2 KARAENG-KARAENG 14:3 - KITTA' MATANGKASA'

³ Anjo Amazia nagaukangi apa napakassannanga pa'mai'Na Batara, mingka tenapa nasangkamma Daud boe-boena. Sangkamma todong manggena,

2 KARAENG-KARAENG 14:3 ပူးပေါင်းရင်းမြစ်များ

1 KARAENG-KARAENG 11:4

sa'genna ri wattu toana akkullemi ninyonyo' ri ke'nanga anynyomba ri rewata-rewata maraenga. Daud, manggena Salomo, majarreki mae ri Batara, Allata'alana. Mingka Salomo tena nasangkamma manggena.

1 KARAENG-KARAENG 15:11

Sangkamma Daud, boe-boena, Asa napakasannangi atinNa Batara.

1 KARAENG-KARAENG 15:3

Sangkamma manggena, Abiam jai dosa nagaukang. Tena natulusu' majarre' pa'mai'na mae ri Karaeng Allata'alana, tasangkammayai siagang Daud, boe-boena.

1 KARAENG-KARAENG 3:3

Salomo mangngamaseangi ri Batara siagang mannuruki ri pitunju'-pitunju' battua ri manggena. Mingka tuli anynyamballe iji siagang assare iji koro'bang olo'-olo' ri tampa' a'rupa-rupaya.

2 KARAENG-KARAENG 12:2

Lanri pangngajara'na Yoyada, Yoas lalang sikontu tallasa'na nagaukangi apa appakasannanga ri pa'mai'Na Batara.

2 KARAENG-KARAENG 14:2

Anjo wattua ruampulo allima taung umuru'na, siagang ruampuloi assalapang taung sallona ammarenta ri Yerusalem. Amma'na tu battu ri Yerusalem niarenga Yoadan.

2 KARAENG-KARAENG 14:4

tena todong nanaruntungi tampa'-tampa' panynyombanga ri rewataya, sa'genna tuli assarena koro'bang siagang tuli attununa dupa ra'yaka anjoreng.

2 KARAENG-KARAENG 18:3

Nagaukangi Hizkia apa Nangaia Batara sangkamma nagaukanga Daud boe-boena.

2 KARAENG-KARAENG 22:2

Yosia nagaukangi apa Nangaia Batara. Naturuki panggaukanna boena iamintu Karaeng Daud, siagang naturuki tojeng-tojengi sikontu hukkunNa Allata'ala.

2 PATTOTTORANG 24:17

Ri wattunna matemo Yoyada, ninyonyo'mi siagang nipangaruimi Yoas ri pamimping-pamimpinna tu Yehuda sa'genna tenamo najampangi pole pangngajara'na Yoyada.

2 PATTOTTORANG 24:2

Lalang attallasa'na ija Imang Yoyada, nagaukangi Yoas apa Nangaia Batara.

YEREMIA 16:19

O Batara, iKattemi alla'langngia' siagang assarea' kagassingang; iKatte antulunga' ri wattungku kasukkarang. Labattui bansa-bansaya battu ri cappa'na linoa mae ri Katte na nakana, “Boe-boena ikambe poro rewata takontutojengaji bawang napatappa', tena sikalia matu-matunna.

1 PETRUS 1:18

Nuassengi apa le'baka nipa'bayarrang untu' kalappassannu battu ri katallassang tenaya matu-matunna nasossoranga boe-boenu mae ri kau. Ia pa'bayara'na teai apa-apa akkullea panra' sangkamma peraka yareka bulaenga,