2 KARAENG-KARAENG 15:19 - KITTA' MATANGKASA'

¹⁹ Ri wattunna nia' battu Pul iamintu karaeng Asyur ambunduki tu Israel, nisarei ri Menahem 34.000 kilogarang pera' sollanna nibantu Menahem ampakajarreki kakoasanna ammarenta ri Israel.

2 KARAENG-KARAENG 15:19 ပူးပေါင်းရင်းမြစ်များ

2 KARAENG-KARAENG 12:18

Jari akkirimmi Yoas mae ri ia doe' sollanna tena nabunduki Yerusalem. Anjo doeka naallei battu ri sikontu doe' le'baka napassareang kalenna Yoas riolo mae ri Batara, siagang nipassareanga ri Yosafat, Yoram kammayatompa Ahazia, iamintu karaeng ammarentaya rioloannaya na ia. Kammayatompa battu ri sikontu bulaeng niaka lalang ri pammolikanga lalang ri Balla'Na Batara siagang balla' karaenga. Jari tenamo nanjari Hazael ambunduki Yerusalem.

2 KARAENG-KARAENG 14:5

Tena nasallo ri wattu jarre'namo kakoasanna, nahukkung matemi Amazia sikamma pagawe le'baka ambunoi manggena.

2 KARAENG-KARAENG 15:18

Lalang sikontu tallasa'na tuli dorakai mae ri Batara lanri naturukinna kaja'dallang nagaukanga Karaeng Yerobeam I, le'baka angngerangi tu Israel mange ri gau' dosaya.

2 KARAENG-KARAENG 15:20

Ia carana Menahem anggappai anjo doeka iamintu napassai sikamma tau kalumanynyanga ri Israel assare 50 doe' pera' tunggala' tau. Lanri kammana anjo nabokoimi Pul anjo pa'rasanganga nampa ammotere' mange ri pa'rasanganna.

2 KARAENG-KARAENG 15:29

Ri wattu ammarentana Pekah, naallei karaeng Asyur iamintu niarenga Tiglat-Pileser kota-kota Iyon, Abel-Bet-Maakha, Yanoah, Kedes, Hazor, daera Gilead, Galilea siagang Naftali. Pandudu'na niengkaki mange ri Asyur a'jari tunitahang.

2 KARAENG-KARAENG 16:8

Angngalle tommi Ahas bulaeng siagang pera' battu ri Balla'Na Batara, kammayatompa pa'barang-barangngang niaka ri balla' karaenga, nampa nakiring a'jari hadia mae ri anjo karaeng Asyur.

2 KARAENG-KARAENG 18:16

Manna bulaeng niaka ri pakke'bu'-pakke'bu' Balla'Na Batara siagang le'baka napataba kalenna Hizkia irateanna sikamma pakke'buka naalle kabusuki nampa nakiring todong mange ri Sanherib.

NEHEMIA 9:32

O, Allata'ala, Allata'alana ikambe magassinga! Allata'ala malompoa siagang hebaka! MajarrekKi' anta'galaki sikontu parjanjianTa; Kirupai siagang Kigaukangi janji-janjinTa. Battu ri jammang sikamma karaeng Asyur anjallakkangi ikambe sa'genna kamma-kamma anne jaimi pa'risi' nakasia' ikambe. Sikamma karaenna ikambe, imang, na'bi siagang tutoa-toaya, kammayatompa boena ikambe siagang ra'yaka pa'risi' ngaseng. Teaki' kaluppai anjo pa'risika! Teaki' pelakki ri pangngu'ranginTa!

PAMMUJI 83:8

bansa Gebal, Amon, siagang Amalek, bansa Filistea siagang pandudu'na Tirus.

YESAYA 9:1

Bansa attallasaka lalang ri sassanga lacciniki singara' lompo. Ia ammantanga lalang ri bayang-bayang kamateanga lanisingari ri cayana singaraka.

YEREMIA 17:5

Nakana Batara, “Punna nabokoiA' taua, Batarana, namanrannuang mae ri rupataua siagang tanjeng ri kagassinganna, laKuhukkungi anjo tau kammaya.

YEREMIA 50:17

Nakana Batara, “Tu Israel rapangi pa'rappungang gimbala' niondanga siagang nipasimbung-simbunga ri singa. Uru-uruna nibunduki ke'nanga ri karaeng Asyur, nampa Nebukadnezar Karaeng Babel angngallei buku-bukunna ke'nanga.

YEHEZKIEL 23:5

Manna pole nakubaineammo anjo Ohola, mingka tuli nagaukanna assundalaka, siagang sanna' lompona nyawana allayani sikamma tanrinna battu ri Asyur.

HOSEA 10:6

Anjo barhalaya laniengkaki mange ri Asyur untu' nihadiakang mae ri karaeng lompoa. Naturuki Israel rancana angngerangai ke'nanga mae ri nipakasirika siagang nipakatunaya.

HOSEA 5:13

Bansa Israel siagang bansa Yehuda nasadari kakodianna sarenna. Jari a'lampami tu Israel mange appala' bantuang battu ri Asyur, battu ri karaeng lompoa. Mingka anjo karaenga takkulleai antulungi yareka ampakabajiki katallassanna ke'nanga.