2 KARAENG-KARAENG 14:23 - KITTA' MATANGKASA'

²³ Ri taung makasampulo allima ammarentana Amazia ana'na Yoas ri Yehuda, iaminjo wattua na'jari Karaeng Yerobeam II ana'na Yoas ri Israel siagang ammarentai ri Samaria 41 taung sallona.

2 KARAENG-KARAENG 14:23 ပူးပေါင်းရင်းမြစ်များ

2 KARAENG-KARAENG 13:13

Matemi Yoas nampa nitarawang ri jera'na sikamma karaenga ri Samaria. Nampa ana'na iamintu Yerobeam II ansambeangi a'jari karaeng.

2 KARAENG-KARAENG 14:1

Ri taung makarua ammarentana Yoas ana'na Yoahas ri Israel, iaminjo wattua na'jari Karaeng Amazia ana'na Yoas ri Yehuda.

2 KARAENG-KARAENG 14:15

Pau-pau maraengannaya ri passala'na Karaeng Yoas, kammayami kabaranianna angngewai Amazia karaeng Yehuda niaki nicata' lalang ri kitta' “Riwaya'na sikamma karaeng Israel.”

2 KARAENG-KARAENG 14:16

Matei na nitarawang Yoas ri pa'jerakkanna sikamma karaenga ri Samaria. Nampa ana'na niarenga Yerobeam II ansambeangi a'jari karaeng.

2 KARAENG-KARAENG 14:22

Ri matenamo manggena, naallemi ammotere' Uzia kota Elat nampa nabangung ammotere'.

2 KARAENG-KARAENG 14:24

Dorakai mae ri Batara lanri naturukinna kaja'dallanna Yerobeam I le'baka angngerangi tu Israel mae ri gau' dosaya.

2 KARAENG-KARAENG 14:27

Tena pattujunNa Batara ero' angngancuruki Israel sa'genna satunggu-tungguna. Lanri kammana anjo Natulummi ke'nanga tete ri Karaeng Yerobeam II.

2 KARAENG-KARAENG 15:1

Ri taung makaruampulona antuju ammarenta Karaeng Yerobeam II ri Israel, iaminjo wattua na'jari Karaeng Uzia ana'na Amazia ri Yehuda.

1 PATTOTTORANG 5:17

Anne pattottoranga nipareki ri jammang Yotam a'jari karaeng Yehuda, siagang Yerobeam a'jari karaeng ri Israel.

HOSEA 1:1

Iaminne pasang Napassareanga Batara mae ri Hosea ana'na Beeri ri wattunna kakaraengang Yehuda niparenta massing-massing ri Karaeng Uzia, Yotam, Ahas, siagang Hizkia, nampa kakaraengang Israel niparenta ri Yerobeam ana'na Yoas.

AMOS 1:1

Anjo lapung Amos, iamintu sitau pakalawaki gimbala' battu ri kota Tekoa. Nikioki a'jari na'bi ri wattu niparentana pa'rasangang Yehuda ri Karaeng Uzia, siagang Israel niparentai ri Karaeng Yerobeam, ana'na Yoahas. Ruan taung ri tenanapa nakajariang ta'ge'goso'na buttaya, Napa'nyatai Allata'ala mae ri Amos ri passala'na tu Israel.