2 KARAENG-KARAENG 15:10 - KITTA' MATANGKASA'

¹⁰ Salum ana'na Yabesh assikongkoloki angngewai Karaeng Zakharia, nampa nabuno Karaeng Zakharia ri Yibleam, nampa nasambeang a'jari karaeng.

2 KARAENG-KARAENG 15:10 ပူးပေါင်းရင်းမြစ်များ

1 KARAENG-KARAENG 15:28

Ri makatallung taunna a'jari Karaeng Asa ri Yehuda nakajariang anjo passalaka. Kammaminjo na'jari karaemmo Baesa ri Israel ansambeangi Nadab.

2 KARAENG-KARAENG 15:11

Lanri kammana anjo kajariammi apa le'baka Napa'janjiang Batara mae ri Karaeng Yehu angkanaya ana' cucunna sa'genna lapisi' makaappa' la'jari karaeng ri Israel. Pau-pau maraengannaya ri passala'na Karaeng Zakharia, niaki nicata' lalang ri kitta' “Riwaya'na sikamma karaeng Israel.”

2 KARAENG-KARAENG 15:14

lanri niaki Menahem ana'na Gadi battu ri Tirza mange ri Samaria ambunoi Salum, nampa Menahem ansambeangi a'jari karaeng.

2 KARAENG-KARAENG 15:22

Matemi siagang nitarawammi Menahem. Nampa ana'na niarenga Pekahya ansambeangi a'jari karaeng.

2 KARAENG-KARAENG 15:25

Kalase'renna tau battua ri sikamma perwira tantarana, iamintu niarenga Pekah ana'na Remalya, assikongkoloki siagang 50 tau battu ri Gilead. Nampa nabuno ke'nanga anjo Karaeng Pekahya siagang rua tau maraengang niarenga Argob siagang Arye. Lalangi ri se'reang tembo' pattahangngang ri balla' karaenga ri Samaria nibuno Karaeng Pekahya. Nampa Pekah a'jari karaeng ansambeangi Pekahya.

2 KARAENG-KARAENG 15:30

Ri taung makaruampulo ammarentana Karaeng Yotam ana'na Uzia ri Yehuda, assikongkoloki Hosea ana'na Ela untu' angngewai Karaeng Pekah siagang nabunomi Karaeng Pekah, nampa ia ansambeangi a'jari karaeng.

2 KARAENG-KARAENG 15:9

Sangkamma todong karaeng-karaeng ammarentaya rioloanganna, ia doraka tongi mae ri Batara. Naturuki kaja'dallanna Yerobeam I, le'baka angngerangi tu Israel mange ri gau' dosaya.

2 KARAENG-KARAENG 9:24

Napabantammi otere' panana Yehu sipagassing-gassinna nampa nalio-lio napana anjo Yoram, na nataba dongko'na sitarrusu' mae ri atenna. Anra'bami Yoram, nampa mate lalang ri karetana.

2 KARAENG-KARAENG 9:31

Ri wattunna antama' Yehu battu ri pakke'bu' lompoa, a'gorami Izebel angkana, “Hoe, Zimri, pabuno-buno! Apa ero'nu battu mae anrinni?”

HOSEA 7:7

Lalang allumpana larrona, nabunomi pamimping-pamimpinna ke'nanga. A'le'basa'mi nabuno ke'nanga sikontu karaenga. Mingka manna pole na'jari kammamo anjo kodina kaadanga, tena sikali manna sitau appala' doang mae ri Nakke untu' nitulung.”

HOSEA 8:4

Ammilei ke'nanga karaeng natena nappitangara' mae ri Nakke. Angngangkaki pamimping natena napalaki passitujuangKu. Naallei bulaenna siagang pera'na ke'nanga nampa appare' patung barhala angngeranga kaancurang mae ri kalenna ke'nanga.

AMOS 7:9

Tampa'-tampa' napakea jari-jarina Ishak untu' anynyomba laniancuruki. Tampa'-tampa' matangkasa'na tu Israel laniruntungi. LaKuputtai jari-jarina Yerobeam.”