2 KARAENG-KARAENG 15:29 - KITTA' MATANGKASA'

²⁹ Ri wattu ammarentana Pekah, naallei karaeng Asyur iamintu niarenga Tiglat-Pileser kota-kota Iyon, Abel-Bet-Maakha, Yanoah, Kedes, Hazor, daera Gilead, Galilea siagang Naftali. Pandudu'na niengkaki mange ri Asyur a'jari tunitahang.

2 KARAENG-KARAENG 15:29 ပူးပေါင်းရင်းမြစ်များ

1 KARAENG-KARAENG 14:15

laNahukkummi Batara tu Israel sa'genna sanrapang apa-apa ta'ronang-ronanga nianyukkang ri je'ne'. Lanipasuluki ra'ya' Israel ri Batara battu anrinni ri anne pa'rasangang bajika ia le'baka nipassareang ri boe-boena ke'nanga. Lanipatassia'-siaraki ke'nanga anta'leanna Binanga Efrat, lanri napabattuna ke'nanga larroNa Batara, iamintu lanri appare'na ke'nanga patung-patung rewata baine Asyera.

1 KARAENG-KARAENG 15:20

Nasitujuimi Benhadad anjo pappala'na Asa. Nasuromi komandang-komandang tantarana siagang pasukanna ke'nanga mange ambunduki kota-kota Israel. Nabetami ke'nanga Iyon, Dan, Abel-Bet-Maakha, siagang Kinerot ri ampi'na Tamparang Galilea, kammayatompa sikontu daera Naftali.

1 KARAENG-KARAENG 9:11

Sikontu kayu camara Libanon siagang kayu camara biasa kammayatompa bulaeng naparalluanga Salomo untu' ambangungi anjo ballaka nisareang ngasengi ri Karaeng Hiram. Ri le'ba'namo anjo jama-jamanga nisaremi Karaeng Hiram ri Karaeng Salomo ruampulo kota ri daera Galilea.

2 KARAENG-KARAENG 15:19

Ri wattunna nia' battu Pul iamintu karaeng Asyur ambunduki tu Israel, nisarei ri Menahem 34.000 kilogarang pera' sollanna nibantu Menahem ampakajarreki kakoasanna ammarenta ri Israel.

2 KARAENG-KARAENG 15:20

Ia carana Menahem anggappai anjo doeka iamintu napassai sikamma tau kalumanynyanga ri Israel assare 50 doe' pera' tunggala' tau. Lanri kammana anjo nabokoimi Pul anjo pa'rasanganga nampa ammotere' mange ri pa'rasanganna.

2 KARAENG-KARAENG 15:28

Doraka tongi mae ri Batara lanri naturukinna kaja'dallanna Karaeng Yerobeam I, le'baka angngerangi tu Israel mange ri gau' dosaya.

2 KARAENG-KARAENG 15:30

Ri taung makaruampulo ammarentana Karaeng Yotam ana'na Uzia ri Yehuda, assikongkoloki Hosea ana'na Ela untu' angngewai Karaeng Pekah siagang nabunomi Karaeng Pekah, nampa ia ansambeangi a'jari karaeng.

2 KARAENG-KARAENG 16:10

Ri wattunna a'lampa Karaeng Ahas mange ri Damsyik untu' ambuntuli karaeng Tiglat-Pileser, nia' nacini' tampa' pakkoro'bangngang anjoreng. Nampa nakiring contona anjo tampa' pakkoro'bangnganga mange ri Imang Uria ri Yerusalem, siagang sikontu ukkurang-ukkuranna.

2 KARAENG-KARAENG 16:7

Akkiringi Ahas tunisuro mange ri Tiglat-Pileser karaeng Asyur, siagang appasang kamma anne, “Inakke anne ata majarretta; lanri kammana anjo, kupalaki ri katte, poro battu laloki' nakipasalamakka' battu ri karaeng Siria siagang karaeng Israel niaka kamma-kamma anne ambundukia'.”

2 KARAENG-KARAENG 17:20

jari tenamo Naani Batara sikontu umma' Israel. Nahukkungi siagang Napassareangi ke'nanga mae ri musu-musunna ke'nanga sannaka palla'na. Tenamo naNaparhatikangi ke'nanga, passangalinna Napelaki ke'nanga battu ri butta Napassareanga mae ri ke'nanga.

2 KARAENG-KARAENG 17:23

sa'genna kale'bakkanna tenamo naniparhatikang ke'nanga ri Batara, passangalinna nipela'mi ke'nanga battu ri butta nipassareanga mae ri ke'nanga. A'rupami anjo kajariang kammaya situru' pappakainga' le'baka Napassareang Batara mae ri ke'nanga tete ri ata-atanNa iamintu na'bi-na'bia. Kammami anjo nanierammo tu Israel mange ri butta pammelakkanga ri Asyur, siagang anjoremmi ammantang ke'nanga sa'genna anne alloa.

