2 KARAENG-KARAENG 14:17 - KITTA' MATANGKASA'

¹⁷ Ri wattunna matemo Yoas karaeng Israel, attallasa' iji Amazia 15 taung sallona.

2 KARAENG-KARAENG 14:17 ပူးပေါင်းရင်းမြစ်များ

2 KARAENG-KARAENG 13:10

Ri taung makatallumpulo antuju ammarentana Karaeng Yoas ri Yehuda, iaminjo wattua na'jari karaeng siagang ammarenta Yoas ri tu Israel siagang ammarentai 16 taung sallona.

2 KARAENG-KARAENG 14:16

Matei na nitarawang Yoas ri pa'jerakkanna sikamma karaenga ri Samaria. Nampa ana'na niarenga Yerobeam II ansambeangi a'jari karaeng.

2 KARAENG-KARAENG 14:18

Ri Yerusalem nia' pasikongkolang tau eroka ambunoi Amazia. Jari larimi mange ri Lakhis, mingka niondangi ri musu-musunna sa'genna mange anjoreng nampa nibuno. Maya'na niengkaki siagang jarang mange ri Yerusalem, nampa nitarawang ri pa'jerakkanna sikamma karaenga ri Kota Daud. Jari nilanti'mi Uzia ri ra'ya' Yehuda a'jari karaenna ke'nanga. Anne Uzia ana' bura'nena Amazia. Anjo wattua nampami 16 taung umuru'na Usia. Pau-pau maraengannaya ri passala'na Karaeng Amazia niaki nicata' lalang ri kitta' “Riwaya'na sikamma karaeng Yehuda.”

2 KARAENG-KARAENG 14:23

Ri taung makasampulo allima ammarentana Amazia ana'na Yoas ri Yehuda, iaminjo wattua na'jari Karaeng Yerobeam II ana'na Yoas ri Israel siagang ammarentai ri Samaria 41 taung sallona.

2 KARAENG-KARAENG 15:1

Ri taung makaruampulona antuju ammarenta Karaeng Yerobeam II ri Israel, iaminjo wattua na'jari Karaeng Uzia ana'na Amazia ri Yehuda.