2 KARAENG-KARAENG 14:7 - KITTA' MATANGKASA'

⁷ Lalang se'reang pa'bundukang nia' 10.000 tantara Edom le'ba' nabuno Amazia ri lappara' ka'bung niarenga Asin, siagang naempoi kota niarenga Sela. Anjo kotaya nasambei arenna nampa naareng kota Yokteel. Sa'genna kamma-kamma anne tuli niarenna Yokteel anjo kotaya.

2 KARAENG-KARAENG 14:7 ပူးပေါင်းရင်းမြစ်များ

2 SAMUEL 8:13

A'jari pila' katambammi masahoro'na arenna Daud ri wattunna ammotere' siagang le'ba'na nabuno tu Edom 18.000 jaina ri Ka'bung Asin.

2 SAMUEL 8:14

Ambangummi pakkemaang-pakkemaang tantara ri sikontu Edom, na anjo sikontu tu Edom tundu'mi mae ri ia. Nisarei Daud pammetang ri Batara manna pole kemae napa'bunduki.

2 KARAENG-KARAENG 14:10

Ikau Amazia, a'jari tampomako, lanri le'ba'namo nubeta tu Edom. Jari, sai jaimi anjo pammetannu? Bajikangngang boli'mi ri balla' anjo pammetannu! Apa matu-matunnu a'boya pa'bettesang lanri ero'nu bawang ancilakai kalennu siagang ra'ya'nu?”

1 PATTOTTORANG 18:12

Abisai (amma'na niarengi Zeruya) ambetai siagang ambunoi 18.000 tu Edom ri Lappara' Asin,

PAMMUJI 60:1

Untu' pamimping pakelong. Situru' lagu: Bunga bakung kasa'biang. Kelong pangngajara' battu ri Daud,

YESAYA 16:1

Battu ri kota Sela ri parang lompoa, akkiringi bansa Moab ana' gimbala' mange ri tukoasaya ri Yerusalem, a'jari hadia.

YEREMIA 49:16

Lanitipuko ri katampoannu. Tena lamalla' ri kau kamma nukapanga. Ammantangko ri alla'-alla'na batua, bella ri coppo'na monconga. Mingka, manna pole nupare' balla'nu ri tampa' tinggi dudua, sangkamma tinggina ru'munna jangang-jangang rajawalia, mingka laNapanaungko Batara battu anjoreng. Batara ampaui yangasenna anjo.”

OBAJA 1:3

Nitipuko ri atinnu tampoa. Ibukotanu iamintu moncong batu makassa'; tampa' pammantangannu iratei ri coppo'na moncong tinggia. Lanri kammana anjo nakanamo pikkirannu, ‘Inai todong lakkulle antu'gurangki'?’