2 KARAENG-KARAENG 14:9 - KITTA' MATANGKASA'

⁹ Mingka appikatumi pappiali Karaeng Yoas kamma anne, “Nia' se're wattu sallang nakkiring kabara' katinting rompoka ri Pa'bulukanna Libanon mae ri poko' camaraya angkana, ‘He poko' camara, passareangi ana' tulolonnu mae ri anakku untu' a'jari bainenna.’ Mingka ribokoanganna nia'mo ammalo anjoreng sikayu olo'-olo' battu ri romanga angngonjo'-onjokangi anjo katinting rompoka.

2 KARAENG-KARAENG 14:9 ပူးပေါင်းရင်းမြစ်များ

1 KARAENG-KARAENG 4:33

Akkullei a'bicara ri sesena poko'-pokoka siagang lamung-lamunga – battu ri poko' camaraya ri Libanon sa'genna ruku'-ruku' lu'mu' attimboa ri rinring-rinring batua. A'bicara tongi ri sesena olo'-oloka, sangkamma ebara'na olo'-olo' akka'nyika, olo'-olo' allosonga siagang jukuka.

2 PATTOTTORANG 25:18

Mingka akkirimmi Karaeng Yoas pappiali kamma anne, “Nia' se're wattu sallang nakkiring rompo' akkatintinga ri monconna Libanon tuntutang kammaya anne mae ri poko' camaraya, ‘He poko' camara, passareangi ana' tulolonnu mae ri anakku untu' a'jari bainenna.’ Mingka ribokoanganna nia'mo sikayu olo'-olo' battu ri romang ammalo anjoreng, nampa naonjo'-onjokang anjo rompo' akkatintinga.

2 PATTOTTORANG 33:11

Lanri kammana anjo Napabattumi Batara sikamma panglima tantarana Asyur untu' ambunduki tu Yehuda. Nijakkala'mi Manasye siagang pakkai', nampa nisikko' siagang nierang mange ri Babel.

AYUB 31:18

Battu ri ca'dina kuparakai ke'nanga; kupimpingi ke'nanga lalang tallasakku.

KALAPPASSANG 3:2

Anjoreng nia'mi malaeka'Na Batara ampappicinikangi KalenNa mae ri Musa, lalang pepe' a'rinraya assulu' battu ri tangnga-tangngana rompoka. Naciniki Musa a'rinra anjo rompoka, mingka tena nakkanre.

PANGNGEBARANG 26:9

Sanrapang painung appasulu' katinting battu ri limanna, kammaminjo tau toloa appakainga'.

KELONG MALA'BIRI' 2:2

Rapang bunga bakung ri tangngana rompo' katinting, kammami anjo tanringku ri alla'na sikamma tuloloa.

YESAYA 34:13

Sikamma balla' rewatana siagang kota-kota niaka pattahanganna lanitimboi ri ruku' siagang rompo' katinting, nipammantangngi ri kongkong romang siagang jangang-jangang unta.

YEHEZKIEL 20:49

Mingka iNakke, Yehezkiel, tena kusituju nakukana, “O Batara Kaminang Tinggia, teaKi' suroia' ampaui anjo kammaya! Sikontuna taua akkunrareng ngasemmi nasaba' le'ba'ma' a'bicara lalang pangngebarang, sa'genna sukkara' nipahang.”

HOSEA 9:6

Punna battui balaya, siagang nierang ngasengko mange ri pa'rasangang maraeng, anjo niaka tassesa ammantang battu ri kau ngaseng lanipasse'rei ri tu Mesir untu' nabuno siagang natarawang ri Memfis! Lattimboi rukuka siagang katintinga antongkoki tampa'-tampa' bate balla'nu siagang barang-barang pera'nu tinggia anggaranna.

1 KORINTUS 12:15

Jari punna nakana bangkenga, “Nasaba' inakke teaiya' lima, jari teaiya' anggotana tubua,” takkulleai nikana tenamo nantama ri anggotana tubua anjo bangkenga.

1 SAMUEL 13:6

Nampa a'bakkamo ke'nanga maju, ambunduki hebaki tu Israel, sa'genna nia'mi lalang bahaya lompo tu Israel. Accokkomi sipa'gang tu Israelka lalang ri kali'bong batua ri monconga yareka ri alla'-alla'na batu karanga, yareka lalang ri bungunga siagang kalo'bang lalanga ri buttaya.