2 KARAENG-KARAENG 15:27 - KITTA' MATANGKASA'

²⁷ Ri taung makalimampulo anrua ammarentana Karaeng Uzia ri Yehuda, ia tomminjo wattua na'jari Karaeng Pekah ana'na Remalya ri Israel. Ammarentai ri Samaria 20 taung sallona.

2 KARAENG-KARAENG 15:27 ပူးပေါင်းရင်းမြစ်များ

2 KARAENG-KARAENG 15:1

Ri taung makaruampulona antuju ammarenta Karaeng Yerobeam II ri Israel, iaminjo wattua na'jari Karaeng Uzia ana'na Amazia ri Yehuda.

2 KARAENG-KARAENG 15:13

Ri taung makatallumpulo assalapang ammarentana Karaeng Uzia ri Yehuda, iatommi anjo wattua na'jari Karaeng Salum ana'na Yabesh ri Israel. Poro sibulanji bawang ammarenta ri Samaria,

2 KARAENG-KARAENG 15:2

Anjo wattua nampa 16 taung umuru'na siagang ammarentai ri Yerusalem 52 taung sallona. Amma'na niarengi Yekholya, baine battu ri Yerusalem.

2 KARAENG-KARAENG 15:23

Ri taung makalimampulo ammarentana Karaeng Uzia ri Yehuda, iatommi anjo wattua na'jari Karaeng Pekahya ana'na Menahem ri Israel siagang ammarentai ri Samaria ruan taung sallona.

2 KARAENG-KARAENG 15:25

Kalase'renna tau battua ri sikamma perwira tantarana, iamintu niarenga Pekah ana'na Remalya, assikongkoloki siagang 50 tau battu ri Gilead. Nampa nabuno ke'nanga anjo Karaeng Pekahya siagang rua tau maraengang niarenga Argob siagang Arye. Lalangi ri se'reang tembo' pattahangngang ri balla' karaenga ri Samaria nibuno Karaeng Pekahya. Nampa Pekah a'jari karaeng ansambeangi Pekahya.

2 KARAENG-KARAENG 15:26

Pau-pau maraengannaya ri passala'na Karaeng Pekahya, niaki nicata' lalang ri kitta' “Riwaya'na sikamma karaeng Israel.”

2 KARAENG-KARAENG 15:28

Doraka tongi mae ri Batara lanri naturukinna kaja'dallanna Karaeng Yerobeam I, le'baka angngerangi tu Israel mange ri gau' dosaya.

2 KARAENG-KARAENG 15:8

Ri taung makatallumpulona assagantuju ammarentana Karaeng Uzia ri Yehuda, iaminjo wattua na'jari karaeng todong Zakharia ana'na Yerobeam II ri Israel siagang ammarentai ri Samaria annang bulang sallona.

YESAYA 7:1

Anjo lapung Karaeng Ahas, iami ana' bura'nena Yotam, cucunna Uzia. Ri wattunna ia ammarenta ri Yehuda, kajariammi bunduka. Rezin karaeng Siria, siagang Pekah ana' bura'nena Remalya karaeng Israel, battui ambunduki Yerusalem. Mingka takkulleai nabeta ke'nanga anjo kotaya.

YESAYA 7:4

Pauangi anjo karaenga angkana musti sadia-sadiai, mingka tuli sannangi. Teami mallakki yareka lingui. Anjo larrona Karaeng Pekah siagang Karaeng Rezin siagang anjo tantarana tu Siria, tena nalompoangngang bahayana na ruaya cappa' kayu tunuang a'rumbua.

YESAYA 7:9

Anjo Israel tena nakassakkangngang na Samaria, iamintu ibukotana, kammayatompa anjo Samaria tena nakassakkangngang na Karaeng Pekah. Punna tena nuttojeng-tojeng tappa' mae ri Nakke, mattantu tena nukkulle lattahang.”