagang nitarawang ri jera'na sikamma karaenga ri Kota Daud. Abiam, iamintu ana' bura'nena, ansambeangi a'jari karaeng.

1 KARAENG-KARAENG 2:10

Nampa matemo Daud, na nitarawang ri Kota Daud.

2 KARAENG-KARAENG 16:1

Ri taung makasampulo antuju ammarentana Karaeng Pekah ana'na Remalya ri Israel, Ahas ana'na Yotam a'jari karaeng Yehuda.

2 KARAENG-KARAENG 8:24

Matei siagang nitarawangi ri jera'na karaeng-karaenga ri Kota Daud. Nampa ana'na niarenga Ahazia ansambeangi a'jari karaeng.

2 PATTOTTORANG 27:9

Matemi siagang nitarawang ri Kota Daud, nampa ana' bura'nena niarenga Ahas ansambeangi a'jari karaeng.

2 PATTOTTORANG 28:1

Wattunna a'jari Karaeng Ahas 20 taung umuru'na, siagang 16 taung sallona ammarenta ri Yerusalem. Tena naturuki panggaukang baji'na Karaeng Daud, boena, passangalinna nagaukangi apa tenaya Nangai Batara.