2 KARAENG-KARAENG 17:6

iamintu ri makasalapannamo taung ammarenta Hosea, naempoimi Salmaneser Samaria. Nampa naengka' tu Israel salaku tunitahang mange ri Asyur. Sipa'gang battu ri ke'nanga nitampakkangi ri kota Halah, sipa'gang maraengannaya ri ampi'na Binanga Habor ri daera Gozan, nampa sipa'gang pole ri kota-kota niaka ri pa'rasangang Madai.

2 KARAENG-KARAENG 18:11

Nampa naengka' karaeng Asyur tu Israel salaku tunitahang mange ri Asyur; sipa'gang battu ri ke'nanga nipamantangi ri kota Halah, sipa'gang ri ampi'na Binanga Habor ri daera Gozan, na sipa'gang pole ri kota-kota niaka ri pa'rasangang Madai.

2 KARAENG-KARAENG 19:11

Le'ba'mi nulangngere' angkanaya sikontu pa'rasangang le'baka nabunduki karaeng-karaeng Asyur, niancuru' tabasikali kabusuki. Teako kapangngi angkanaya lakkulleko ta'lappasa!

2 KARAENG-KARAENG 8:11

Nampa najanjang tarrusu'mo Elisa anjo Hazael sa'genna a'jari lussa'mo Hazael. Ti'ring angngarru'mi Elisa.

1 PATTOTTORANG 5:26

Lanri kammana anjo Napagio'mi Allata'ala atinna Karaeng Pul battu ri Asyur, sa'genna mange ke'nanga ambunduki anjo pa'rasanganga. Anjo Karaeng Pul nigallara' tongi Karaeng Tiglat-Pileser. Nampa naerammo suku Ruben, Gad, siagang suku Manasye, niaka ri bageang rayanganna Binanga Yordan, a'jari tunitahang nampa nipela' mange ri butta Halah, Habor, Hara, siagang ri se'reang tampa' ri ampi'na Binanga Gozan. Anjoremmi ke'nanga ammantang tuli sa'genna anne alloa.

2 PATTOTTORANG 16:4

Nasitujui Karaeng Benhadad anjo pappala'na Karaeng Asa. Nasuromi perwira-perwira tantarana siagang pasukanna a'lampa mange ambunduki kota-kotana Israel. Nabetami ke'nanga kota-kota Iyon, Dan, Abel-Bet-Maakha siagang sikontu kota-kota pammolikanga ri Naftali.

NEHEMIA 9:32

O, Allata'ala, Allata'alana ikambe magassinga! Allata'ala malompoa siagang hebaka! MajarrekKi' anta'galaki sikontu parjanjianTa; Kirupai siagang Kigaukangi janji-janjinTa. Battu ri jammang sikamma karaeng Asyur anjallakkangi ikambe sa'genna kamma-kamma anne jaimi pa'risi' nakasia' ikambe. Sikamma karaenna ikambe, imang, na'bi siagang tutoa-toaya, kammayatompa boena ikambe siagang ra'yaka pa'risi' ngaseng. Teaki' kaluppai anjo pa'risika! Teaki' pelakki ri pangngu'ranginTa!

YESAYA 1:7

Pa'rasangannu nipanrakimi; kota-kotanu la'busu'mi nitunu. Ri dallekang matannui nialle tampa'nu ri bansa maraeng siagang naancuru' ngaseng sikamma apa niaka.

YESAYA 37:18

Naasseng ngasengi ikambe, o Batara, angkanaya anjo sikamma karaeng Asyur jaimi bansa le'ba' napanraki siagang naancuru' sikamma pa'rasanganna ke'nanga.

YESAYA 7:16

Saba' ri wattu tenanapa narapiki anjo wattua, anjo ruaya pa'rasangang nukamallakkanga karaenna, lanibokoi ri taua sa'genna a'jari kosong.

YESAYA 7:20

LaNasewai Batara karaeng Asyur anggauki Israel rapang tukang cukkuru' ancukkuru' ngasengi uu'na siagang sikamma bulu-bulu kalenna tu Israel.

YEHEZKIEL 23:9

Lanri kammana anjo Kupassareammi mae ri sikamma tanrinna, iamintu sikamma tu Asyur sannaka nakanakkukinna.

KAIMANGNGANG 26:32

LaKuancuru' tabasikali pa'rasangannu, sa'genna ta'bangka sikali sikamma musu angngalleai pa'rasangannu anciniki antekamma heba'na anjo kapanrakanga.

AMOS 1:13

Nakana Batara, “Bansa Amon a'mole-molei doraka, lanri kammana anjo ma'nassa laKuhukkungi ke'nanga. Ri wattunna a'bundu' ke'nanga untu' ampakaluaraki daerana, napuei battanna tubai'-baine tiananga ri Gilead.

AMOS 1:3

Nakana Batara, “Pandudu'na Damsyik a'mole-molemi doraka, lanri kammana anjo ma'nassa laKuhukkungi ke'nanga. Sanna' palla'na panggaukanna ke'nanga mae ri tu Gilead,

AMOS 5:27

Punna Kupelakko mange ri se'reang pa'rasangang la'bi bellaya battu ri Damsyik. INakke Batara niarenga Allata'ala Kaminang Koasaya, anne akkana.”

AMOS 6:14

KalenNa Batara Kaminang Tinggia siagang Kaminang Koasaya angkana, “He umma' Israel, lakkiringA' tantara battu ri se'reang bansa maraeng untu' ambunduki pa'rasangannu. Lanajallakkang ngasengko appakkaramula battu ri agang mangea ri Hamat wara' sa'genna Ka'bung Araba timboro'.”

PAMMILANGNGANG 32:1

Suku-suku Ruben siagang Gad teai sipato' jaina olo'-olo' piarana. Ri wattunna nacini' ke'nanga antekamma baji'na butta Gilead siagang Yaezer untu' nipammarakai olo'-olo',

PAMMILANGNGANG 32:40

Lanri kammana anjo napassareammi Musa anjo butta Gilead mae ri golongang Makhir, siagang ammantang tulimi ke'nanga anjoreng.

PAOLE 28:25

Punna tena numannuruki mae ri Karaeng Allata'alanu, laNalappassangko nibeta ri musu-musunnu. Lanuatoro' bajiki batenu a'bundu', mingka lalariko tassimbung-simbung. Sikontu bansa-bansaya lamalla'-malla' ngasengi anciniki cilaka antujuako.

PAOLE 3:15

“Daera Gilead kupassareangi mae ri golongang Makhir battu ri suku Manasye.

YOSUA 11:1

Nalangngereki kabara'na Karaeng Yabin battu ri Hazor ri passala'na sikamma pammetanna tu Israel, nia'mo tau nasuro mange ri Karaeng Yobab ri kota Madon, mange karaeng-karaeng kota Simron siagang Akhsaf,

YOSUA 11:10

Le'baki anjo ammotere'mi Yosua, nampa naalle Hazor, iamintu kakaraengang kaminang kassaka ri sikontu kakaraengang niaka anjoreng anjo wattua. Natunumi anjo kotaya, kammayatompa nabunoi karaenna siagang sikontu pandudu'na; tena manna sitau nalappassang attallasa'.

YOSUA 11:13

Mingka kota-kota nibangunga irate ri rumbangnganga, tena manna se're natunu tu Israel, pantaranganna kota Hazor nitunua ri kalenna Yosua.

YOSUA 16:6

nampa tulusu' mange ri Tamparang Tangngaya. Mikhmetat niaki ri warakkanna. Timboranna, anjo garisi' pa'baeng-baenga a'lekkoi mange ri Taanat-Silo, nampa allalo battu iraya mange ri Yanoah.

YOSUA 19:35

Kota-kota nikalli' temboka iamintu: Zidim, Zer, Hamat, Rakat, Kineret,

YOSUA 19:37

Kedes, Edrei, En-Hazor,

YOSUA 20:7

Jari ri daera laukanna Binanga Yordan napattantumi umma' Israel kota-kota palarianga, iamintu: Kedes ri pa'monconganna suku Naftali ri Galilea, Sikhem ri pa'monconganna suku Efraim, siagang Hebron ri pa'monconganna suku Yehuda.

HAKING-HAKING 18:30

Anjo patung barhala naeranga ke'nanga, napaentengi anjoreng ri kotaya, nampa naangka' Yonatan, ana'na Gersom, cucunna Musa, a'jari imang mae ri ke'nanga. Iaminne jari-jarina Gersom tuli a'jari imang ri suku Dan sa'genna narapi' jammang nieranna nipela' umma' Israel mange ri pa'rasangang maraeng.

HAKING-HAKING 4:2

Jari nibalang parekkammi ke'nanga ri Batara, na nibeta ri Yabin, iamintu karaeng Kanaan, ammantanga ri kota Hazor. Ia panglimana ke'nanga niarengi Sisera, ammantanga ri Haroset-Hagoyim.